WALEWI 4:4 - Bibilia Kui Mdedie fo Kimochi

⁴ Nao nechiende pung'a yo naiwike alya mongo fo ihema lesanzia oshangunyi lo Mndumii; nao nechehekia owoko loke huya mdo fo pung'a yo, na iishinjia oshangunyi lo Mndumii.

WALEWI 4:4 ပူးပေါင်းရင်းမြစ်များ

2MBONYI TSA MAHERI 29:23

Lyefurumia, wakaende shioṟo shilya shedasa sheleheṟo wunyamaṟi, kufui na mangi na wandu wose sa waweiho, nawo wakawika mawoko hawo huya shioṟo shilya.

YESAYA 53:6

Luwerahanyikie lose cha machondi, Orio umu nawehalukie ora loke, Na Mndumii nawemdikie o njonyamaṟo tsadu so lose.

DANIELI 9:26

Numa ya mfungade iya makumi haṟandaṟu na iwi (62), ulya amshie mafuda nyi echidetso, ma echiwada kindopfo; na wandu wa ulya asonguo wechirumatsa mṟi, na halya haele; ifurumia ho kochiwada mfu, na shida; kipfa kiwi kiikiteṟie.

WALEWI 16:21

Na Aroni nechihekia mawoko hake hawi huya mdo fo mburu iya ii na moo, na itochia huyayo mawicho hose ha wana wa Israeli, na madeko hawo, ee-da njonyamaṟo tsawo tsose; nao nahawike huya mdo fo mburu iya; numa naiduo nahende nayo nuka ilawode mṟinga kui owoko lo mndu akuṟeheṟie.

WALEWI 4:15

Numa wameku wa mamiingifo wahekie mawoko hawo mdohu fo pung'ayo oshangunyi lo Mndumii,

WALEWI 4:29

Nao nahekie owoko loke mdohu fo mwanofo fo wunyamaṟi na ishinja kidasokyo kya wunyamaṟi oo handu ha kidaso kemaya modonyi.

WALEWI 8:14

Kiidima kaende ipung'a lilya lya kidaso kya wunyamaṟi; Aroni na wana wake wakahekia mawoko hawo mdohu fo mmbeyo ya kidaso kya wunyamaṟi.

MAITALA 8:12

Numa Walewi wahekie mawoko hawo huya mdo ya pung'atso; ipung'a limuho noliwike liwe kidaso kewuta wunyamaṟi, na ilyo lingi liwe kidaso kemaya modonyi, kundu liwiie Walewi kisanza.

1PETRO 3:18

Kipfa nao Kristo alepfa limu kipfa kya manyamaṟo hadu. Ichu asumhanyi alekaya walasumhanyi kundu naluduo ko Ruwa alewoho kui nyama indi kawewanzio moo kui mumuyo.