WALEWI 26:30 - Bibilia Kui Mdedie fo Kimochi

³⁰ Na Inyi Njechinyamaṟa handu hanu ha mwindie mafumvuhu, njechiwunduo rasio tsanu tsedutsia ubani, njechikumba mnying'a yanu huya masanamu ha maruwa hanu. Mrima foko fochimusuo mnu nakamu.

WALEWI 26:30 ပူးပေါင်းရင်းမြစ်များ

MAWOOKIONYI 19:13

kyamba lukundi inyamaṟa handu ha, kyamba kieṟeṟo kya handuha kyaingiki oshangunyi lo Mndumii-Ruwa, nao Mndumii-Ruwa kaluduma luhanyamaṟe.”

1WAMANGI 13:2

Kyasia mndu cho kakapa kitohio kya rasio lilya, kui idedo lya Mndumii kahamba, “Iyo rasio, rasio, Mndumii nahamba, ‘Ambuya mana nechifeo kiidi kya mba ya Dawidi, rina lyake nyi Yosia, nao nechisingia wakohanyi wa handu ha huye, wekepfamiṟa uvumba handu hapfo na huye, na mafuo ha wandu hechikoṟo hasenekie piu.’”

1WAMANGI 13:32

Kipfa idedo lyo alefihiṟia huya rasio kiidi kya Betheli, kui idedo lya Mndumii, na kya mba tsose tsa handu ha huye tsii kiidi kya mṟi ya Samaria, nyi kya lohi tsechiinukia.”

2WAMANGI 23:16

Yosia kekihaluka kawona shipfu shiwei huya kifumvu, kaduma wandu wakaende mafuo hawei shipfunyi, kahakoṟia huya kitaṟa kedasia maruwa ha wongo hakasenekia, kafanyitsa ngafu rasio yo, kihianyi na idedo lya Mndumii-Ruwa alededa kui dumbu lya mwikimbi oke.

2WAMANGI 23:20

Kawaha wakohanyi wose wa maruwa ha wongo huya shitaṟa shedasia handu waleṟundia kakoṟa mafuo hawo huya shitaṟasho. Kiidima kawuya na Yerusalemu.

2WAMANGI 23:8

Kasanyia wakohanyi wose wawukie mṟinyi ya Yuda kahaluo ngafu handu ha huye wakohanyi wawekepfaamiṟa ubani kuwuka Geba mṟasa Beer-Sheba. Kawunduo handu ha huye ora lo kumoso lo kichumi kya mṟi handu kuwode shichumi shiwei njienyi yeida kichumi kya Yoshua mwitoṟi o mṟi.

2MBONYI TSA MAHERI 23:17

Wose wakahenda hekalunyi lya ruwa Baali, wakalifunjafunja. Wakarumatsa rasio na sanamu tsaho, na iwaha Matani, mkohanyi o Baali, osehu lo rasio tso.

2MBONYI TSA MAHERI 31:1

Kyasia, mfuho fulya fukasia, na wandu wose wa Israeli, wakahenda mṟinyi yose ya Yuda, wakafunjafunja ngo tsose tsa maho, na idumbuodumbuo sanamu tsose tsa Ashera, ruwa o kika, na ngoseṟa wakanyamaṟa rasio na handu hose heindia maruwa hengi ha wongo. Nawudo walewewuta kundu kungi kose kiidi kya Yuda, Benyamini, Efraimu, na Manase, mṟasa kiheri walemarisa ishirumatsa shose. Nyilyondi walewuya na mṟinyi yawo, orio mndu na wuitoṟinyi woke.

SHIIMBO SHA DAWIDI 106:40

Nyashi ya Mndumii ikaaka huya wandu wake, kasuo kyoṟa kyake.

SHIIMBO SHA DAWIDI 89:38

Kyaindi nyi iyo Mndumii kulemkumba na imleha, kopufukia mshimbuo opfo.

YESAYA 27:9

Kyasia wuwicho wo Yakobo wochiilisho wudo, na itso nyitso ndunda tsose tsembuta wunyamaṟi woke; ilyi echihaluo maho hose ha rasioni hawe cha maho maili hamapaṟe-paṟe, mṟasa mbuo na sanamu tsa mnengeṟi tsechihoṟoka-sepfo.

YEREMIA 14:19

Hoi Mndumii-Ruwa, naho oleha Yuda piu? Mrima fopfo fosuiṟo nyi Sioni, Nki kitewe ulukape kudi owicho? Luwekusihiye ofoṟo indi, Lulawone kicha kyose, Luwewedia ikia, indi lukahoya sheluowesha.

YEREMIA 16:18

Njechitaa kiṟache ka ikumi, kipfa kya njonyamaṟo tsawo na madeko hawo kipfa wafanyitsa ngafu oruka loko, kui mnying'a ya maruwa hawo hasuiṟie, wakaichuṟa oruka lu loko isuiṟa lyawo.”

EZEKIELI 16:39

Njihende ikudambikia mawokonyi ha wakunde wapfo, nawo nyi wechiwunduo mba yapfo na handu ha rasioni kopfo, wahende ikuatuo nguo tsapfo, na shindo shapfo shekuchopa wakude kiṟanguo ulawode kindo kyose.

EZEKIELI 43:7

nao kanjiwia, “Iyo mndu, iya nyi hondo loṟika loko lo wumangi lukeri, nyihondo njekechumia na njotifo tsako. Kyamba njihenda ikaa kiidi kya wandu wako wa Israeli mlungana. Kyamba Waisraeli wechihendase ifanyitsa rina lyako wo wawenyipfo ma wamangi wawo wechiindia sanamu tsa maruwa hengi manya iṟika mnying'a ya wapfu wawo handu ha se pfo.

EZEKIELI 6:13

Nlyondo mochimanya ke inyi nyi Mndumii ili mandi mnying'a yawo yechitengitia oshangunyi lo sanamu tsawo na shitaṟa shawo shedasia, na huye ya mafumvu, na wanda ya mashidi mecha ha kimaṟamaṟa, na wanda ya mashidi ho hang'anyi na handu hose na orio handu wawekewutia mwano ko maruwa hengi.

HOSEA 10:2

Mrima yawo iwenjiichuṟe ngeṟo, Wulalu nyi kikiwaṟi wawone ngapo ya wuwicho wowo, Mndumii-Ruwa nyi echiwunduo marasio ho hawo, na inyamaṟa shitaṟa sho shaho.

WALEWI 20:23

Mlaoshe mwichiwie fo mkambofu njifufuna oshangunyi lonu; kyamba walewuta isho shose, na Inyi ngawasuo mnu.

WALEWI 26:11

Njechiwika handu hako hekaa ipfo konu, manya njechimudapfo.

WALEWI 26:15

mkamina wuikimbi woko, na isuo mrimenyi mawawaso hako, mkada mulaindie mawawaso hako hose, mukafunja mkundana foko,

AMOSI 6:8

Mndumii nyalelya nyamu yake, so Ruwa Menyi Matorito; Ngamina kiṟumi kya Yakobo, ngasuiṟo nyi mamba hake; kipfa kya ikyo, njechiwutaho mṟi fo hamu na wose waipfo.

AMOSI 7:9

na handu hakuirie ha ko Isaki hechiwa ngafu; na handu haele ha Israeli hechinyamaṟika; na inyi njechikure njilimbane na mba ya Yeroboamu kui oshu.

NGUMBUO YA MAWAWASO 32:19

“Mndumii-Ruwa kekiwona ado kasuo, kaleha wana wake wa kisoṟo na wa kika.