WALEWI 26:6 - Bibilia Kui Mdedie fo Kimochi

⁶ Njechimuinenga ofoṟo orukenyi tane molaa kulawode kindokyo kyose kechimuowesha. Njechiwuta mando ha nja malang'a orukenyi na oruka lonu kochikaapfo shidapfo.

WALEWI 26:6 ပူးပေါင်းရင်းမြစ်များ

2WAMANGI 2:24

Kaing'uṟu kawawona, kawasesa kui rina lya Mndumii. Oweṟe kukacha ngaṟe tsiwi njika tsiwuka ngeṟenyi, tsikatafuotafuo wanake walya makumi haana na wawi (42) kiidi kyawo.

1MBONYI TSA MAHERI 22:9

Njechikuinenga mana o womi, nao nechiwa mangi, nachilie oruka lose ko ofoṟo. Rina lyake nyi echilaho nyi Solomoni, kipfa kiheri kya wumangi woke njechitana Israeli yose iwe na ofoṟo na olele.

2MBONYI TSA MAHERI 20:30

Kyasia, mangi Yehoshafati kaitoṟia ko ofoṟo, Na Mndumii-Ruwa kamnenga ofoṟo njora tsose.

YOBU 11:19

Nochikaa kulawode mokuowesha, wandu wafoi wechikuterewa ndarama.

YOBU 5:23

Mochiidikiana na maho hai mdemenyi, na mando malang'a hewada ofoṟo na iyo.

SHIIMBO SHA DAWIDI 144:14

Mmbe tsadu tsikekudika mamhanda, kulakaepfo ipufutso. Manya kulakaepfo isamiṟo, manya ihataṟo njienyi tsadu.

SHIIMBO SHA DAWIDI 147:14

Nyio ekewika ofoṟo ipfo mṟasenyi yapfo, ekekuihutsa kui wunoru wo Ngano.

SHIIMBO SHA DAWIDI 29:11

Mndumii nyi echinenga wandu wake pfinya; Mndumii nyi echiwikia wandu wake ona kui ofoṟo.

SHIIMBO SHA DAWIDI 3:5

Njilehombia ngalaa mado, ngawuya ikure, Kipfa Mndumii nyi ainjiiṟicha.

SHIIMBO SHA DAWIDI 4:8

Njechirengera na ilaa mado na kipuo, Kipfa nyi iyo, Mndumii, kumonyi, Okenjisaṟia na injiwikya ona.

SHIIMBO SHA DAWIDI 85:8

Njiadanyia chando Mndumii-Ruwa aihamba, kyamba naiwia wandu wake ofoṟo. Ee-da na waheṟemtsu wake daa, indi walawuuye se wutondo.

IWUKA 23:29

Njechiwafuna wawuke kopfo ko maka fumupfo; oruka lulachedeyo lukiwa, na mando ha nja haengeṟeke ikulisa wukiwa.

MFANANO 3:24

Ochiowuo ili olaa pfo; Ee da, nochilaa na mado hapfo hechichia.

MFANANO 6:22

Kundu ochihenda shechikusongoya, kolaa shechikuringa; Na kokure, shechideda na iyo.

YESAYA 35:8

Handu ho kochiwada njia ing'anyi, nayo yechilaho, “Njia ya Waele;” Walai waele wechiidahopfo; kyaindi yechiwa kipfa kya wandu wo wakyaṟo, ma chandu wai matondo wechidekapfo.

YESAYA 35:9

Handu ho kochiwada mwiso-pfo, ma indo liwicho lyechiidaho-pfo, nyi walya wakiṟe tupu nyiwo wechiida njia yo.

YESAYA 45:7

Inyi njilewumba saa, na kio naawo; inyi njekesanza wandu, na iwutaho wuwicho; Inyi nyi Mndumii njekewuta isho shose.

YESAYA 9:7

Kiheri kya wuitoṟi woke na ofoṟo, shechimanda manya le-pfo. Kiidi kya loṟika lo wuitoṟi wo Dawidi na wumangi woke. Iwuikara na iwuhoṟotsa Kui mwanduye na kui wulohi, Wokia wulalu itane mlungana. Wunyenyi wo Mndumii menyi Matorito wochiwuta wudo.

YEREMIA 30:10

“Inyi Mndumii-Ruwa ngahamba njidi: ‘Ma kulaowuo iyo Yakobo mṟundi oko; ma kulauko madima, iyo Israeli; kipfa njechikukiṟa ipfo kuleshe ui, na oshari lopfo luwuke osamiṟonyi. Nochiwuya na ikaa olelenyi, ma kuwode mokuowesha pfo.

YEREMIA 31:26

Nkyo kitewe mndu eidima ihamba: “Njilekure ngamanya ke mado hako halenjitarama mnu.”

EZEKIELI 14:15

Kokoya njiwechidika mando ha ngeṟenyi kiidi kya oruka lulya, naho hakaluhaluo kulakae mndu o wandu echikaria iida kiidi kipfa kya mando ho ha ngeṟenyi.

EZEKIELI 14:17

Kokoya njiwechiende shida ikarumatsa wandu wo na mando ho ha ngeṟenyi.

EZEKIELI 14:21

Mndumii-Ruwa nahamba, “Njikeṟi idika ngapo tsing'anyi tsina, mṟinyi fo Yerusalemu natso nyi shida, njaa, mando ha ngeṟenyi mawicho, na ndaṟe ya makokoi, natso tsihende irumatsa wandu na shindo shii na moo.

EZEKIELI 34:25

Nyi wudo njechihenda iwikiana nawo mkundano fo ofoṟo. Njiwefuna mando malang'a ha ngeṟenyi orukenyi kundu machondi hako hakukae na ofoṟo mapatenyi hechikulaya ipfo ngeṟenyi.

EZEKIELI 34:27

Mashidi ha mdemehu nyi hechiwika ndunda, na mademaho hawewuta ndunda tsifoi, nawo nyi wechikukaya na ofoṟo orukenyi lowo. Kiherikyo njechiwaashuo mshenyi ya wusinga na iwaashuo mawokonyi ha iwo walewahaluo masinga, nyilyondi wechihenda imanya ke Inyi nyi Mndumii-Ruwa.

EZEKIELI 5:17

Njechidika njaa na mando ha ngeṟenyi hakusoke wana wapfo njiweende ndaṟe, na shida yechimuarisa. Nyi wudi Mndumii ahamba.”

HOSEA 2:18

Njechiwika mkundana na mando ha ngeṟenyi, na malehe ha nginehu handu hamu na shose sa shekeafuo, shilakufaṟe. Njechirumatsa wuda, oshu na nzohoṟa tsose tsa shida kiidi kya oruka, na ikutana nokae na ofoṟo.

HOSEA 2:20

Ee, njechikutaya ngosa ko wuhendeli, na iyo nochimanya ke inyi nyi Mndumii-Ruwa.

WALEWI 25:18

“Ko ikyo, mochiosha mawawaso hako na iawutsia shilya njiambawasia, kundu muidime ikukaya na kupuo kunu orukenyi.

WALEWI 25:19

Oruka lochialutsa shilimu shalo nanyo mochikuliia na ikuihudia na ikukayapfo na kipuo.

WALEWI 26:22

Njechidika mando ha nja malang'a konu sa hechirakuo wana wanu, ilya shuma shanu, na ianguṟa iitala lyanu tane njomongo tsanu tsawa cha nuka ilawode mṟinga.

WALEWI 26:25

Njechimwendie oshu lochitaa kiṟache kipfa kya mkundano mulefufunja. Mochidichia mṟinyi yanu, kyaindi njechimudikia ndaṟe njiwicho njimuwike mawokonyi ha wakituwa wanu.

WALEWI 26:7

Mochifuna wakituwa wanu na iwawaha kui oshu.

MIKA 4:4

Orio mndu nechikukaya kwi olele wanda ya mashidi ha msabibu yake, alechiowesho nyi mndu oose. Mndumii-Ruwa ahamba isho amonyi.

SEFANIA 3:13

Mtsuhaṟo fo Waisraeli wechiwuta wunyamaṟipfo, manya ihamba wongo; ma olimi lo piṟa lulechiwono dumbunyi; kipfa wechilya na ilaa, kulawode mowaowesha.

HAGAI 2:9

Kiṟumi kya ifurumia kya mbai kechiida Kiṟumi kilya kya mbooko na handu-ha mochiwona ofoṟo,’” Mndumii Menyi Matorito ahamba.

ZEKARIA 9:10

Na igari lya shida njechiliwuta likae kuleshe na Efraimu, na frasi ikae kuleshe na Yerusalemu, welasa na mfi ya shida shirumatso nechiongoya wandu wa mkambo mbonyi tsa ofoṟo; na uikolonyi woke wochidung'ana kose wokia ipalyipalyi itane ipalyipalyi na wokia meda itane mtsitsionyi fo oruka.

YOHANE 14:27

“Nyi ofoṟo ngamudeya, nyi ofoṟo lu loko ngamusumba. Na msumbye foko chi fukeri cha fo wuyana wupfo. Mamlanenewuke, ngoo yanu ilatautau.

MAWUTO HA WASU 12:6

Kyasia lyandi Herode arie imloṟa sumuhana na wandu lya kio kilya kisongoe Petro kalaa madonyi a mbike kiidi kya wasikari wawi a mpfunge na mshe iwi, na oo moongo kya nja kwiho waringi weringa mba iya ya wapfungo.

WAROMA 5:1

Kyasia ili lui-watane ludi wahoṟotsu na mweke fo wuidiki nyi luwode ofoṟo lo ko Ruwa lui-uwikeho nyi Yesu Kristo Mndumii odu.