WALEWI 27:30 - Bibilia Kui Mdedie fo Kimochi

³⁰ “Shiano sha shilimu kokoya nyi mbaṟi ya mso, ang'u ndunda tsa mashidinyi shose nyi masaa ha Mndumii-Ruwa; nyi shishiele ko Mndumii-Ruwa.

WALEWI 27:30 ပူးပေါင်းရင်းမြစ်များ

MAWOOKIONYI 14:20

Kuadapfumo Ruwa chu ai huye mnu, alewika wakituwa wapfo mawokonyi hapfo. Abramu kamnenga kienga kya ikumi kya shindo shose.

MAWOOKIONYI 28:22

Na iholyi ngalihoṟotsa cha ngo lyechiwa mba ya Ruwa; na ko orio kindo ochinjiinenga nkya lohi njechikuutia-ho iyo kienga kya ikumi.

MAWOOKIONYI 47:24

Kyechiwa kiheri kesambuo shilimu mochiinenga Farao kienga kya katanu, na sheenga shiina shechiwa shanu nyo muwenyi shiwe mbeu ya orukenyi na kelya kyanu, na kelya kya iwo wai kanyi konu, na kelya kya wana wanu.”

MAWOOKIONYI 47:26

Yosefu kaliwika ke nyi iwawaso kulya orukenyi lo Misri mṟasa inu, ke kienga kya katanu kiwe nyi masaa ha Farao. Shile oruka lo makohanyi tupu lochiwa masaa ha Faraopfo.

2MBONYI TSA MAHERI 31:12

wakawika-pfo shindo shilya shileendo, na shidaso sha keenga kya ikumi, na shindo shingi shose sa shiletano shiele. Wakawika Konania, Mlewi nawe msongoru mnene mohoṟokia shindosho, na itana manaomayo oke o Shimei nawe mtarami oke.

NEHEMIA 12:44

Kyasia kiherikyo wakasambuṟo wandu weringa mbatso tsiwewode mwano iya ilewuto ya hekalunyi; kilimu kya kuwoka kya ndema, kyenga kya ikumi kilesanyio kuwuka mdemihu kulya shihongonyi. Ishi nyi shilesanyio shelela wakohanyi na Walewi chando wuwawaso wawehambie. Kyasia wandu wose wakachihio kipfa kya iṟunda lya Walewi na wakohanyi,

NEHEMIA 13:12

Kii kidi Waisraeli wakawokase iende shenga sha ikumi sha ndema tsawo, mso, mvinyo na mafuda na shikumbinyi sha mba ya Ruwa.

NEHEMIA 13:5

ichu kainenga Tobia momu fokaa kiṟiha kilya king'anyi kiwekesuṟumo mwano ya ngano, ubani, shihia, shenga sha ikumi sha mdemenyi, mvinyo, na mafuda, shindoshi shose nyi shiwei mwano. Waisraeli walewawasio washiwute shiinengo Walewi, waimbi, waringi wa mongo na wakohanyi.

WALEWI 27:29

Mndu oose aimshimbuo ko Mndumii-Ruwa kundu narumatso, nalatalao; kiwaṟi nawoho.

WALEWI 27:31

Kokoya mndu akunda italaa mwano foke, nechitaa wuhuru woke naengeṟe kienga kya makumi hawi kya wuhuru wo mwanofo.

MATAYO 23:23

“Ochia lonu nyo walosha wa mawawaso na Wafarisayo mui makulembetseṟe, nyi kyailyi mokewesa wandu okamba lo shindo shilawaṟi mukada mawawaso ha wulohi, isaṟia na mwidikye, isho nsho shiwaṟi mushiwade mulechihadima isho shingi.

LUKA 11:42

Ochia nyi lonu nyo Wafarisayo, kipfa nyi mokedambika kya ikumi kii kya kyaana na shindunda na mboha, indi mkaidia wuchili wusumuhanyi na ikunda lya Ruwa, ishi nyi shimuwaṟi iwuta kulawode ida shilya.

LUKA 18:12

Mfungade fumu nyi njekekuotoya kawi, na shilya njiwode shose, ngawedambika kenga kya ikumi.’

NGUMBUO YA MAWAWASO 18:8

Wechiinengo kiheo kyawo kihianyi kya kelya, manya kokoya chando wawode ohawi lo shindo wana wa mayawo wakumba.”

NGUMBUO YA MAWAWASO 26:12

“Orio maka iṟaṟu ikamesia, orio umu onu nechilekia mwano kienga kya ikumi kya shilimu shake shose kipfa kya Walewi na wahenu, wangoeda na wakusu, kundu wawone kelya kyose wahuṟi kiheri wai mṟinyi yanu.