WALEWI 7:24 - Bibilia Kui Mdedie fo Kimochi

²⁴ Kingise, mafuda ha indo lyapfa lilienyi, ang'u mafuda ha indo lyaraho nyi mando hengi mlalye manyale, muwode momu foṟunda-naho maṟunda hengi.

WALEWI 7:24 ပူးပေါင်းရင်းမြစ်များ

IWUKA 22:30

Nawudo ochiwuta ko wuwee wo mmbe tsapfo, na machondi hapfo, kyaindi nochishileka shionge ko mayawo ko mkonu mfungade na mkonu fo nyanya nonjiendie.

IWUKA 22:31

Nanyo nyi wandu wako wasambuṟe, koikyo manyamulalye nyama injiwahe nyi mando ha ngeṟenyi, kyaindi nyamayo mochikumbia mashite.

EZEKIELI 4:14

Na inyi ngahaluo ngahamba, “Hoi Mndumii-Ruwa njilemelye kindo kyose kyapfa kitusu pfo, manya kyawoho nyi mando ha njiapfo. Njilemlye kindo kifanyi kuwokia wututu wokopfo.”

EZEKIELI 44:31

Wakohanyi wawode momu folya shilehe ang'u indo lya pfa lienyi ang'u lyawoho nyi mando ha ngeṟenyipfo.”

WALEWI 17:15

Kingise, orio mndu echilya mnying'a, ang'u nyama sa iraherahe nyi indo, kokoyanyi mndu amfee kiidi kyanu, ang'u nyi mhenu, nechisanja nguo tsake, nawesamba kose na mṟinga, nao nechiteṟefuka mṟasa kyukanyi; nlyondi echiheṟemka

WALEWI 22:8

Mkohanyi nalalye nyama ya indo lyapfa lyilienyi ang'u lyawaaho nyi indo lya ngeṟenyi, nalashike ikuteṟefutsa. Inyi nyi Ruwa Menyipfinya.

WALEWI 7:25

Kyamba mnducho echilya mafuda ha indo, kiidi kya mando halya wandu wekehawuta mwano ko Mndumii kui modo, mnducho echilya mafudaho nechikumbo kuleshe na wandu wake.

NGUMBUO YA MAWAWASO 14:21

Mulalye kindo kyose kyapfa kikienyi; mochiidima iinenga mhenu ekekaa kiidi kyanu, nakuliie, ang'u mochiidima ikumbia mndu o mkambo fungi, cha kipfa mui waele na Mndumii-Ruwa, nyi Ruwa onu. Mulakoṟe kihuṟuwi ang'u kisuwana na maruwa ha mae.”