WALEWI 8:30 - Bibilia Kui Mdedie fo Kimochi

³⁰ Numa Mose kaira mafuda maata heshia na samu iwei alya rasionyi, kaolia Aroni na maṟaonyi hake na wana wake, na maṟao hawo; koikyo naleshimbuo Aroni na wana wake, na maṟao ha wana wake, handu hamu nao.

WALEWI 8:30 ပူးပေါင်းရင်းမြစ်များ

IWUKA 28:2

Na iyo nochisungusia Aroni mano mayo maṟao maele kui kiṟumi na kui wucha.

IWUKA 29:21

Numa ira samuyo ii rasionyi, na mafudaho heshia, noletsie Aroni, huya maṟao hake, na wana wake, na maṟao hawo daa, hamu nao; nao nechiheṟemka, na maṟao hake na wana wake, na maṟao ha wana wake, hamu nao.

IWUKA 30:30

Na iyo nochishimbuo Aroni na wana wake, na iwaheṟemtsa, kundu wanjiṟundie iṟunda lya ukohanyi.

YESAYA 61:1

Mumuyo fo Mndumii-Ruwa fui huye yako; kipfa Mndumii amenjishimbuo, njiongoye wakunyiiṟie mbonyi njicha; nanjidumie kundu njichiṟe walya waluo wose na walya wahutsie macha ha ikiṟo, iongoya wapfunge kya ilekio na walya walewado shidenyi kya iwihiṟo kowo.

YESAYA 61:3

iwia iwo waifuha kiidi kya Sioni, wainengo oṟo ya shiwaṟo walekane na ifu, wakushie mafuda handu ha ikapa kilio, maṟao ha wuitoṟi handu ha mrima fukuinadie; kundu walaho nyi mashidi ha wusumhanyi, hai madonge nyi Mndumii kundu nang'anyisho.

WALEWI 10:3

Nahong'u Mose kawia Aroni, “Kindoki nyi kilya Mndumii adedie, kehamba, ‘Inyi njechiheṟemtso kiidi kya iwo waitikiria koko, na Inyi njechiichiko oshangunyi lo wanduwo wose.’” Aroni katsia sau.

WALEWI 7:35

Ifu nyifo mooko fo Aroni, na mooko fo wana wake, kuwukia ishimbuo kyawo, ipfo mwanonyi yekesembeṟio Mndumii kui modo, mfiri fulya alewawika kundu waṟundie Mndumii kiidi kya iṟunda lya wukohanyi.

WALEWI 7:36

Mooko sa Mndumii, alewawasa wainengo nyi wana wa Waisraeli, mfiri fulya alewashimbuo. Nyi ohawi lowo lo mlungana kiidi kya shishari shawo shose.”

WALEWI 8:12

Numa kaletsa mafudaho heshimbuo kawika mdohu ko Aroni, kamshia mafuda kundu namheṟemtse.

MAITALA 3:3

Iwa waleshimbuo wakashio mafuda wawe wakohanyi.

WAEBRANIA 2:11

Kyamba ichu mwilishi na iwa weilisha wapaṟikye ko ichu wose. Nkyo kimarete alapfia sonu yewalaha wanawawama.

1PETRO 1:2

Kui kyama kya Ruwa Wande kiwesongoe kilemnenga kamusambuṟa moilisho nyi Mumuyo Mwele kyemwidikishya Yesu Kristo na imwolya samu yake. Wutonga na ofoṟo shimuwelukie welu.

1YOHANE 2:27

Nanyo, mshimbuo-fu momwambya fuwukye ipfo koke mfo fookaa nanyo. Nanyo muwuṟye mndu mompfundapfo. Kya indi chando mshimbuo foke fuimlosha kya shose nafo fui lohi fulai wongo, na chando fulemlosha nyo kaenyi nafo.

OTAMBAHALUO LO YOHANE 7:14

Na inyi ngambia, “Iyo, Mndumii oko, ukiichi.” Nao kanjiwia, “Iwa nyi wachee waalenyi wulya wung'anyi wakawesanja maṟao hawo ipfo samunyi ya kidahina ki wakahailisha-ho hakaila pang'a.