WALEWI 26:26 - Bibilia Kui Mdedie fo Kimochi

²⁶ Kyelya kyanu njechikitachuo, waka ikumi wechikahaṟa mkate rikonyi lyimu. Wechimuhawia kui kiheo. Ma mukamemarisa ilya shelya na mochiwado nyi njaa tupu.

WALEWI 26:26 ပူးပေါင်းရင်းမြစ်များ

2WAMANGI 6:25

Njaa ing'anyi ikahoya Samaria, nawo wakatengetia mṟi, itane mdo fo nzoi fukakumbo shipeṟengu makumi nyanya (80) sha fesa, na kitela kya sari ya mbeta ko rupia tsitanu tsa fesa.

SHIIMBO SHA DAWIDI 105:16

Kalaha njaa icheye oruka, kanyamaṟa kelya kyose wawekikusirie.

YESAYA 3:1

Kipfa, ambuya, Mndumii, Mndumii o Matorito, nechisoka Yerusalemu na Yuda kikusirio kyawo, kikusirio kya kando, na kikusirio kyose kya mṟinga;

YESAYA 5:10

Kipfa dema lya msabibu lishikie eka ikumi lyechiwuta kienga kitutu kishikie chupa imu, na mowaaya ndunda tsishikie idewe limu nechisambuo pakuṟi imu.”

YESAYA 9:19

Kipfa kya nyashi ya Mndumii menyi Matorito oruka lu luirumara piu; wandu wa nawo wai cha ngu tsewika modonyi; kuwode mndu mosaṟia manomaye pfo.

YESAYA 9:20

Nekesoka ora lo kulyo na iwona njaa, nekelya ora lo kumoso manya eihudapfo, wechilya nyama orio mndu owokonyi loke amonyi.

YEREMIA 14:12

Manya wakakuotoya njechiicho kiterewo kyawo-pfo, wakawuta mwano na shidaso shemaya madonyi hamu na shilimu njechiambilia-pfo, njechiwarumatsa kui oshu, na njaa na ndaṟe ya makokoi.”

EZEKIELI 14:13

“Iyo mndu, ilimandi oruka lochihenda injinyamaṟia ko mawicho hawo, na inyi ngahoṟuo owoko loko lo ngapo huye yawo njechiwaima kelya na iwaendie njaa, ngawehenda ikapa wandu wo hamu na mando hai na moo ko opfu.

EZEKIELI 4:10

Kelya ochilya kishikie gramu (230), limu ko mfiri.

EZEKIELI 4:16

Nalyo kanjiwiase, “Iyo mndu, ambuya njechiende njaa ya kelya iya Yerusalemu. Wandu wechiheshio mkate walye ko wuwowu, na iheshio mṟinga wai wasukie.

EZEKIELI 4:17

Nyi njechiwuta njido kundu wawuṟe kelya na mṟinga, na nyi wechisumukia na ipooka kipfa kya njonyamaṟo tsawo.”

EZEKIELI 5:16

Ambuya nyi njechinyamaṟa shikumbi shapfo sha shelya kundu ukapo nyi njaa. Njaa i yechikuwawiṟa chaili olaso nyi mfi iwode wuṟoi.

HOSEA 4:10

Wechilya, kyaindi wechiihuda-pfo; wechimelukameluka, kyaindi wechiwona wana-pfo, kipfa wanjida inyi Mndumii-Ruwa, na ioshana na maruwa hengi.

WALEWI 26:27

“Na ma numa ya isho shose mlamenjiadanyie mukaengeṟa injikaṟuo,

MIKA 6:14

Mochilya kyaindi mochiihuda-pfo, mochiengeṟa iliyo nyi njaa kiidi kyanu, mkawika kisa kechiringo-pfo, na kokooya moringa kindo njechikinyamaṟa na shida.

HAGAI 1:6

Ambuyenyi mulewaaya mbeu tsifoi mukasambuo kitutu; mkowelya manya mulaihude; mukanyo mulawute wuangari; mkaṟaa nguwo indi kuwode moicho mrikepfo; na icho moambia wueri kawika mfukonyi futochikyetochikye.