WALEWI 7:1 - Bibilia Kui Mdedie fo Kimochi

¹ Na iwawaso lya kidasokyo kya deko nyi ili;

WALEWI 7:1 ပူးပေါင်းရင်းမြစ်များ

2MBONYI TSA MAHERI 31:14

Kore, mana o Imna, Mlewi, nawei mringi o Kichumi kya ora lo Ngamenyi lo hekalu. Nalehoṟokia shindo shose sha nga ko Ruwa, na ishihawa.

EZEKIELI 40:39

Kyasia iya njienyi kufui na mongo kuwewode ho mesa tsiwi ora lumu na tsingi tsiwi ora lo kawi. Kiidi kya mesa tso nyi hondo wawekeshinjia shidaso shilya shemaya modonyi na shidaso shilya shewuta wunyamaṟi na shilya shewuta mti.

EZEKIELI 44:29

Kelya kyawo nyi shidaso sha mso, shidaso shewuta wunyamaṟi, na shidaso shewuta owingo, na orio kindo kyose kii kishimbuo kipfa kya Mndumii kiidi kya Israeli nyi kechiwa kelya kyawo.

EZEKIELI 46:20

Kanjiwia, “Ambuya iya nyi hando wakohanyi wekekoṟia nyama ya kidaso kewuta wunyamaṟi, na handu hekoṟia shidaso sha mso. Kipfa kyaikyo wakashika iwuka nja wekehenda na kindo kyosepfo kundu wandu walakufanyitse kokoya wakupaya na kindo kii kiele.”

WALEWI 21:22

Mnducho nechiidima ikuliia mkate fo Ruwa oke shindo shiele na shindo shiele mnu.

WALEWI 5:11

Kyaindi nalaidime iwonambeta tsiwi, ang'u malea hawi ha mbuna, nlyondi echiende mwano yake kipfa kya idedolyo alelitehia, kienga kya ikumi kya efa ya mso mmamiri, kiwe nyi mwano foke fohoṟio wunyamaṟi; nalawikyoho mafuda huyafo, manya ubani wulahekioho; kyamba, nyi mwano fohoṟio wunyamaṟi.

WALEWI 5:14

Numa Mndumii kadeda na Mose, kambia,

WALEWI 5:15

“Mnducho oose katehia na iwuta wunyamaṟi alakusirie, kiidi kya mbonyitso njiele tsiwaṟi iwuto tsa Mndumii; nlyondi echiendie Mndumii mwano fotehia; isuwa liheṟemtsu lyiwuka mfiṟihenyi foke; kiheo kihianyi na iitala ochimṟehia lya shekeli tsa pesa, kui shekeli tsa handu haele, kipfa kya dekolyo lyake.

WALEWI 5:7

Kyaindi kalemo iwuta ihuṟuwi, nlyondi echiendie Mndumii mbeta tsiwi, ang'u malea hawi ha mbuna, kiwe nyi mwano foke fo wunyamaṟi wo woke alewuta; kimuho kya shilehesho nyi mwano fo wunyamaṟi, na kya kawi nyi kidaso kemaya modonyi.

WALEWI 5:8

Nao neshiendie mkohanyi, nawoke isembeṟa iya ya kuwoka ya mwano fo wunyamaṟi, nao nechimfunja nzingo, kyaindi nalamranduo njohawi tsiwi;

WALEWI 6:17

Fochitsuwiko na mtarang'ao-pfo. Ngawainenga iki, nyi kienga kyawo kiidi kya mwano yako injiseheṟie kui modo; nyi kindo kiele mnu, cha kidaso kya wunyamaṟi na cha mwano fo deko.

WALEWI 6:25

“Deda na Aroni na wana wake, nowawie, Iwawaso lya mwano fo wunyamaṟi nyi ili; o handu kidaso kemaya modonyi kekeshinjio na hondo kochishinjio kidaso kya wunyamaṟi, oshangunyi lo Mndumii; nyi kui kuele mnu nakamu.

MAITALA 6:12

nao nawekuwika mshimbuo ko Mndumii-Ruwa kui mkonu yake yekuletsana na wengi. Mkonuyo ileida yechiitalopfo kipfa kya njui tsake tsiwei njishimbuo tsileterefutso. Nechiwuta kichondi kya kisuwa kya maka fumu kiwe kidaso kya mti.