WALEWI 27:28 - Bibilia Kui Mdedie fo Kimochi

²⁸ “Kyaindi kindokyo kyose kikishumbuo ko Mndumii-Ruwa, kokoya nyi mndu, ang'u shuma, ang'u kindo kiwukanyi na kyoṟa shechikumbo manya italaopfo. Ikyo kyose kikishimbuo ko Mndumii-Ruwa nkikiele nakamu.

WALEWI 27:28 ပူးပေါင်းရင်းမြစ်များ

2MBONYI TSA MAHERI 31:14

Kore, mana o Imna, Mlewi, nawei mringi o Kichumi kya ora lo Ngamenyi lo hekalu. Nalehoṟokia shindo shose sha nga ko Ruwa, na ishihawa.

IWUKA 22:20

Mndu echishinjia ruwa lyo lyose kidaso, shile ko Mndumii-Ruwa o amonyi, mndu cho nawoho.

EZEKIELI 44:29

Kelya kyawo nyi shidaso sha mso, shidaso shewuta wunyamaṟi, na shidaso shewuta owingo, na orio kindo kyose kii kishimbuo kipfa kya Mndumii kiidi kya Israeli nyi kechiwa kelya kyawo.

EZEKIELI 48:14

Teri yo ya handu ho yechikumbo manya le pfo, manya iinengio ko mndu osepfo, kyamba teri ya iya nyi injiele ko Mndumii-Ruwa; nayo nyi ikeri ya wuhuru wung'anyi kota teri ya oruka lu lose.

WALEWI 21:22

Mnducho nechiidima ikuliia mkate fo Ruwa oke shindo shiele na shindo shiele mnu.

WALEWI 27:21

Kiidi kya maka fo ngumbuo maka makumi hatanu, demalyo lyechideo lyiwe liele lya Mndumii-Ruwa mlungana. Lyechiwa lya Mkohanyi.

WALEWI 27:27

Kokoya nyi kiuma kiteṟefukie; menyi okyo nechikihuṟa ko kiheo kihianyi na chandu mochimhesha, nao nechiengeṟa kienga kya makumi hawi kya wuhuru wo kiumakyo. Kokoya alatalao, kyasia nechikumbo wuhuru chandu shiheo shanu shii.

WALEWI 27:29

Mndu oose aimshimbuo ko Mndumii-Ruwa kundu narumatso, nalatalao; kiwaṟi nawoho.

MAITALA 18:14

Orio kindo kikiwikie mboṟa kikatano kiele ipfo ko Waisraeli kechiwa kyanu.

MATAYO 25:41

“Nalyo mangi echiwia na walya wa ora lo kumoso nahambe, ‘Njiwukenyi nyo mui wasese, muhende ipfo modonyi foekaa mulangana ifo fui fusungusye fo Satan na wasu walya wake.

WAROMA 9:3

Kyamba njiwekundi ke inyi njimonyi njitano msese kyewa lyenenga wanawawama wako wa mkambo fumu na inyi wawehenda ikiṟo.

1 WAKORINTO 16:22

Mndu ma kawa u msa alakundi Mndumii nawiko ṟisenyi. Maranatha.

WAGALATIA 3:10

Indi walya wewinya mawiko halya wo wekaa shi ya oseso. Kyamba kii kiṟehye ke orio mndu ose alechikaa na shilya shii shiṟehye kitapunyi kya mawiko nawe moshiwuta o naseso.

WAGALATIA 3:13

Nahong'u Kristo amelutalaa so oseso loluwukya mawikonyi halya kachekuwika shi ya oseso lo kelukaya-ho so kikawehendeka na wuitiki wo kilya kii kiṟehye, ke momasyo kidi-hu o ai msese.

NGUMBUO YA MAWAWASO 25:19

Ko ikyo ili Mndumii-Ruwa, Ruwa onu echimuinenga isia moo kipfa kya isaṟikio nyi wakituwa wanu wose wamuṟingichie ipfo orukenyi alemuinenga mukaepfo, kimuwaṟi murumatse Waamaleki wose.”

NGUMBUO YA MAWAWASO 7:26

Muladuo mfanano fo mbaṟi yose kanyi konu, chila wudo mochiseso cha mfananoyo. Kimuwaṟi muisuo na iipiṟa kipfa nyi shindo shisese.”

YOSHUA 6:26

Kyasia Yoshua kada oseso oshangunyi lo Waisraeli kechihamba, “Mndu cho echikaa nawike mṟi fu fo Yeriko, Nyi echikaa ai msese nyi Mndumii-Ruwa, Mndu cho echikaa nawike se njomombo tsa mṟi fu, Mana oke mbee napfe. Na ichu ose echiwika mongo fo mṟi fu, Ambuya mana oke mtutu nechipfa.”

YOSHUA 7:1

Kyaindi Waisraeli walewa wahendeli ko shindo shilya walewio washirumatse pfo, kyamba Akani mana o Karmi, mana o Zabdi, mana o Zera, o kishari kya Yuda, nyi aleduo shindo maata kiidi kya shilya walewio washirumatse. Kipfa kya ikyo nyashi ya Mndumii-Ruwa ikahoya Waisraeli.

YOSHUA 7:25

Yoshua kawesa Akani, “Nkilyi mandi oluendie mawukiwa? Mndumii-Ruwa nyi echikuendie mawukiwa iyo kumonyi mfiri fu fo inu.” Waisraeli wose wakakapa Akani ko maho mṟasa kafa. Wakawekapase walya wa mba yake mṟasa wakapfa. Nalyo wakawakoṟa wose ko modo.

WACHILI 21:11

mochiwaha wasoṟo wose na waka wose walai wakeha.”

WACHILI 21:18

Indi lochiidima iwuta wana wadu wa kika wawe waka wawopfo, kipfa lulemalya nyamu ke kuwode momu fowuta wana wa kika wadu konupfo - ichu mowuta ado naseso.”

WACHILI 21:5

Kiidima wakawesana, “Ngesa kiidi kya njoshari tsose tsa wana wa Israeli kuwode alaleshika chilenyi iya ya Mndumii-Ruwa? Wawelyiiye nyamu ke icho oose eda alashika chilenyi nechiwoho.”

1SAMWELI 15:18

Lyilya mandi Mndumii-Ruwa alekuduma kechikuwia, ‘Henda kombetsa kombi Waamalekiwo wai wanyamaṟi, kapana nawo tane owawaaha wose!’

1SAMWELI 15:3

Wulalu, henda wasaṟikie na ikombetsa shindo shawo shose. Kulawade wakae na moo, wawaahe wose: womi na waka, wana watutu na waionga; mmbe, machondi, ngamia na nzoi.’”