WALEWI 5:11 - Bibilia Kui Mdedie fo Kimochi

¹¹ Kyaindi nalaidime iwonambeta tsiwi, ang'u malea hawi ha mbuna, nlyondi echiende mwano yake kipfa kya idedolyo alelitehia, kienga kya ikumi kya efa ya mso mmamiri, kiwe nyi mwano foke fohoṟio wunyamaṟi; nalawikyoho mafuda huyafo, manya ubani wulahekioho; kyamba, nyi mwano fohoṟio wunyamaṟi.

WALEWI 5:11 ပူးပေါင်းရင်းမြစ်များ

IWUKA 16:18

Nawo wekishiwika mboṟikonyi ulya aledoduo shifoi aletsuhaṟio kindopfo, na ulya aledoduo shiangu aleuṟa kindopfo; wakadoduo orio mndu kihianyi na mliie fo foke chandu fukeri.

IWUKA 16:36

(Omeri yo nyi kienga kya ikumi kya efa).

WALEWI 1:14

“Shiinengo shake echiinenga Mndumii-Ruwa, shiwe shidaso shemaya modonyi, ko koya nyi shilehe, nlyondi echiende mwano foke kui mbeta ang'u malea ha mbeta.

WALEWI 12:8

“Kokoya masaa ha mndu mkacho halashikie wuhuru, wo ihuṟuwi, o nlyondi echiende mbeta tsiwi, ang'u malea hawi ha mbuna; limu lya kidaso kekoṟa, na lya kawi lya kidaso kya wunyamaṟi; nao mkohanyi nechiwika kisanza kipfa kyake, nao nechiheṟemka.”

WALEWI 14:21

“Kyaindi kokoya nai mkiwa, na elechiidama iwona kiheokyo, nlyondi echiira kidahina kya kisuwa, kiwe mwano fo madeko fo kuchakucha, kundu nawike kisanza kipfa kyake, na kienga kya ikumi kya efa ya mso mmamiri, fumlongelonge na mafuda shiwe mwano fo mso na sheenga shiṟaṟu sha mafuda.

WALEWI 27:8

Kokoya mnducho mowika kyasakyo nyi mkiwa aleidima itaa wuhuruwo, kyasiang'u mndu nechidao ko mkohanyi. Mkohanyi nechimnenga wuhuru woke wuhianyi na wuidimi wo icho mowika kiteṟio.

WALEWI 5:12

Nao nechiendie mkohanyi, nao mkohanyi nechiiraho ohi lo msofo iwe ngumbuo yake, na ifurumatsia rasionyi, huye ya mwano insengerie Mndumii kui modo; nyi mwano fohooṟio wunyamaṟi.

WALEWI 5:6

nao nechiendie Mndumii mwano foke fo mti kipfa kya wunyamaṟi woke alewuta, huṟuwi ang'u suwana kuwuka mfiṟihenyi foke, kiwe nyi mwano fo wunyamaṟi numa mkohanyi nammbutie kisanza kipfa kya wunyamaṟi wo woke.

WALEWI 5:9

numa samu maata ya mwanofo fo wunyamaṟi nailetsie owarinyi lo rasionyi; na samu ingi yechitsuhaa yechiletsio wanda ya rasionyi; nyi mwano fo wunyamaṟi.

WALEWI 6:20

“Ishi nyi shiinengo sha Aroni na wana wake wechiinenga Mndumii, mfiri echishio mafuda, kilo kimu kya mso mmamiri, kiwe nyi mwano fo mso kiheri kyose, kienga kyafo ngamenyi, na kienga kyafo kyukanyi.

MAITALA 5:15

kyasia wo wawawi wechihenda ko mkohanyi na iduo mwano fukundikie, kienga kya ikumi kya mso fo Ngano; indi fulawiko mafuda ma ubani, kyamba nyi mwano fo mso fo mii aihidia mka oke, mwano fokelekio fo deko lyapata.

MAITALA 7:13

Mwano foke fuwei; sahanyi imu ya pesa iwode wulemeri wo kilo kimu na kienga na ipongo limu lya pesa wulemeri wolyo nyi gramu mahana nyanya, shihianyi na shihesho sha ihema liele; sahanyiyo na ipongolyo shiweichuo mso mmamiri fumlongelonge na mafuda fuwe mwano fo mso;

LUKA 2:24

Wawewika na kidaso chando kiwei kiwawase ipfo wuwawasonyi wo Mndumii; nakyo nyi kya mbeta tsa ngeṟenyi tsiwi, ang'u tsa mba tsiwi-njikoho.

2 WAKORINTO 5:21

Ichu alaweichi wunyamaṟi nyio alemtana wunyamaṟi kimaduma kyadu so, kundu so luwe wenyi-wuhoṟotsu wo Ruwa lui mbihu-hu foke.

WAEBRANIA 9:22

Kala nyi kufui shindo shose shekeilisho na samu woidikya wuwawaso; na shila samu yapusuo kowonyo mhoṟyepfo.