WALEWI 26:39 - Bibilia Kui Mdedie fo Kimochi

³⁹ Kokoya maata wanu wakiiya njorukenyi tsa wakituwa wanu wechipooka na iarisika kipfa kya wuwicho wowo na wo wafee wawo.

WALEWI 26:39 ပူးပေါင်းရင်းမြစ်များ

2MBONYI TSA MAHERI 34:24

Mndumii-Ruwa nahamba adi, ‘Ambuya njiende ngataṟa huya Yerusalemu na wandu wake, seso tsose sa tsinjiṟehie kiidi kya kitapu ki kilesomo oshangunyi lo mangi o Yuda.

EZRA 9:7

Cha kipfa lulekunyamaṟia kuwokia waku walya wadu mṟasa inu, koikyo kipfa kya madeko hadu so, wamangi wadu, na wakohanyi wadu luledambikio mawokonyi ha wamangi wahenu, lukawoho, lukapfungo, lukaiwio, na isutso wusutsu mṟasa inu kudi.

NEHEMIA 1:9

Kyaindi kokoya lochiwuya, lukaweoshase wuwawaso wopfo manya chandu uwememuṟahanyitsia kuleshe ambuya nyi nochiluwihiṟase na alyando uwesambuṟie ke nyi hando hapfo ochiindiyo.

IWUKA 20:5

kulashiindie manya ishiṟundia; kyamba inyi Mndumii-Ruwa, Ruwa opfo nyi Ruwa njiwode wunyenyi, njekewuwuya njonyamaṟo tsa wandee wa wandu ipfo ko wana wawo, mṟasa kishari kya kaṟaṟu na kya kaana kya iwo wanjisuo,

IWUKA 34:7

ekeichio makulili wandu shiku shiku, ekehoṟia wuwicho na madeko na wunyamaṟi; manya ekeitalia mndu mmbicho ke nalawode mti manyalepfo; msa eketaa wana kiṟache kya wuwicho wo wandeawo, na wachuku na njukuṟi daa, tane ufee wo kaṟaṟu na wo kaana.

YESAYA 14:21

Shinjenyi wana wake. Kipfa kya wuwicho wo ndeawo; Walashike ikure na ikolonyia oruka, Na iichuṟa wuyana wose mṟi yawo.’”

YESAYA 24:16

Wuka njora tsa kuleshe tsa oruka luicho shiimbo, “Naṟumisho menyi wulohi.” Nyilyo njilehamba, ipoka lyako! Ipoka lyako! Ochia loko! Wewuta kui mtambo wawuta mtambo, ee da, wawuta kui mtambo wawuta mtambo mnu.

YEREMIA 29:12

Nyo nyi mochinjilaha, mochinjiterewa na inyi njechimuicho.

YEREMIA 3:25

Lulae na sonu tsadu, iṟenze lyadu lilushikie; kipfa luledekio Mndumii-Ruwa odu, so na wandeye wadu, wokia wukoho wodu itane inu, ma luleindia ṟu lya Mndumii-Ruwa odu-pfo.”

YEREMIA 31:29

Kiheri kyo wandu wechiidima ihamba-se:- “Wameeku walelya sabibu tsewawa, na maheho ha wana hakapfa mpfipfi.”

SHILIO 1:3

Wandu wa Yuda nyi walehenda wusingenyi handu hamu na matuuro na wusinga wung'anyi. Ambuya wulalu nyi wakeri kiidi kya wandu wa mkambo, manya wawodese handu heonyonyiapfo. Iwa nyi walewaosha na iwawadia kiidi kya mawukiwa.

SHILIO 4:9

Nyi nanga walya walepfia shidenyi wechikapana, kota iwo walepfa kyombuho kipfa kya njaa.

EZEKIELI 18:19

“Indi nyo mokewesa, chi kiwaṟi mana nakapo kipfa kya njonyamaṟo tsa mfee oke? Kokoya mana chu nalewuta sha wusumuhanyi kaweosha wuwawaso woko, kyalohi ngambia ichu nechikaa na moo.

EZEKIELI 20:43

Kipfa kya ikyo, nyi mochihenda ikumbuo mawuto hanu mawicho muwewutie halya halemufanyiṟa, naho hechimwendie wusutsu,

EZEKIELI 24:23

Ambuya nyi mochiṟaa shilemba shanu mdonyi yanu, na shadu madendenyi hanu, mochisumukia manya ifihiṟapfo. Ambuya mochifafaa mrimenyi kya mawicho hanu na isumukia nyo wenyi ko wenyi.

EZEKIELI 33:10

“Iyo mndu! Deda na mba yo ya Israeli nowawie idedo li: “Nyo nyi mokehamba ambuya nyi lui warohie madeko na wunyamaṟi wodu, kyamba so nyi lofoyo kipfa kya madeko ho hadu, nyi wuda lochiwika kundu luidime ikaase na moo?

EZEKIELI 36:31

na ilimandi mochikumbuo mchumie yanu mmbicho na mawuto hanu mawicho, nyi mochihenda ikusuo nyo muwenyi kipfa kya mawicho ho hanu muwewutie.

EZEKIELI 4:17

Nyi njechiwuta njido kundu wawuṟe kelya na mṟinga, na nyi wechisumukia na ipooka kipfa kya njonyamaṟo tsawo.”

EZEKIELI 6:9

Iwo waangu wechikia kiidi kyanu kyaindi wakadao wusingenyi nyi wechinjikumbuo kiidi kya wandu wo wahenu, chandu njilewakapa kipfa kya wulemeri wo mrima yawo ilenjida inyi ikahenda iindia maruwa hengi. Wawesukiose kya wuwicho wowo wose walewuta.

HOSEA 5:15

Ambuya nyi njiwuya na handu hako na ikuashuo na wo, mṟasa mandi wechiwona ideko lyawo wanjiwuuye, wukiwa wowo nyi wochiwatewa wanjipfule wechihamba;

ZEKARIA 10:9

Njechiwadonga cha mbeu kiidi kya wandu; wechinjikumbuo njorukenyi tsii kuleshi; wawuye se ikaa na wana wawo numa wechiwuya.

MAITALA 14:18

‘Inyi Mndumii-Ruwa njekewado nyi nyashi owinyipfo, njiichuo woloru, na njekehooṟia wuwicho na madeko. Kyaindi manya kudo njechida njilakapa wana na wachuku na kishari kya kaṟaṟu na kya kaana kipfa kya wunyamari wo wafee wawopfo.’

NGUMBUO YA MAWAWASO 28:65

Mochiwada sia yose manyalepfo; handu hanu muwenyi hekaa manya kiidi kya mkamboyo. Kyaindi Mndumii-Ruwa nechimuinenga makangao ha mrimenyi, wufafa wo meso iwuṟiwuṟi lya mrimenyi.

NGUMBUO YA MAWAWASO 30:1

Mose kaengeṟa ihamba, “Ngamuinenga isambuṟa kiidi kya mboṟa na oseso. Mbonyitso tsose tsikamuhoya nanyo mkawamotsiṟisaṟisa orio handu mui kiidi kya mkambo ya wandu kundu Mndumii-Ruwa, Ruwa onu, echikoya amemupaṟatsanyia,

NGUMBUO YA MAWAWASO 5:9

Manya kulashiindie ang'u ishiṟundia; kyamba inyi Mndumii-Ruwa, Ruwa opfo, nyi Ruwa moṟisaṟisa. Njekewuwuya njonyamaṟo tsa wandee wa wandu ipfo ko wana wawo tane wachuku na njukuṟi ko iwo wanjisuo.

NGUMBUO YA MAWAWASO 8:20

Mulameindie Mndumii-Ruwa, mochikombeka cha mkambo ingi ya wandu akeri iikombetsa oshangunyi lonu.”