WALEWI 6:18 - Bibilia Kui Mdedie fo Kimochi

¹⁸ Orio mndu msoṟo kiidi kya wana wa Aroni nechilyaho, nyi kiwasumhanyie mlungana ipfo shisharinyi shanu, kiidi kya mwano fo Mndumii fokesengeṟio kui modo; mnducho oose echifupaya nechiwa mwele.”

WALEWI 6:18 ပူးပေါင်းရင်းမြစ်များ

IWUKA 29:37

Na iyo nochiwika kisanza kipfa kya rasio lyo mkonu mfungade, na ilyiheṟemtsa; nlyondi rasio lyechiwa liele mnu nakamu; orio kindo kechipaaya rasio kechiwa kiele.

WALEWI 3:17

Idedolyi lechiwa iwawaso lya mlungana, ipfo shisharinyi shanu shose, kiidi kya mba tsanu tsose, ke mochilya mafuda manya samu manyalepfo.

WALEWI 4:24

numa nahekie owoko loke mdohu fo kioṟokyo, na ikishinjia alya handu wekeshinjia kidaso kemaya modonyi oshangunyi lo Mndumii; nyi kidaso kya wunyamaṟi.

WALEWI 4:3

kokoya mkohanyi mshimbuo kawuta wunyamaṟi kaendie wandu mti; nalekie kipfa kya wunyamaṟi woke alewuuta pung'a ntutu njiamtsu nasembeṟie Mndumii iwe mwano fo wunyamaṟi.

WALEWI 4:33

Nao nahekie owoko loke mdohu fo kidasokyo kya wunyamaṟi, numa namshinje nawe kidaso kya wunyamaṟi, oo handu wekeshinjia kidaso kemaya modonyi.

WALEWI 6:10

Nao mkohanyi nechiṟaa nguo yake ya kitani, na suruwale tsake tsa kitani nechitsiṟaa mbihunyi foke; nao naorane mafu ha modofo fulekoṟa kidaso alya rasionyi, numa nahaleṟie mbai ya rasio.

WALEWI 6:19

Mndumii kadeda na Mose, kambia,

WALEWI 6:27

Orio kindo kechipaaya nyama ya kidasokyo kechiwa kiele; kingise ili samu yake yechipusukia nguwonyi yose, nochiisanja nguwoyo ilepusukio nyi samu, handu haele.

WALEWI 6:29

Orio msoṟo kiidi kya wakohanyi nechikuliaho, nyi kii kiele mnu nakamu.

WALEWI 7:6

Orio msoṟo kiidi kya wakohanyi nechikulia kya mwanofo, yechiliiyo kiidi kya handu haele; nyi kii kiele mnu nakamu.

MAITALA 18:10

Mochilya shindosho ke nyi shindo shiele mnu nakamu, na nyi wasoṟo tupu wechishilya; shindosho shii shiele konu.

MAITALA 18:8

Mndumii-Ruwa kawia Aroni, “Njechikudambikia mwanoyo Waisraeli walenjiinenga, shindo shiele shose walenjiinenga: shindo shose Waisraeli waleshishimbuo. Ngakuinenga shindoshi shose iyo na luwa lyapfo shiwe kienga kyanu, ikyo kimuwaṟi mlungana.

1 WAKORINTO 9:13

Mulaichi ke walya wepfuṟukanya sha hekalunyi nyi wekelya ohawi luwukye kosho, na walya wedasya-ho shidaso nyi wekehawyo sha rasionyi?

1PETRO 1:16

Kipfa kii-kiṟehie, “Muwe waele kipfa nyio inyi njii mwele.”

1PETRO 2:9

Indi nyo mukeri oshari luu-usambuṟe wamangi wadasi, Wakohanyi wa Mangi wa mkambo fui mwele, wandu wa Ruwa amonyi msanzie fo watale wandu wa Ruwa; kundu muwe mochionguo mawuto mecha ha Ruwa ichu alemlaha ipfo meemenyi kamduo senyi yake iṟihishye idi.