WALEWI 6:4 - Bibilia Kui Mdedie fo Kimochi

⁴ nlyondi kechiwa nawuta wunyamaṟi na ikuwonyia mti, nechiwihiṟa ikyo alekiwona kui wulembi, ang'u kilya alekiwona kui iwonyia, ang'u kichoṟe kilya kikiwike koke, ang'u kindo kilya kiwedekie kakiwona katsia nakyo,

WALEWI 6:4 ပူးပေါင်းရင်းမြစ်များ

MAWOOKIONYI 21:25

Nahong'u Abrahamu kadehelia Abimeleki kipfa kya ṟungu lilya lya mṟinga masinga ha Abimeleki halelyimsoka.

NEHEMIA 5:11

Wulalu wawihiṟienyi madema hawo, madema ha msabibu, madema ha mizeituni, handu hamu na mba tsawo na kiira kya fesa na ngano, mvinyo, na mafuda ya shilya shose mulewatosa.”

YOBU 20:19

Kipfa nalerumatsa wakiwa kawada, karakuo mba alatsiwikie.

YOBU 24:2

Kuwode wekewuta shiacho sha mṟasa; wakaweduo mapo na ihalisa kwi orikiki.

YESAYA 59:6

Ndusu tsa maṟawushi tsechiwa maṟao-pfo, manya wechiidima ikushikia na maṟunda hawo ha mawoko-pfo; maṟunda hawo nyi ha madeko; mawuto ha ngafu nyi hai mawokonyi hawo.

EZEKIELI 18:12

nao kawewonyia wakiwa na walya wawuṟie, na isoka wandu ko pfinya masaa hawo, kawewa mndu elekewihiṟa kilya kii kiwike reka lingise kawa mndu moindia sanamu na iwuta shindo shiwichuṟie,

EZEKIELI 18:18

Kyaindi ndee oke, ichu aleiwa, kawesoka wandu masaa hawo, kawewa mowuta mawicho kiidi kya mkambo, nechihenda ipfa kipfa kya njonyamaṟo tso tsake awewutie.

EZEKIELI 18:7

manya elekewonyia mndu ose, kawewa mndu mowihiṟa kilya aakuye, kawewa mndu elekeiwa, kaweinenga wakiwa shelya na iṟika nguwo walya wawuṟie,

EZEKIELI 33:15

Kokoya mndu chu mnyamaṟi awoka iwihiṟa shilya amwakuye, kawewihiṟase na shilya aiwie, nao kaweoshase wuwawaso wo wusumuhanyi alakiwutese wunyamaṟi mndu chu nyi echikaa na moo, echipfa sepfo.

EZEKIELI 44:19

Mandi ho waihenda njoshangunyi lo wandu ipfo mbelyamba, nyi wechiatuo nguwo tsawo tsilya waweṟee lilya waweiṟunda, wawetsisuṟuma shiṟihenyi shii shiele. Kii kidi, nyi kiwawaṟi waṟae nguo tsingi kundu wandu walawone wechikuwasha na nguwo tso tsawo tsa wuindi kipfa tsi njiele.

WALEWI 24:18

Mndu oose echiwaha kiuma kya mndu ungi kimbaṟi kiṟaache kingi; kii na moo ko kii na moo.

WALEWI 24:21

Msa awaha kiuma kimbaṟi nalekie kingi; kyaindi mndu oose kawaha mndu ungi nkiwari nao nawewoho.

WALEWI 4:12

kyamba, pung'ayo yose nechiiduo nja ya mṟi tane handu hecha, oo handu wekepusuya mafu, nao nechiikoṟa modonyi huya ngu; yechikoṟo na modo oo handu wekepusuya mafu.

AMOSI 3:10

Kipfa waichi iwuta shilya shisumhanyipfo, Mndumii ahamba iwo wawikiye kisa kya wusoki na wulang'a ipfo mmbenyi tsawo.

MIKA 2:2

Wekelanga madema na ihawada; wakakunda mba wakarakuo, wekesoka na iwonyia wawode mba na wa kanyi kowo, wekesoka wandu masaa hawo.

SEFANIA 1:9

Na kiidi kya mkonu fulya njechihoṟuwo iwo wose weitola mongo waichuṟie mba ya Mndumiii owo wukika na wulembi.

MALAKI 1:13

Kake, mokehamba, ‘Ambuya chando mbonyi ii chando yalulisa wukiwa,’ Nyo mkanjipiṟa, Mndumii Menyi Matoṟito ahamba, ‘Kipfa mokeende kindo kilewoneka kui wukika, ke mwaano yanu, ngesa njishiambie mawokonyi hanu?’ Mndumii awesa.

MAITALA 5:7

kimbaṟi naeweṟo kya wunyamaṟi woke na ilekia njoko isumhanyi na kienga kya makumi hawi kya njokoyo, icho alemdekio.