WALEWI 3:16 - Bibilia Kui Mdedie fo Kimochi

¹⁶ Nao mkohanyi nechishirumatsa modonyi huya rasio; nyi kelya kya odambiko losembeṟia kui njia ya modo, luwe opfaamo luchihiṟie; mafuda hose nyi ha Mndumii.

WALEWI 3:16 ပူးပေါင်းရင်းမြစ်များ

MAWOOKIONYI 4:4

Nao Abeli kaende mwano mashao ha kawoka ha shuma shake, na shuma shilya shinoru. Mndumii kaambia Abeli na mwano foke;

2MBONYI TSA MAHERI 29:35

Ngoseṟa ye iwuta shidaso shifoi shemaya modonyi, wakohanyi walehoṟokia iṟunda lekoṟa mafuda ha shidaso sha ofoṟo sa shiwekelio na wandu, na ipusuo shidaso sha shindo shenyo sa shileendo hamu na shidaso shemaya modonyi. Koikyo iṟunda leadapfuma Ruwa likawokase hekalunyi.

2MBONYI TSA MAHERI 7:7

Mkonu na fulya, Solomoni kashimbuo osehu lulya lo hekalu; na ilutana luwe handu haele heindia Mndumii-Ruwa. Kawutia ho shidaso shemaya modonyi, na sha mafuda ha onga hechihiṟa Mndumii-Ruwa, kipfa Rasio iya ya aṟeṟa njiiwu alesungusia Solomoni, iwei ntutu mnu ilechiidima iwada handu hamu shidaso shemaya modonyi, na shidaso sha shilimu, na shilya sha mafuda na shingi shedutsia Mndumii-Ruwa mtsu.

IWUKA 29:13

Numa noire mafuda hose ha onga haoṟowie ndeu, na kitambi kikeri dimenyi, na shiho tsiwi, na mafuda hakeri shihonyi nohakoṟie huya rasio hasenekie.

IWUKA 29:22

Irase mafuda ha isuwalyo, na mṟehese folyo fo mafuda, na onga lulya lokeshikia ndeu, na kitambi kii dimenyi na shiho tsiwi, na mafuda hai kiidi kya shihotso, na owaa lo kulyo; kipfa nyi ichondi sa lyechiwiko lya iṟunda liele;

YESAYA 53:10

Kikachihiṟa Mndumii, kamlisa wukiwa, karihinyika; Ilindi echihaluo moo foke kidaso kya wunyamaṟi, nechiwona wa oshari loke, nawade moo mleshe. Shilya Mndumii akundi shechihoya owokonyi loke.

EZEKIELI 44:15

“Kii kidi, Wakohanyi walya wa oshari lo Sadoki, walya waleṟunda maṟunda hako handu haele hako, kiheri kilya Waisraeli walelekana na inyi, iwo nyiwo wechiidima iṟunda oshangunyi loko wechinjiwutia mafuda na samu.

WALEWI 17:6

Nao mkohanyi nechiolia samu yake huya rasio lya Mndumii, mongo fo ihema lyesanzio na ikora mafuda hakyo, hawe opfamo lucha oshangunyi lo Mndumii.

WALEWI 4:26

Na mafuda hakyo hose naharumatsie oo rasionyi, chandu alerumatsa mafuda ha shidasosho sha ofoṟo; nao mkohanyi nechimbikia kisanza kipfa kya wunyamaṟi woke; nao nechihoṟio.

WALEWI 4:31

Numa naire mafuda hakyo hose, chandu mafuda halya halewuto kiidi kya shidaso shilya sha ofoṟo; numa mkohanyi naharumatsie alya rasionyi, kiwe opfamo luchihiṟie Mndumii; na mkohanyi nawike kisanza kipfa kyake nao nechihooṟio.

WALEWI 8:25

Numa kaira mafudaho, na mhasi fuwode mafuda, na mafuda hose hawei ndewunyi na onga lo dimenyi, na shiho tsiwi, na mafuda hatso, na kudende ko kulyo.

WALEWI 9:24

Nahong'u modo fukowoka alya oshangunyi lo Mndumii, fukarumatsa kidaso kilya kekoṟa, na mafuda halya hai rasionyi; wandu wose wekiwona modo fulya wakafunja kisangalale wakaho wanda na shamu.

MATAYO 22:37

Nao kambia, “Nyi ochikunda Mndumii opfo Ruwa, umkunde na ngoo yapfo handu hamu yose, na mrima fopfo fose na mahio hapfo hose.