WALEWI 26:9 - Bibilia Kui Mdedie fo Kimochi

⁹ Njechimuichio makulili na imusaṟia muwade wana wafoi na imupfumbutsa; na Inyi njechiwanza mkundana foko nanyo.

WALEWI 26:9 ပူးပေါင်းရင်းမြစ်များ

MAWOOKIONYI 1:28

Ruwa kawawikya ona, na iwawia, “Hendenyi mochifee muengeṟeke, muichuṟe masanga na ihaitoṟia; muchilie makunga ha ipfo mṟingenyi, na malehe ha ruwehu, na orio kii kiumbe kii na moo kii kunu orukenyi.”

MAWOOKIONYI 17:20

Na kya Isameli ngamekuicho, ambuya njechimbikia ona, njechimpfumbutsa, njechimwengeṟa mnu na kamu; Nechifee wamangi ikumi na wawi na inyi njechimbika nawe mkambo sa mnene.

MAWOOKIONYI 22:17

iwikya mboṟa njechikuwikia mboṟa, na ipfumbutsa, njechipfumbutsa oshari lopfo cha nyenyeri tsa ruwehu na cha msanga fo ipfo mawambao ha ipalyipalyi na oshari lopfo lochiitoṟia wakituwa wapfo;

MAWOOKIONYI 26:4

Njechipfumbutsa oshari lopfo cha nyenyeri tsa ruwehu, na inyi njechiinenga oshari lopfo njorukatsi tsose, na kiidi kya oshari lopfo mkambo ya wandu wose wa wuyana wechicha iwikio ona.

MAWOOKIONYI 28:14

Na oshari lopfo lochiwa cha kilulyi kya wuyanenyi, na iyo nochikuala wokia ora lo kyukanyi, na lo ngamenyi na ora lo nuka na lo mtsudu; na ipfo kopfo na ko wana wapfo mbaṟi tsa wa wuyana mpfondu wechicha iwikio ona.

MAWOOKIONYI 28:3

Na Ruwa ichu Menyi pfinya nakuwikie ona, nakupfumbutse na ikuengeṟa, kundu nowe mamwingi fo mkambo ya wandu.

MAWOOKIONYI 48:4

kanjiwia, ‘Inyi iya, njechikuengeṟia wufee wopfo, na ikupfumbutsa, na Inyi njechikutana nowe itorito lya mkambo ling'anyi, numa njiinenge washari wapfo oruka lu numa yapfo luwe lowo lo mlungana.’

MAWOOKIONYI 6:18

Kya indi njechiwikaho mkundana foko na iyo sa mbanzi; na iyo nochiida na ipfo safinenyi, iyo na wana wapfo na mka opfo, na walyi wa wana wapfo handu hamu na iyo.

1WAMANGI 3:8

Ambuya, na inyi kisinga kyapfo njii kiidi kya wandu wafoi walechiwa italo ma imanyika washikie itala lida, kipfa nyi wafoi.

2WAMANGI 13:23

Mndumii-Ruwa, kawasaṟia kawaichio wukiwa, kawaambuya, kipfa kya mkundano foke na Abrahamu na Isaka, na Yakobo, ma nalakunde iwarumatsa, ma nalawakumbe kuleshe na kyamu kyake.

NEHEMIA 2:20

Na inyi ngawahaluo, “Ambuya Mndumii-Ruwa nyi echiluekia luidime iawutsia iṟunda lyi, so waṟundi wake lukeri iwoka iwika. Kyaindi nyo muwode kyoṟa, manya wusumhanyi, manya ngumbuo kiidi kya mṟi fu fo Yerusalemu pfo.”

NEHEMIA 9:23

Ambuya nyi ulefeeṟa wana wawo cha nyenyeri tsa ruwehu, kowaende na orukenyi lulya ulewikia kyasa waku wawo.

SHIIMBO SHA DAWIDI 107:38

Nao nekewainenga mboṟa wakaengeṟeka mnu, manya ekeanguṟa mapo hawopfo.

SHIIMBO SHA DAWIDI 89:3

“Njilewika mkundano na msambuṟe oko, njileliia Dawidi nyamu, mṟundi oko.

IWUKA 1:7

Na wana wa Waisraeli wawekepfumbuka mnu, na iengeṟeka wakafo wakawada pfinya, wakaichuṟa oruka lulya.

IWUKA 2:25

Ruwa kawona wukiwa wo Waisraeli, kawasaṟia.

IWUKA 6:4

Njileṟingishiase mkundana foko nawo fowainenga oruka lo Kanaani, oruka walekaapfo cha wahenu.

YESAYA 55:3

Dehenyi madu hanu, na injichea; Njiadanyienyi nanyo mochiwada moo; Inyi njechiwika mkundana fo mlungana, ee, osaṟiyo lo Dawidi luwanzi.

YEREMIA 23:3

Na inyi njechisanyia mtsuhaṟo fo po lyako, kiidi kya njoruka tsilya tsose njilewafunyiapfo, njiwawihiṟese na mfiṟihenyi yawo; naho hechishaa na iengeṟeka.

YEREMIA 23:4

Njechiwika walisi wechilisa necha ma hechiowuosepfo ma iwado nyi fowapfo, kuwode ma limu lechidekapfo. Mndumii ahamba.

YEREMIA 33:3

“Njilaha na inyi njechiidikia na ikuwia mbonyi tsing'anyi tsa kiṟikenyi ulalemetsiwone.

EZEKIELI 16:62

Njikeri iwikase mkundana fungi na iyo, na iyo nochihenda imanya ke inyi nyi Mndumii.

EZEKIELI 36:9

Kyamba inyi nyi njikeri ora lonu njechimuhalukia muwehendase idemio na iwayo mbeu.

WALEWI 26:15

mkamina wuikimbi woko, na isuo mrimenyi mawawaso hako, mkada mulaindie mawawaso hako hose, mukafunja mkundana foko,

LUKA 1:72

Ke nawikie waku walya wadu osaṟio; na ikutamuya mkundana fulya foke mwele.

NGUMBUO YA MAWAWASO 28:11

“Mndumii-Ruwa nechimuonyisha shifoi: wana, shuma na shilyimu mademenyi ipfo orukenyi aleliia waku wanu nyamu ke nechimuinenga,

NGUMBUO YA MAWAWASO 28:4

Mochiwikio mboṟa muwade luwa lyifoi, shilimu shifoi, mmbe na machondi hafoi.

NGUMBUO YA MAWAWASO 7:13

Nechimukunda na imuinenga ona, nanyo mochiengeṟeka muwe luwa lyifoi; nechiwikia madema hanu mboṟa muwone shilimu, mvinyo na mafuda; nechionyisha na imuinenga mmbe na machondi hafoi ipfo orukenyi kundu aleteṟia waku wanu ke nechiwainenga.

WAEBRANIA 8:9

Nalo lulawaakye owiko lulya njilewikya wande yawo mkonu fulya ngamewateteṟa na owoko njewashuo ipfo orukenyi lo Misiri, kyamba wo walawekaa owikonyi lo loko na inyi ngamewaseheṟa. Nyi wudo Mndumii ahambie.