WALEWI 6:5 - Bibilia Kui Mdedie fo Kimochi

⁵ ang'u kindokyo kyose alekiliia nyamu ya wongo; nechikiwihiṟa kyose chandu kiwaṟi, numa naengeṟie ho kienga kya katanu huyakyo; nao nechiinengia icho menyi, mfirifo echianduyo ke nyawode mti.

WALEWI 6:5 ပူးပေါင်းရင်းမြစ်များ

2SAMWELI 12:6

Na kipfa kya ulang'a woke na ituṟa mrima fo isaṟia na ikunda, nechitaa machondi hana.

NEHEMIA 10:35

Ambuya nyi lowika kyasa ke nyi lochiende kilimu kya kuwoka kya ndema tsadu na ndunda mbenyi ya Mndumii-Ruwa odu orio maka.

IWUKA 22:1

Mndu kaiwa mmbe ang'u ichondi, kashinja, ang'u kakumba; nechitaa mmbe tsingi tsitanu handu ha mmbe imu, na machondi haana handu ha ichondi limu.

IWUKA 22:4

Kokoya kindokyo kyaiwo kikakoyo kii na moo mawokonyi hake, kokoya nyi mmbe, ang'u nyi nzoi, ang'u nyi ichondi nechitaa wuhuru wokyo makamba hawi.

IWUKA 22:7

Mndu kainengia odoe kichoṟe kya fesa ang'u shindo shingi namwiṟichie, na shindo sho shikaiwio mbenyi ya mnducho; mwiwi kawado nechitaa wuhuru wokyo makamba hawi.

IWUKA 22:9

Orio kindo kyose kyaende maloyano ko wandu wawi huya masaa, kiwe nyi mmbe, nzoi, ichoondi, nguo ang'u kindo kingi kyose kidekie, mondufo fo wandu wo wawawi fochiendo oshangunyi lo Ruwa; na icho echianduyo nyi Ruwa ke nyio mdeko nechitaa odoe wuhuruwo makamba hawi.

IWUKA 30:7

Aroni nechidutsa uvumba wo opfaamo huyake; orio mkonu ngamenyi ili echisungusia taa tsilya, nechiwudutsa.

YESAYA 58:6

Ngesa inyi njilewawasa ke ikuotoya njikundi nyi ileheṟuo walya wapfungiṟie wuwicho wowo na mhanda yawo ianguṟo, walya wai wapfunge wapfunguyo, muwewuta shi shicha shose ko walya wai wawonyie?

YESAYA 58:9

Nochilaha, na Mndumii nechikuidikia; nofihiṟa nao nakuhaluo, ‘Nyi iya njii.’ Kokoya ochiwuta mhanda fulakae kiidi kyapfo, manya ilesha kimnyo, ma ideda mawicho;

EZEKIELI 33:15

Kokoya mndu chu mnyamaṟi awoka iwihiṟa shilya amwakuye, kawewihiṟase na shilya aiwie, nao kaweoshase wuwawaso wo wusumuhanyi alakiwutese wunyamaṟi mndu chu nyi echikaa na moo, echipfa sepfo.

WALEWI 5:16

Nao nechilekia kipfa kya ikyo aledeko kya kindo kilya kiele, numa naengeṟieho kienga kya katanu, naenengie mkohanyi nao mkohanyi nechiwika kisanza kipfa kyake kui isuwalyo lya mwano fo wunyamaṟi, nao nechihoṟio.

LUKA 19:8

Sakayo kahoṟoka, kawia Mndumii, “Ambuya Mndumii kenga kya masaa hako njiwode nyi njechiinenga wakiwa, na kokooya ndemlemba mndu kindo, nyi njechimbihiṟia kya ngeria kaana.”

1SAMWELI 12:3

Aichu njikeri iya na kokoya njilemewuta kindo kiwicho kyose; kyeṟingishienyi nyo muwenyi iya oshangunyi lo Mndumii-Ruwa na oshangunyi lo mangi yanu njisambuṟe. Ngesa, njilemesoka mndu oose mmbe yake ang'u nzoi yake Ngesa, njilemewonyia mndu oose. Ngesa, njilemeapfinyia mndu oose Ngesa, njilemeambia kitsutsumo ko mndu oose kundu njipfuluo mondu kiilohi kyake. Inyi njechimbihiṟia ikyo kyose.”