WALEWI 26:32 - Bibilia Kui Mdedie fo Kimochi

³² Njechirumatsa oruka lonu handu ma wakituwa waisamiapfo wechiṟihio.

WALEWI 26:32 ပူးပေါင်းရင်းမြစ်များ

1WAMANGI 9:8

Mba ii yechiwunduka iwe mrapu, orio moidaho nechikangaṟika na isingitsa mdo, na iwesa, “Nkiki kitewe Mndumii-Ruwa alewutia oruka lu na mba ii kudi?”

YESAYA 24:1

Ambuya Mndumii amehaluo wuyanawu, wukawa wulawode kindo nawuhaluo msefu, nawuhaluo, na irahanyitsa wose waipfo.

YESAYA 5:6

na inyi njechilinyamaṟa; kuwode modema ma isisapfo, lyechialutsa mbeche na msha; nyi njechiima mapuchi halalekie mvuo inose ho.

YESAYA 5:9

Mndumii menyi Matoṟito nadeda madunyi hako, “Nyi kya lohi mamba hafoi hechiwa wukiwa, ye da, mamba hang'anyi, mecha, hechituṟa wandu.

YESAYA 6:11

Na inyi ngawesa, “A nyi mṟasa indi hoi Mndumii?” Nao kanjihaluo, “Nyi mṟasa mṟi ii yechinyamaṟo ilechiwadapfo ma mndu, na mba tsi tsituṟe wandu piu, na oruka lu luwe mrapu;

YESAYA 64:10

Mṟi yapfo njiele yawa cha nuka ya msanga; Sioni ya mrapu, na Yerusalemu yanyamaṟo.

YEREMIA 12:11

Wakalihaluo mrapu, kui kipfa ikyo, linjifihiṟia oruka lose lowa mrapu, kipfa kuwode mndu alewika isho mrimenyi foke-pfo.

YEREMIA 18:16

Wahaluo oruka lowo kiṟihisho, naitaluka lilatsitsa, orio mndu moida kufui nalo nyi echiṟihio, na iwada dumbu na isingisa mdo foke.

YEREMIA 19:8

Njechihaluo mṟi fu fuwe kindo keṟihisha; wandu na italuka orio moida kufui nechiṟihio na italuo kipfa kya ngapo yafo.

YEREMIA 25:11

Oruka lu lochiwa msefu na kindo kiṟihishie wandu wa mkambo fu wechisingia mangi ya Babeli maka makumi mfungade (70).

YEREMIA 25:18

Wai Yerusalemu na mṟi ya Yuda na wamangi wawo na wandu wang'anyi kundu wahaluke wakiwa na kindo kiṟihishie na italuka, na oseso chando kui na inu.

YEREMIA 25:38

Mndumii-Ruwa nadee handu hake heowa, cha mwiso fudeye opanga lofo, oruka lowo lui nuka ya msanga tupu, kipfa kya shida ya wandu wawicho, na nyashi ing'anyi ya Mndumii-Ruwa iaka.

YEREMIA 33:10

Mndumii-Ruwa nahamba: “Kiidi kya mṟi fu muihamba fui wukiwa fulawode wandu ma shuma, ee, kiidi kya mṟi ya Yuda na kiidi kya mtandara ya Yerusalemu itso tsilawode wandu ma shuma, kochiichio se maṟu na seko, maṟu ha sia,

YEREMIA 44:2

Mndumii-Ruwa menyi Matorito, Ruwa o Israeli nahamba adi: “Nyo mulewona mawicho hose njilewutia mṟi fo Yerusalemu na mṟi yose ya Yuda. Mṟi ii nyi mrapu mṟasa inu ma kuwode mndu ekekaapfo pfo.

YEREMIA 44:22

Mndumii-Ruwa echiidima itirisiase mawuto ho hanu mawicho mulewuta pfo; nkyo kimarete oruka lonu lowa mrapu, cha nuka ya msanga, oseso luwuṟie wandu, chandu kii mṟasa inu.

YEREMIA 9:11

Na inyi njihaluo Yerusalemu mrapu, kuwe kanyi ko mapara; njechihaluo mṟi ya Yuda iwenjisame, kulechilao nyi mndu.

SHILIO 4:12

Kyamba kuwode mndu ose, ang'u wamangi wa mkambo ya wandu waweidikie ke mkituwa nawechiidima iida mongonyi ya Yerusalemu pfo.

SHILIO 5:18

Kyamba fumvu lya Sioni nyi liledeo lilawode kindo. Mapaaṟa nyiho haitemapfo.

EZEKIELI 5:15

Ili mandi nyashi yako na ngapo tsako tsechikuhoya, walya wakuṟingichie wechikuambuya kinyeri wechikusalucha na ikutaluo.

DANIELI 9:18

Hoi Ruwa oko, deha kudu kopfo, uadanyie; tambaṟuo meso hapfo noambuye nowone wo wukiwa wodu, na mṟi fulya fui fulahe kui rina lyapfo, kipfa chi luikuterewa kui wucha wodupfo, kyaindi nyi kipfa kya osaṟio lopfo lung'anyi.

DANIELI 9:2

maka fulya foke fo kuwoka fo wuchili woke inyi Danieli, kui isoma shitapu, njilemanya itala lya maka kiheri idedo lya Mndumii-Ruwa lilechea Yeremia muikimbi, lyeinutsia kiwi kya Yerusalemu, nyi yo maka makumi mfungade (70).

HABAKUKI 3:17

Kipfa mkuyu fochiwaṟa shiwaṟo-pfo, Manya ndunda tsa msabibu tsechiwono-pfo; Wukiwa wo msinepfu wowa wo wulya, Kochiwono-se kilimu demenyi-pfo, Kuwode kindo mfiṟihenyi-pfo, Kuwode mbe tsewono mfiṟihenyi-pfo,

LUKA 21:20

“Kyaindi ili mochiwona mṟi fo Yerusalemu fochitengetio nyi masiṟi, wutenyi-ho imanya, kiheri kyafo kenyamaṟo kyamshika.

NGUMBUO YA MAWAWASO 28:37

Mochiwa cha kindo kiporu, kindo kipiṟe na kiṟiha ipfo kiidi kya wandu wose wa orukalo Mndumii-Ruwa aimuduo.