WALEWI 6:3 - Bibilia Kui Mdedie fo Kimochi

³ ang'u nalewona kindo kyake kiwedekie kakiṟika kambia wongo kyakyo, na ilya nyamu ya wongo; kiidi kya mbonyi cha itso tsose imuho wandu wekewuta na inyamaṟa kyayo;

WALEWI 6:3 ပူးပေါင်းရင်းမြစ်များ

IWUKA 23:4

Kowona mmbe ya mkituwa opfo, ang'u nzoi yake idekie, kikuwaṟi nowihiṟiese menyi oyo.

IWUKA 28:42

Na iyo nowasungusie suruwale tsa nguwo ya kitani, kundu washikie kitaṟe kya mbihuyo yawo; suruwaletso tsiwokie kitsinyi tane tsashika huya ndi;

MFANANO 24:28

Kulaṟingishie wamṟasa opfo kulawode kitewe, Ma kulalembe na dumbu lyapfo.

MFANANO 30:9

Ndaihude njilekane na iyo, Njechihamba Mndumii nyiu? Ma njilawe mkiwa mnu njiiwe, Na isenda rina lya Ruwa oko kya maai.

YEREMIA 5:2

Ma wakahamba, “So Ruwa ai na moo.” Walya nyamu ya wongo.

YEREMIA 7:9

Ngesa mochiiwa na iṟuhuya, na iwaha na ilya nyamu tsa wongo, iatsia Baali opfamo lo wuindi ioshana na maruwa ha kihenu mulahaichi.

EZEKIELI 44:19

Mandi ho waihenda njoshangunyi lo wandu ipfo mbelyamba, nyi wechiatuo nguwo tsawo tsilya waweṟee lilya waweiṟunda, wawetsisuṟuma shiṟihenyi shii shiele. Kii kidi, nyi kiwawaṟi waṟae nguo tsingi kundu wandu walawone wechikuwasha na nguwo tso tsawo tsa wuindi kipfa tsi njiele.

WALEWI 1:16

numa nawutepfo nduuyo yakyo, handu hamu na mbosha tsiipfo natsikumbe mbai ya rasio ora lo ngamenyi, handu hai mafu.

WALEWI 16:4

Nechiṟaa kanzuya njiele ya kitani, aṟee suruwale tsilya tsa kitani mbihunyi foke, akupfungie ngometa fo kitani nao nechiraa mboṟohondo ya kitani; iho nyiho maṟao maele; nao nechisamba mbihu foke na mṟinga, na ihaṟaa.

WALEWI 19:12

Mlalye nyamu ya wongo kui rina lyako tane moisalucha rina lya Ruwa onu. Inyi nyio Ruwa Menyipfinya.

ZEKARIA 5:4

Mndumii Menyi Matorito nahamba ke nechidika oseso lu ko orio mba na mṟi fo waiwi na walya welya nyamu tsa wongo wechisenda rina lyake kya maai. Oseso lu lochirumatsa mba tsa maho na mashidi.”

MALAKI 3:5

“Njechicha njimuanduye; njechiwa mṟingishi mwaangu kipfa kya wasawi, na waṟuhui, na welya nyamu tsa wongo, na ichu mowonyia ichu amdambikie iṟunda lya wueri wuliwe, kipfa kya wueri woke, na walya wekewonyia wangoeda na idetsa lohi ya mndu mhenu, manya walanjiowuo inyi Mndumii menyi.” Matoṟito ahamba.