WALEWI 4:7 - Bibilia Kui Mdedie fo Kimochi

⁷ Numa mkohanyi nawike samu njiangu huya ndumba tsa rasio ledutsia uvumba wucha oshangunyi lo Mndumii, likeri ihemenyi lyekusanzia; numa samu yo ingi yose ya ipung'alyo nechiipusuya wanda o shi ya rasio ya kidaso kemaya modonyi, likeri mongonyi fo ihema lekusanzia.

WALEWI 4:7 ပူးပေါင်းရင်းမြစ်များ

SHIIMBO SHA DAWIDI 118:27

Mndumii nyio ai Ruwa, Nao nyio aluinengie sa. Pfungenyi shidaso na shiwoho Mbai ya rasionyi.

IWUKA 29:12

Numa ira samu njiangu ya mmbe, noiwike ndumbenyi ya rasionyi na kimnyo kyapfo; na iletsia samu yose shia rasionyi.

WALEWI 1:5

Nao nashinje mmbeyo oshangunyi lo Mndumii-Ruwa; numa wana wa Aroni wakohanyiwo wechiende samuyo hafui, na iolyia samuyo mbai ya rasio lii o mongo fo ihema lyesanzia.

WALEWI 16:18

“Numa nawukepfo nahendie rasio lyii oshangunyi lo Mndumii nawike kisanza kipfa kyake; nechiira samu ntutu ya ipung'alyo na ya mburu iya, na iiwika ndumbenyi tsa rasionyi njora tsose.

WALEWI 4:18

Numa samu ingi naiwike ndumbenyi tsa rasio lii oshangunyi lo Mndumii liliwike ipfo ihemenyi lesanzia, numa samuyo yose naipusuye wanda shia rasio lya kidaso kemaya modonyi, lii o mongo fo ihema lyesanzia.

WALEWI 4:25

Numa mkohanyi nechiira samuyo ya kidaso kya wunayamaṟi na kimnyo kyake naiwike ndumbenyi tsa rasio lya kidaso kemaya modonyi; na samuyo yakyo naipusuye oo shia rasio lya kidaso kemaya modonyi.

WALEWI 4:30

Naho mkohanyi naire samuyo yakyo na kimnyo kyake, naiwike ndumbenyi tsa rasio lya kidaso kemaya modonyi, na samu yakyo yose naipusye shia rasio.

WALEWI 4:34

Numa mkohanyi naire samu ya kidasokyo kya wunayamaṟi kemaya modonyi na kimnyo kyake nawike ndumbenyi tsa rasio lya kidaso kemaya modonyi, numa napusuye wanda samu yatsuhaa yose shia rasio.

WALEWI 5:9

numa samu maata ya mwanofo fo wunyamaṟi nailetsie owarinyi lo rasionyi; na samu ingi yechitsuhaa yechiletsio wanda ya rasionyi; nyi mwano fo wunyamaṟi.

WALEWI 6:30

Kyaindi kidaso kya wunyamaṟi kyose, samu yakyo yose ileendo na ihemenyi lekusanza iwika kisanza kiidi kya handu haele, kechiliopfo, kechikoro modonyi.”

WALEWI 8:15

Nahong'u kaishinja; Mose kaira samu yayo kashia na kimnyo kyake ndumba tsa rasio lilya njora tsose, kaheṟemtsa rasio, numa kapusiya samuyo alya wanda ya rasio kaiheṟemtsa, kundu nawike kisanza kui kipfa kya ikyo.

WALEWI 9:9

Numa wana wa Aroni wakasembeṟia Aroni samu iya nao kawika kimnyo kyake kulya samunyi, na ishia kulya ndumbenyi tsa rasionyi, kawuya kapusuya samuyo o wanda ya rasionyi;

WAEFESO 2:13

Indi wulalu ipfo Kristo-hu Yesu, nyo ili kacha muwei wa kuleshe momecha wa afui kui samu ya Kristo.

WAEBRANIA 9:15

Ikyo kyanenga ai moitsa-ho owiko luhya kundu walya wai walahe wahendeambya kyoṟa kilya kiweikiteṟye kii kya mlungana, ipfa lilya likamewa lyechiwuta-ho matahachyo haweitano ipfo kiwanjehu kya owiko lo kuwoka.

WAEBRANIA 9:21

Na wudo kaweolya na hema lilya na shihia sha wuindi shose samu.

OTAMBAHALUO LO YOHANE 6:9

Na iliindi kidahina kilefunja mhuri fulya fo katanu. Ngamewona ipfo shia rasionyi lilya mrima ya walya walemewaho kipfa kya idedo lya Ruwa na kipfa kya kiṟingishyo kilya kyawo.