WALEWI 8:7 - Bibilia Kui Mdedie fo Kimochi

⁷ Numa kaṟika Aroni kanzu iya, na impfunga na ngometa, na imṟika iṟikano, na imṟika naivera, na impfunga ngometa fo iṟunda lya wuaria fo naivera, na impfunga naivera kui ngometayo.

WALEWI 8:7 ပူးပေါင်းရင်းမြစ်များ

IWUKA 28:2

Na iyo nochisungusia Aroni mano mayo maṟao maele kui kiṟumi na kui wucha.

IWUKA 28:4

Na maṟao wechihasungusia nyiho iha; iṟao kya kipeeta, na naivera, na iṟikano, na kanzu ya wulole; na nguo yepfunga mdonyi (kilemba), na okowa; nawo wechisungusia manomayo Aroni, na wana wake maṟao maele kundu najiṟundie iṟunda lya wukohanyi.

IWUKA 28:6

“Nawo wasungusie naivera ya ndusu tsa sahabu, na tsa buluu na tsa sambarau na kimaande, na kitani kicha kikioke kui iṟunda lya wuaria.

IWUKA 29:5

Numa ira maṟao ho noṟike Aroni; kanzu iya, na iṟikano lya naivera, na nguwo ya kyamba, na kiṟao kya kipeeta, na impfunga na mkanda fo fo naivera fumsungusie ko wuaria;

YESAYA 61:10

Njechichihiyo mnu kiidi kya Mndumii, mrima foko fochikesa kiidi kya Ruwa oko; kipfa nanjiṟikie maṟao ha okiṟo, kanjishikia na nguwo ya wusumhanyi, chandu menyi walyi ekekusungusia kui kofia ya shiwaṟo, na mpora chando ekekusungusia na shindo sha sahabu.

YESAYA 61:3

iwia iwo waifuha kiidi kya Sioni, wainengo oṟo ya shiwaṟo walekane na ifu, wakushie mafuda handu ha ikapa kilio, maṟao ha wuitoṟi handu ha mrima fukuinadie; kundu walaho nyi mashidi ha wusumhanyi, hai madonge nyi Mndumii kundu nang'anyisho.

EZEKIELI 42:14

Kyamba wakohanyi wakamemaa iṟunda lyawo handu hai haele, ili mandi wakundi iwuka wahende nja, nyi kiwawaṟi wakuatuo nguo tso waweṟee ili waweṟunda ipfo oshangunyi lo Mndumii-Ruwa kyamba nguwo tso nyi tsinjiele. Nyi kiwawaṟi waṟae nguo tsingi kuwoka walamewuka nja wakoyane na wandu.

WAROMA 13:14

Kya indi kuṟaaenyi Mndumii Yesu Kristo, mfo mṟaae fonu, mukuṟise kundu iwetesya moo lilawone lyechiamtsa lango mbicho.

WAROMA 3:22

Ruwa neketana wandu wahoṟotsu oshangunyi loke kui wuidiki woidikya Yesu Kristo iwo wamwidikye wadi wose, kyamba kulaipfo mletsano.

WAGALATIA 3:27

Cha kipfa nyo ilindi mulempatisyo Kristo nyio Kristo mukawemtana mṟaae yanu.

1SAMWELI 2:28

Kiidi kya shishari shose sha Waisraeli njilesambuṟaho Aroni na wa mba yake wawe wakohanyi wako; wanjiṟundie ipfo rasionyi lyako wadutsiepfo opfaamo waṟae kizibau oshangunyi loko. Ngainenga wandu wa mba ya ndeo shidaso shako sa Waisraeli walenjiendie shemaya modonyi.