WALEWI 4:31 - Bibilia Kui Mdedie fo Kimochi

³¹ Numa naire mafuda hakyo hose, chandu mafuda halya halewuto kiidi kya shidaso shilya sha ofoṟo; numa mkohanyi naharumatsie alya rasionyi, kiwe opfamo luchihiṟie Mndumii; na mkohanyi nawike kisanza kipfa kyake nao nechihooṟio.

WALEWI 4:31 ပူးပေါင်းရင်းမြစ်များ

MAWOOKIONYI 8:21

Mndumii-Ruwa kaicho opfamo lumchihiṟie, kahamba mrimenyi, “Njechisesa-se oruka numa ya ishi kipfa kya mndu o wandu-pfo kipfa mahio ha mrimenyi fo mndu o wandu, nyi hamawicho wokia wurika woke, manya njechikapa-se numa ya ishi orio kindo kii na moo chando njilewuta-pfo.

EZRA 6:10

Mochiwuta mudi kundu waidime iwuta shidaso shi ko Mndumii-Ruwa, wechinjiterewia inyi hamu na wana wako.

YOBU 42:8

Ko ikyo duonyi mapung'a mfungade na masuwa mfungade, muhende ko mṟundi oko Yobu, muwute mwano fomanya modonyi kipfa kyanu. Na mṟundi oko Yobu nechimuterewia, na inyi njechiadanyia kiterewo kyake, na inyi njechida njilamuwutie kihiyanyi na wutondo wonu, kipfa mulededa kya lohi kinjiwaṟi chandu mṟundi oko Yobu alewuta-pfo.”

IWUKA 29:18

Na iyo nokoṟe ichondilyo lyose huya rasio lyisenekie; nyi kidaso kemaya modonyi kipfa kya Mndumii-Ruwa; nyi opfaamo lucha, kidaso kileinengo Mndumii-Ruwa kui njia ya modo.

YESAYA 42:21

Mndumii kachihiṟo, nyi kipfa kya wusumhanyi woke, iichika wuwawaso, na iwung'anyisha.

YESAYA 53:10

Kikachihiṟa Mndumii, kamlisa wukiwa, karihinyika; Ilindi echihaluo moo foke kidaso kya wunyamaṟi, nechiwona wa oshari loke, nawade moo mleshe. Shilya Mndumii akundi shechihoya owokonyi loke.

WALEWI 1:13

Kyaindi maula hakyo, na madende hakyo, nechisanja na mṟinga; na mkohanyicho nechishiseheṟia shose ishirumatsia rasionyi; nyi kidaso kemaya modonyi; nyi kidaso keseheṟia kui modo kya opfamo luchihiṟie Mndumii-Ruwa.

WALEWI 1:17

Numa napahuo makungoho hakyo, kyaindi nalamanjuo njohawi tsiwi; numa mkohanyi nairumatse modonyi huya rasio, huya ngu tsii huya modo; nyi kidaso kemaya modonyi, kidaso keseheṟia modonyi kya opfamo luchihiṟie Mndumii-Ruwa.”

WALEWI 1:9

Kyaindi maula hayo, na masasio hayo nechishisanja na mṟinga; na mkohanyicho nechishikoṟa shose huye ya rasio, kundu shiwe kidaso kemaya modonyi, kidaso keseheṟia kui modo, kya opfamo luchihiṟie Mndumii-Ruwa.

WALEWI 14:18

na mafuda hatsuhaa, hai owokonyi lo mkohanyi, nechihaletsia mdohu fo icho aiheṟemtso;

WALEWI 15:15

na mkohanyi nashisembeṟie, kimu kiwe nyi mwano fo wunyamaṟi, na kya kawi nyi kidaso kekoṟa; nao mkohanyi nechiwika kisanza oshangunyi lo Mndumii kipfa kya odelyo kyake.

WALEWI 19:22

Mkohanyi nambutie mṟumo fo kisanza kui isuwalyo oshangunyi lo Ruwa Menyipfinya kipfa kya wunyamaṟiwo awewuwutie, Nao nechihooṟio wunyamaṟi alewuuta.

WALEWI 2:2

numa nafuendie wana wa Aroni wakohanyiwo; nao naireho ohi lumu lo mso mmamiri na mafudaho hafo na ubani wo wose; nahong'u mkohanyi nafurumatse modonyi kiwe nyiyo ngumbuo yake rasionyi, nyi kidaso keseheṟia modonyi, kya opfamo luchihiṟie Mndumii-Ruwa.

WALEWI 2:9

Numa mkohanyi nechiirapfo ngumbuo-yo ya kidaso kya mso, nao nechikikoṟia o rasionyi; nyi kidaso keseheṟia kui modo, kya opfaamo luchihiṟie Mndumii-Ruwa.

WALEWI 4:19

Numa naire mafuda hayo hose naharumatsie oo rasionyi.

WALEWI 4:26

Na mafuda hakyo hose naharumatsie oo rasionyi, chandu alerumatsa mafuda ha shidasosho sha ofoṟo; nao mkohanyi nechimbikia kisanza kipfa kya wunyamaṟi woke; nao nechihoṟio.

WALEWI 4:35

Numa naire mafuda halyo hose, chandu mafuda ha ihuṟuwi hekewuto kiidi kya kidaso kya ofoṟo; naho mkohanyi naharumatsie rasionyi huya kidaso kekoṟa, kui chandu kiwari shidaso sha Mndumii shileseheṟio modonyi, na mkohanyi nechiwika kisanza kipfa kya wunyamaṟi woke alewuuta, nao nechihoṟio.”

WALEWI 5:10

Numa kilehekyo kya kawi nechikilekia kiwe kidaso kekoṟa; chando ki kiwawase; nao mkohanyi nechimmbikia kisanza kipfa kya wunyamaṟi woke alewuta, nao nechihoṟio.

WALEWI 5:6

nao nechiendie Mndumii mwano foke fo mti kipfa kya wunyamaṟi woke alewuta, huṟuwi ang'u suwana kuwuka mfiṟihenyi foke, kiwe nyi mwano fo wunyamaṟi numa mkohanyi nammbutie kisanza kipfa kya wunyamaṟi wo woke.

WALEWI 8:21

Numa kasanja maula halya na masasio halyo na mṟinga; na Mose kakoṟia isuwalyo lyose alya rasionyi; lyiwei nyi kidaso kekoṟa kiwe opfamo luchihiṟie; kiwei nyi kidaso kiwekisembeṟie Mndumii kui modo; chando Mndumii alewawasia Mose.

MAITALA 15:25

Mkohanyi newika kisanza kipfa kya mamiingi fose fo Waisraeli, nawo wechihooṟio cha kipfa dekolyo wawelikusiriepfo, na wameende mwano fowo, kidaso kemaya modonyi ko Mndumii-Ruwa cha kidaso na mwano fowuto wunyamaṟi kipfa kya deko lyawo.

MATAYO 3:17

Oweṟe ṟu likalaha liwuka ruwehu likahamba, “A-ichu mana oko a-mkunde ichu njii mchihie kyake.”

WAEFESO 5:2

Muchumie mhendo fuu mchilie nyi ikunda, chando nao Kristo awelukundi kahenda ikudambikya Ruwa hando helukaya-pfo so kambiia odambiko na kidaso sha opfamo sa lolo da.

WAEBRANIA 1:3

Nyio ngela ya wuitoṟi woke na otambahalukio lo orie loke akamadie shose kui dedo lya pfinya yake; ili alemaa iwikaho kidaso kyeoloṟa mondu fo manyamaṟo kakudamiṟa owokonyi lo kulyo lo mng'ano ipfo huye.

WAEBRANIA 10:12

Indi ichu alemdambika kidaso kimu mfi kiwewa kimaduma kya manyamaṟo kikae-ho mlungana kakudamiṟa owokonyi lo kulyo lo Ruwa.

WAEBRANIA 10:14

Kyamba iwa weilisha nyi alewashitsa kikunyi kui odambiko lumu mfi lochikaa mlungana.

WAEBRANIA 9:12

Kakuidya-ho chi kui samu ya oṟo ang'u ya mahache, kya indi nyi kui samu yake ii njenyi kahenda hando halya haele ili limu kechiwika ndalai yekaa mlungana.

1YOHANE 1:7

Indi kokoya luhendekye hando hai sa chando o ai na sa, nyi luwode kita so luwenyi na wenyi. Na samu ya Yesu Kristo Manoke, yalusanja wunyamaṟi wose.

OTAMBAHALUO LO YOHANE 5:9

Nawo wakaimba kiimbo kiihya kehamba, “Iyo usumhanyi yambya kitapu ki na ifunja mhuri yakyo kipfa nyi kuleshinjo kowetalaya Ruwa wandu kui samu yapfo wapaṟikye orio mpaṟikie na mdedye na mbaṟi na mkambo.