WALEWI 8:14 - Bibilia Kui Mdedie fo Kimochi

¹⁴ Kiidima kaende ipung'a lilya lya kidaso kya wunyamaṟi; Aroni na wana wake wakahekia mawoko hawo mdohu fo mmbeyo ya kidaso kya wunyamaṟi.

WALEWI 8:14 ပူးပေါင်းရင်းမြစ်များ

SHIIMBO SHA DAWIDI 66:15

Shidaso shinoru njechikuinenga, hamu na mringo fo machondi masuwa, njechiwuta mmbe na mburu.

YESAYA 53:10

Kikachihiṟa Mndumii, kamlisa wukiwa, karihinyika; Ilindi echihaluo moo foke kidaso kya wunyamaṟi, nechiwona wa oshari loke, nawade moo mleshe. Shilya Mndumii akundi shechihoya owokonyi loke.

EZEKIELI 43:19

Kingise wakohanyi walya wa oshari lo Lewi na wawei wa kishari kya Sadoki, nyiwo wechicha oshangunyi loko wechinjiṟundia. Nyi wudo Inyi Mndumii-Ruwa ngahamba. Ambuya nyi ochiwainega ihache lya ipung'a nalyo nyi lyechiwa kidaso kewuta wunyamaṟi.

EZEKIELI 43:20

Kyasia nyi ochiwuta samu yo uipusuye njora tsose tsa rasio na shindo shalyo shose na shitengu sho shalyo, kyamba nyi wudo ochilisanja rasio lyo na ilishimbuo.

EZEKIELI 44:27

Ili mandi echiida mbenyi yako injiele nyi echiwuta kidaso kewuta wunyamaṟi. Nyi wudo Inyi Mndumii-Ruwa ngahamba.

WALEWI 1:4

Numa nahekie owoko loke huya mdo fo kidasokyo kemaya modonyi; nakyo kechiidikio kipfa kyake, iwika kisanza kipfa kyake.

WALEWI 16:21

Na Aroni nechihekia mawoko hake hawi huya mdo fo mburu iya ii na moo, na itochia huyayo mawicho hose ha wana wa Israeli, na madeko hawo, ee-da njonyamaṟo tsawo tsose; nao nahawike huya mdo fo mburu iya; numa naiduo nahende nayo nuka ilawode mṟinga kui owoko lo mndu akuṟeheṟie.

WALEWI 16:6

“Aroni nechiwuta mmbe iya ya mwano fohoṟio wunyamaṟi, kui kipfa kya mrima foke, na iwika kisanza kyake amonyi na kya mba yake.

WALEWI 4:15

Numa wameku wa mamiingifo wahekie mawoko hawo mdohu fo pung'ayo oshangunyi lo Mndumii,

WALEWI 8:2

“Ira Aroni, handu hamu na wana wake, na maṟao halya, na mafuda heshia, na pung'a ya kidaso kya wunyamaṟi, na masuwa hawi, na kikapu kya mkate ilantarang'ashe;

MAITALA 8:12

Numa Walewi wahekie mawoko hawo huya mdo ya pung'atso; ipung'a limuho noliwike liwe kidaso kewuta wunyamaṟi, na ilyo lingi liwe kidaso kemaya modonyi, kundu liwiie Walewi kisanza.

WAROMA 8:3

Kilya wunyamaṟi wulaweidima ili wuwei-wufafaṟe wudi nyi nyama, nyio Ruwa alekiwuta. Kechiduma Mana-chu oke amonyi, awa mfano fo nyama chaso tsirie wunyamaṟi, na kitewe alemduma na kya wunyamaṟi, kawonya wunyamaṟi-wu wukuwode ipfo nyamehu owingo.

2 WAKORINTO 5:21

Ichu alaweichi wunyamaṟi nyio alemtana wunyamaṟi kimaduma kyadu so, kundu so luwe wenyi-wuhoṟotsu wo Ruwa lui mbihu-hu foke.

1PETRO 3:18

Kipfa nao Kristo alepfa limu kipfa kya manyamaṟo hadu. Ichu asumhanyi alekaya walasumhanyi kundu naluduo ko Ruwa alewoho kui nyama indi kawewanzio moo kui mumuyo.