WALEWI 5:7 - Bibilia Kui Mdedie fo Kimochi

⁷ Kyaindi kalemo iwuta ihuṟuwi, nlyondi echiendie Mndumii mbeta tsiwi, ang'u malea hawi ha mbuna, kiwe nyi mwano foke fo wunyamaṟi wo woke alewuta; kimuho kya shilehesho nyi mwano fo wunyamaṟi, na kya kawi nyi kidaso kemaya modonyi.

WALEWI 5:7 ပူးပေါင်းရင်းမြစ်များ

WALEWI 12:6

“Numa mfiri ya isanjika lyake ikamesia; kipfa kya mana o kisoṟo, ang'u mana o kika nechiende huṟuwi lya maka fumu lyiwe kidaso kekoṟa, na ialea lya mbeta, ang'u mbuna lyi kidaso kya wunyamaṟi nashiende na oo mongo fo ihema lyesanzia, nainengie mkohanyi;

WALEWI 12:8

“Kokoya masaa ha mndu mkacho halashikie wuhuru, wo ihuṟuwi, o nlyondi echiende mbeta tsiwi, ang'u malea hawi ha mbuna; limu lya kidaso kekoṟa, na lya kawi lya kidaso kya wunyamaṟi; nao mkohanyi nechiwika kisanza kipfa kyake, nao nechiheṟemka.”

WALEWI 14:30

“Numa nasembeṟie mbetatso imuho, ang'u maaleaho ha mbeta chandu aleidima ihawona.

WALEWI 14:31

Na chandu akuidimia, lyimu lyiwe mwano fo wunyamaṟi, na lya kawi lyiwe kidaso kekoṟa, handu hamu na mwano fo mso; na mkohanyicho nechiwika kisanza kipfa kya icho aiheṟemtso oshangunyi lo Mndumii.

WALEWI 15:30

Mkohanyi nasembeṟie imu iwe mwano fo wunyamaṟi na ya kawi iwe kidaso kekoṟa; nao mkohanyi nawike kisanza kipfa kya mkacho oshangunyi lo Mndumii, kipfa kya iwuka samu ya iteṟefuka lyake.

WALEWI 16:5

Numa naambie shioṟo shiwi sha mburu sha mwano fowuto wunyamaṟi mawokonyi ha wana wa Israeli na isuwa lya kidaso kekoṟa.

WALEWI 27:8

Kokoya mnducho mowika kyasakyo nyi mkiwa aleidima itaa wuhuruwo, kyasiang'u mndu nechidao ko mkohanyi. Mkohanyi nechimnenga wuhuru woke wuhianyi na wuidimi wo icho mowika kiteṟio.

WALEWI 5:11

Kyaindi nalaidime iwonambeta tsiwi, ang'u malea hawi ha mbuna, nlyondi echiende mwano yake kipfa kya idedolyo alelitehia, kienga kya ikumi kya efa ya mso mmamiri, kiwe nyi mwano foke fohoṟio wunyamaṟi; nalawikyoho mafuda huyafo, manya ubani wulahekioho; kyamba, nyi mwano fohoṟio wunyamaṟi.

WALEWI 7:1

Na iwawaso lya kidasokyo kya deko nyi ili;

WALEWI 9:3

Na iyo nochiwia wana wa Waisraeli, nowawie, “Endenyi kioṟo kiwe kidaso kya wunyamaṟi na ihache, na ihuṟuwi hose ha maka fumu, haawukie, shiwe kidaso kekoṟa;

MAITALA 5:6

“Wia Waisraeli ke: Kokoya mndu oose o womi ang'u o waka awuta wunyamaṟi wo mbari yose womtewa nalaindiese Mndumii-Ruwa, kanyamaṟia mndu ungi,

MAITALA 6:10

Mkonu fo nyanya nechiduo mbuna tsiwi ang'u malea hawi ha mbeta ko mkohanyi alya mongo fo ihema lyesanzia.

MAITALA 6:11

Mkohanyi nawute imu iwe kidaso kewuta wunyamaṟi, na ingi iwe kidaso kemaya modonyi, nao nammbutie kisanza, kipfa kya ili awuta wunyamaṟi wo mnying'a. Mfiri na ifo echishimbuo mdo foke,

MATAYO 10:16

“Ambuyenyi inyi njiimduma cha machondi hai kiidi kya makite ha ngeṟenyi Kyasia-ng'u kekaenyiho mui na wuṟango cha njoka mlai na mtambo mui cha mbeta.

MATAYO 21:12

Na Yesu kaida na ipfo hekalunyi lya Ruwa kafunapfo wekumba na wehuṟa wose wai ipfo hekalunyi. Kapfuluo na shitaṟa sha weilacha pesa na shidi shedamya sha wekumba mbeta.

MATAYO 3:16

Kyasia Yesu amedima ipatiso, kado alya mṟingenyi. Naho kudi kulya ruwehu kukaṟuhuka; kawona Mumuyo o Ruwa kesoka akeri cha mbeta, ikakaa huyake.

LUKA 2:24

Wawewika na kidaso chando kiwei kiwawase ipfo wuwawasonyi wo Mndumii; nakyo nyi kya mbeta tsa ngeṟenyi tsiwi, ang'u tsa mba tsiwi-njikoho.

2 WAKORINTO 8:12

Kyamba mteseheṟye fo chila kokoya fuiho nyi fuchihiṟye ipfo kundo kuwode kindo chi ipfo kundo kulawode.