WALEWI 4:21 - Bibilia Kui Mdedie fo Kimochi

²¹ Numa naduo ipungalyo nja ya mfiṟiha, naikoṟe na modo daa chandu alekoṟa iya ya kuwoka; nyi kidaso kya wunyamaṟi kipfa kya mamiingi.

WALEWI 4:21 ပူးပေါင်းရင်းမြစ်များ

EZRA 8:35

Kiheri kilya walya wose walewuya wusingenyi nyi waleinengia Ruwa o Israeli shidaso shawo shemaya modonyi, mapung'a ikumi na hawi (12) kipfa kya Waisraeli wose, masuwa makumi kenda na haṟandaṟu (96), machondi (mahuṟuwi) makumi mfungade na mfungade (77), na mburu ikumi na tsiwi (12) kidaso kewuta wunyamaṟi.

IWUKA 29:14

Indi nyama ya mmbeyo na njonyi yake, na mṟa foke, nochishikoṟa na modo nja ya kambilyo; nyi mwano kipfa kya wunyamaṟi.

EZEKIELI 45:22

Mkonu fo mangi nyi echiwuta ipung'a limu lya kidaso kewuta wunyamaṟi ko kipfa kyake oo amonyi na ko kipfa kya wandu wose wa Israeli.

WALEWI 16:15

Numa nechishinja mburu iya ya mwano fohoṟio wunyamaṟi, ii kipfa kya wandu, na iende samu yake na isulienyi, nawewuta nayo chandu alewuta na samu iya ya ipung'a, naiolie huya kidi kya osaṟio, na oshangunyi lo kidi kya osaṟio,

WALEWI 16:21

Na Aroni nechihekia mawoko hake hawi huya mdo fo mburu iya ii na moo, na itochia huyayo mawicho hose ha wana wa Israeli, na madeko hawo, ee-da njonyamaṟo tsawo tsose; nao nahawike huya mdo fo mburu iya; numa naiduo nahende nayo nuka ilawode mṟinga kui owoko lo mndu akuṟeheṟie.

WALEWI 16:27

Na pung'a iya ya mwano fo wunyamaṟi; na mburu iya ya mwano fo wunyamaṟi, tsilya samu yatso ileendo na mba iwike ngumbuo handu halya haele; tsechidao nja ya mfiṟiha; njonyi tsatso tsechikoṟo na modo, na nyamatso, na mṟafo.

WALEWI 4:13

“Na kokoya mamiingi fose fo Waisraeli fowuta wunyamaṟi, na kindo kyo kilamanyike mesonyi ha kisanziokyo, nawo walewuta kindo kimuho kya shilya Mndumii aikimbie shilawuto, nawo wamekuwonyia mti;

WALEWI 4:20

Nyi wudo echiwutia ipungali chandu alewutia pung'a ya kidaso kya wunyamaṟi na wudo echiwutia ipung'ali, nao mkohanyi nechiwawikia kisanza, nawo wechihoorio.

WALEWI 6:11

Numa nawute maṟao halya hake, naṟae hengi, numa naire mafu halya nahende naho nja ya oṟiho tane handu hecha.

WALEWI 6:23

Kingise, orio kidaso kya mso kya mkohanyi kechirumatso nakamu; makilalio manta.”

WALEWI 8:17

Kyaindi mmbeyo injenyi, na njonyi yayo, na nyama tsayo, na mṟa foyo kashikoṟia na modo nja ya mfiṟiha; chando Mndumii alewawasia Mose.

MAITALA 15:24

kyasia, kokoya dekolyo lyawuto mulakusirie, mamiingi fose walaichi, mamiingi fose wechilekia ihache lya ipung'a limu li ndawanana liwe kidaso kekoṟa, mpfaamo mcha fuchihiṟie Mndumii-Ruwa handu hamu na mwano fo mso na fo mvinyo chandu mawawaso hahambie. Na wudo na wandu wechilekia kioṟo kimu kiwe mwano fowuto wunyamaṟi.

MATAYO 20:28

Na chando Mana o mndu alalecha kunu kepfuṟukanyo, nyi kundu o napfuṟukane-ho naweinengya-ho na moo foke fuwe ndalai yetalaa wafoi.”

2 WAKORINTO 5:21

Ichu alaweichi wunyamaṟi nyio alemtana wunyamaṟi kimaduma kyadu so, kundu so luwe wenyi-wuhoṟotsu wo Ruwa lui mbihu-hu foke.

WAEBRANIA 13:11

Kyamba nyama tsa mando halya, samu yaho yekeendo nyi mkohanyi mnene ipfo hando halya haele yeoloṟa wunyamaṟi, tso tsahenda ikoṟo ora lo kya nja lo otiṟiwe lulya.