WALEWI 7:35 - Bibilia Kui Mdedie fo Kimochi

³⁵ Ifu nyifo mooko fo Aroni, na mooko fo wana wake, kuwukia ishimbuo kyawo, ipfo mwanonyi yekesembeṟio Mndumii kui modo, mfiri fulya alewawika kundu waṟundie Mndumii kiidi kya iṟunda lya wukohanyi.

WALEWI 7:35 ပူးပေါင်းရင်းမြစ်များ

IWUKA 28:1

“Na iyo ende manomayo Aroni hafui na inyi, handu hamu na wana wake, kiidi kya wana wa Waisraeli kundu najiṟundie iṟunda lya wukohanyi. Aroni, na Nadabu, na Abihu, na Elieseri, na Itamari wana wa Aroni.

IWUKA 29:1

Na iyo wawutie mbonyi tsi, iwaheṟemtsa, waidime injiṟundia inyi kunu iṟundenyi lya wukohanyi; ira ihache limu lya ipung'a, na masuwa hawi halawode kifaṟe,

IWUKA 29:21

Numa ira samuyo ii rasionyi, na mafudaho heshia, noletsie Aroni, huya maṟao hake, na wana wake, na maṟao hawo daa, hamu nao; nao nechiheṟemka, na maṟao hake na wana wake, na maṟao ha wana wake, hamu nao.

IWUKA 29:7

Nlyondi ochimshimbuo ko imletsia mafuda mdonyi.

YESAYA 10:27

“Kake kiidi kya mkonufo mhanda foke fochiwuka kosohu kopfo, na ngowa tsa ikidi nzingonyi kopfo, na ngowa tso tsechinyamaṟo, kipfa kya ishio mafuda.”

YESAYA 61:1

Mumuyo fo Mndumii-Ruwa fui huye yako; kipfa Mndumii amenjishimbuo, njiongoye wakunyiiṟie mbonyi njicha; nanjidumie kundu njichiṟe walya waluo wose na walya wahutsie macha ha ikiṟo, iongoya wapfunge kya ilekio na walya walewado shidenyi kya iwihiṟo kowo.

WALEWI 8:30

Numa Mose kaira mafuda maata heshia na samu iwei alya rasionyi, kaolia Aroni na maṟaonyi hake na wana wake, na maṟao hawo; koikyo naleshimbuo Aroni na wana wake, na maṟao ha wana wake, handu hamu nao.

YOHANE 3:34

Icho Ruwa alemduma nyi mbia tsa Ruwa aihamba, kyamba Ruwa aimnengya Mumuyo kulaipfo iikenya.

2 WAKORINTO 1:21

Kyasia ichu aluwanzye Kristo-hu handu hamu nanyo na ilushimbuo nyio Ruwa.

1YOHANE 2:20

Nanyo mshimbuo nyi fonu ifu fuwukye ko ichu ai mwele mukaṟanguo mui waichi mose.

1YOHANE 2:27

Nanyo, mshimbuo-fu momwambya fuwukye ipfo koke mfo fookaa nanyo. Nanyo muwuṟye mndu mompfundapfo. Kya indi chando mshimbuo foke fuimlosha kya shose nafo fui lohi fulai wongo, na chando fulemlosha nyo kaenyi nafo.

1SAMWELI 2:28

Kiidi kya shishari shose sha Waisraeli njilesambuṟaho Aroni na wa mba yake wawe wakohanyi wako; wanjiṟundie ipfo rasionyi lyako wadutsiepfo opfaamo waṟae kizibau oshangunyi loko. Ngainenga wandu wa mba ya ndeo shidaso shako sa Waisraeli walenjiendie shemaya modonyi.