WALEWI 26:31 - Bibilia Kui Mdedie fo Kimochi

³¹ Mṟi yanu njechiirumatsa, handu hanu haele njechihahaluo nuka ilawode mṟinga na njopfamo tsanu njicha tsa mwano yanu njechitsiidikia mantapfo.

WALEWI 26:31 ပူးပေါင်းရင်းမြစ်များ

MAWOOKIONYI 8:21

Mndumii-Ruwa kaicho opfamo lumchihiṟie, kahamba mrimenyi, “Njechisesa-se oruka numa ya ishi kipfa kya mndu o wandu-pfo kipfa mahio ha mrimenyi fo mndu o wandu, nyi hamawicho wokia wurika woke, manya njechikapa-se numa ya ishi orio kindo kii na moo chando njilewuta-pfo.

2WAMANGI 22:19

Kyamba kuletocha wunyamaṟi kowekunyiiṟa oshangunyi loko, mṟasa koranduo maṟao hapfo na ifihiṟa oshangunyi loko, ilyi kuleicho kilya njilehamba kya handu ha na wandu wa iya ke, kochiwa msefu na oseso, na inyi ngawekuicho da.

2MBONYI TSA MAHERI 36:19

Karumatsa ko modo mba iya ya Mndumii-Ruwa na mṟi fulya, na mba tsose tsa wumangi na masaa hatso tsose, naiwunduo omombo lo mṟi fulya.

NEHEMIA 1:3

Nawo wakanjihaluo wechihamba, “Wayuda walya waletsuhaa kulya orukenyi nyi wakeri kiidi kya wukiwa wung'anyi mnu na sonu tsing'anyi. Ambuya omombo lo mṟi fulya fo Yerusalemu nyi wulewunduyo na mongo iya yafo ikawekoṟo ko modo.”

NEHEMIA 2:17

Kyasiang'u ngawawia, “Ambuyenyi, nyo nyi muwonyi wufafa wodu, ke mṟi fu fo Yerusalemu nyi funyamaṟikie na mongo yafo nyi injikoṟe ko modo. Kipfa kya ikyo luwikese se ko wuhya mṟi fu fo Yerusalemu kundu fulaengeṟe uluendie sonu.”

NEHEMIA 2:3

Nalyo ngahaluo njechihamba, “Ee mangi, mangi nakae na moo mlungana. Nyi wuda njilechisokio nyi fowa mangi, kyamba, mṟi fo Yerusalemu handu wafee wako wawaṟike fukeri wulya na mongo yafo ilemaa irumatso ko modo?”

YESAYA 1:7

Oruka lonu nyi wukiwa; mṟi yanu injirumatse nyi modo; oruka lonu, wahenu waluliiye oshangunyi lo meso hanu; nalo nyi wukiwa, ke luirumatse nyi wahenu, cha irumatse lya Sodoma.

YESAYA 6:11

Na inyi ngawesa, “A nyi mṟasa indi hoi Mndumii?” Nao kanjihaluo, “Nyi mṟasa mṟi ii yechinyamaṟo ilechiwadapfo ma mndu, na mba tsi tsituṟe wandu piu, na oruka lu luwe mrapu;

YESAYA 63:18

Wandu wapfo waele waleitoṟia oruka ko kiheri sa kifui. Wakituwa wadu wakacha wakanyamaṟa handu hapfo haele.

YESAYA 64:9

Hoi Mndumii ulawado nyi nyashi ing'anyi, ma kulawone kochikumbuo mawicho mkonu yose; haluka, keambuya lokuterewa, so lose lui wandu wapfo.

YESAYA 66:3

Ichu moshinja mbe na cha ichu awaha mndu; na ichu awuta kidaso kya ichondi nyi kimu na ichu afunja nzingo ya kite; na ichu awuta mwano foke nyi cha ichu awuta samu ya nguwe; na ichu mopfaamiṟa nyi cha ichu mowikia sanamu ona; ee, wasambuṟa njia tsawo wawenyi, na mbihu yawo ikachihiṟo nyi mawuto mawicho.

YEREMIA 22:5

Kyaindi kokoya mulakundi iicho madedo ha, inyi ngalya nyamu yako Mndumii ahamba, ‘Mba i yechiwa ya wukiwa.’

YEREMIA 26:6

Njechihaluo mba i iwe cha Shilo, na mṟi fu njifuhaluo fuwe oseso njoshari tsose tsa oruka.”

YEREMIA 26:9

Kitewe oonguo ko rina lya Mndumii, ochihamba, mba i yechiwa cha Shilo. Na mṟi fu nyi fochiwa fowa. Mndu echikaa pfopfo. Wandu wose wakaṟingichia Yeremia kiidi kya mba ya Mndumii.”

YEREMIA 4:26

Ngaweambuya-se mdemi fuweṟee mnu fui mrapu, na mṟi iya yose iwundukie oshangunyi lo Mndumii, kipfa kya nyashi yake njiwawo.

YEREMIA 4:27

Kipfa Mndumii nahamba adi “Oruka lochikapa kilio na ngina tsiiwuo;

YEREMIA 4:7

Mwiso fowoka kiṟaṟonyi kyafo, nyi fo forumatsa mkambo fo wandu; fowoka ihenda ipfo na ipfo, fowuka handu fuichiwie; fochiende wukiwa wung'anyi, na oruka lochideo mrapu kulawode modeo-ho.

YEREMIA 44:2

Mndumii-Ruwa menyi Matorito, Ruwa o Israeli nahamba adi: “Nyo mulewona mawicho hose njilewutia mṟi fo Yerusalemu na mṟi yose ya Yuda. Mṟi ii nyi mrapu mṟasa inu ma kuwode mndu ekekaapfo pfo.

YEREMIA 44:6

Koikyo tuke yako na nyashi yako ikaaka na iletsekia huya mṟi ya Yuda na njia tsa Yerusalemu, itane yawa nuka ya msanga na mrapu chandu ikeri mṟasa inu.

YEREMIA 52:13

Nalekoṟa modo mba ya Mndumii-Ruwa, mba tsose tsa Yerusalemu hamu na mba ya mangi; orio mba iweng'anyi ilekoṟo na modo.

YEREMIA 9:11

Na inyi njihaluo Yerusalemu mrapu, kuwe kanyi ko mapara; njechihaluo mṟi ya Yuda iwenjisame, kulechilao nyi mndu.

SHILIO 1:1

Ambuya nyi kiṟiha kya mṟi fuweichuo wandu, wulalu nyi fukeri wulya! Nyi mṟi fuwewode mng'ano kiidi kya wandu wa mkambo; indi wulalu nyi fukeri cha mndu mka mkusu. Kiidi kya mṟi ingi nyi fuwei cha mana o kika o mangi; kyaindi wulalu nyi fukeri isinga lya wandu wengi.

SHILIO 1:10

Ambuya wakituwa wake nyi walehoṟuo mawoko hawo, kundu waduo shindo shake shose sha wuhuru. Ee, nyi ulewona wandu wa mkambo wechiida na hekalunyi, wandu sa Mndumii-Ruwa alawewainengie momu, fokaa kiidi kya wandu wake.

SHILIO 2:6

Hekalu lyake nyi aleliwunduo cha kitaṟa kya mdemi, mba yake nyi aleinyamaṟa. Kaweleha mfiri yake mnene na sabato ipfo Sioni, kaweleha mangi na wakohanyi ko nyashi yake.

SHILIO 2:7

Mndumii-Ruwa nyi alesalucha rasio lyake, kaweleha na hekalu lyake. Njomombo tsa mba tsawo mṟinyi kadea wakituwa watsiwunduo, wakarahiya ipfo mbenyi wechifihiṟia Mndumii-Ruwa, kifahiyo kyo kikawa cha kiheri kya mfiri mnene.

EZEKIELI 12:20

Mṟi yo yawo iweichuo wandu yechiwa wulya na oruka lo lochiwa wukiwa, nanyo mochiwutaho imanya ke inyi nyi Mndumii.”

EZEKIELI 21:15

Kyamba wandu wako wakeri ihenda isokio nyi fowa, cha kipfa oshu lo luhenda iwaarisa ipfo mṟinyi yawo, kyamba oshu lo loko nyi luiakaaka, nalo lochicha cha mbaṟuko, nalo nyi lui luachikie necha kundu luidime iwaha.

EZEKIELI 21:7

Ili mandi wechikuwesa nyi ki ili osokio kudo nyi fowa ing'anyi, nochiwahaluo uwawie, nyi kipfa kya mbonyitso kyamba na kikaki na tsiche, kyamba ili mandi tsechiawutsio mrima yose yechisalaa, mawoko hechihenda idedema, ngoo tsechihenda ipfa mpfipfi, na ndi tsihende iwiṟawiṟa cha ili tsiletsie mṟinga, kyamba ma kikaki na tsiche na iawutsio, nyi wudo Mndumii-Ruwa ahamba.”

EZEKIELI 24:21

Wia mba ya Israeli, nyi wudi Mndumii-Ruwa ahamba; ambuya njihenda ifanyitsa haele hako, mba yo ikeri kiṟumi kyapfo na pfinya yapfo, nayo nyi ichihiṟie mesonyi hapfo. Kyamba wana wanu wa kiumi na wa kika mulewada nduma wechiwoho ko oshu.

EZEKIELI 6:6

Mṟi yo yanu yechinyamaṟo, na alya handu kukuirie haweṟumatso, na shitaṟa shanu shedasia shiwenyamaṟo, kundu sanamu tso moketsiindia tsiwefunjofunjo na shitaṟa shilya mokedasia pfo shidaso shepfaama shiwenyamaṟo, na maṟunda ha mawoko hanu hekumba kuleshe;

EZEKIELI 9:6

Mochiwaha orio mndu, wameku, wasoṟo, wanake na wana watutu.” Kyaindi manya mlapaye ulya amtisiṟe ipfo oshangu loke. Iṟunda lihende iwoka iya hekalunyi, “Nawo wakawewoka na waṟundi wameku walya wawekeri oshangunyi lo hekalu.”

DANIELI 2:46

Kyasia Nebukadneza ulya mangi, kaho wanda na kyaamu kapfiria Danieli ndi, kawawasa ke nainengo shiano na uvumba.

AMOSI 7:9

na handu hakuirie ha ko Isaki hechiwa ngafu; na handu haele ha Israeli hechinyamaṟika; na inyi njechikure njilimbane na mba ya Yeroboamu kui oshu.

MIKA 3:12

Kyasia! Kwi kipfa kya ikyo, Sioni yechidemo cha mdemi. Yerusalemu yechisamo na ifumvu, lya hekalu lyechiwa ngeṟa.

SEFANIA 3:6

Njilerumatsa wandu wa mkambo, shilya wawekusihie njileshinyamaṟa kuwode moida njienyi kowo manya mṟinyipfo kipfa ilerumara; kuwode mndu-pfo manya mokaa pfo kuwodenyi.

LUKA 21:24

Wengi nyi wechiwooho kui njoshu, wengi wadao wafungo njosharinyi tsose. Na Yerusalemu ideo yechichumo-chumo nyi wandu wa mbaṟi njihenu, itane shiheri sha mbaṟi-tso njihenu shainutsio.”

MAWUTO HA WASU 6:14

Cha kipfa lulemwicho kehamba ke Yesu cho Mnasareti nyi echinyamaṟa hando ha na ilacha shido shadu lui wainenge nyi Mose.”

WAEBRANIA 10:26

Kyamba kokoya so ili lomma ipfunguyo kilya kii lohi lokedekyo hando luwonyi kochitsuhase kidaso kingi kyewuta-ho wunyamaṟipfo.