WALEWI 6:25 - Bibilia Kui Mdedie fo Kimochi

²⁵ “Deda na Aroni na wana wake, nowawie, Iwawaso lya mwano fo wunyamaṟi nyi ili; o handu kidaso kemaya modonyi kekeshinjio na hondo kochishinjio kidaso kya wunyamaṟi, oshangunyi lo Mndumii; nyi kui kuele mnu nakamu.

WALEWI 6:25 ပူးပေါင်းရင်းမြစ်များ

EZEKIELI 42:13

Nalyo mndu ulya kanjiwia, “Shiṟiha shi shose nyi handu haele.” Kiidi kya shiṟihashi wakohanyi wechiida oshangunyi lo Mndumii-Ruwa wechikulia shidaso shi shiele nakamu, kyamba ipfo nyipfo kundu mochiwika shidaso sha mso, shidaso shewuta wunyamaṟi na shidaso shewuta njowingo, kyamba handu ho nyi hai haele.

WALEWI 1:11

Nao nechishinjia o ora lo rasionyi luambuye mtsudu oshangunyi lo Mndumii-Ruwa; na wana wa Aroni, wakohanyiwo, wechiolyia samu yakyo huya rasio njora tsose.

WALEWI 1:3

“Shiinengo shake kokoya nyi kidaso kemaya modonyi kya mmbe, nechilekia pung'a njiheṟemtsu; nechiende na alya mongo fo ihema lyesanzia, kundu naidikio oshangunyi lo Mndumii-Ruwa.

WALEWI 1:5

Nao nashinje mmbeyo oshangunyi lo Mndumii-Ruwa; numa wana wa Aroni wakohanyiwo wechiende samuyo hafui, na iolyia samuyo mbai ya rasio lii o mongo fo ihema lyesanzia.

WALEWI 21:22

Mnducho nechiidima ikuliia mkate fo Ruwa oke shindo shiele na shindo shiele mnu.

WALEWI 4:24

numa nahekie owoko loke mdohu fo kioṟokyo, na ikishinjia alya handu wekeshinjia kidaso kemaya modonyi oshangunyi lo Mndumii; nyi kidaso kya wunyamaṟi.

WALEWI 4:29

Nao nahekie owoko loke mdohu fo mwanofo fo wunyamaṟi na ishinja kidasokyo kya wunyamaṟi oo handu ha kidaso kemaya modonyi.

WALEWI 6:17

Fochitsuwiko na mtarang'ao-pfo. Ngawainenga iki, nyi kienga kyawo kiidi kya mwano yako injiseheṟie kui modo; nyi kindo kiele mnu, cha kidaso kya wunyamaṟi na cha mwano fo deko.

WALEWI 6:24

Mndumii kadeda na Mose, kambia,

WALEWI 6:29

Orio msoṟo kiidi kya wakohanyi nechikuliaho, nyi kii kiele mnu nakamu.

WALEWI 7:7

Chando kidasokyo kya wunyamaṟi kii, na wudo na kidasokyo kya ideko kii; iwawaso lyasho nyi limu mkohanyicho nawike kisanza kyasho, nyio echikaa nasho.