WALEWI 26:17 - Bibilia Kui Mdedie fo Kimochi

¹⁷ Njechikoyana nanyo, nanyo mochikapo nyi wakituwa wanu; mochichilio nyi walya wamsuo. Mochikangaṟika na idicha ma kokoya kulawode mndu oose aimuwingia.

WALEWI 26:17 ပူးပေါင်းရင်းမြစ်များ

MAWOOKIONYI 4:12

kodema wandai yechikaa ikumbie-sepfo; nochihenda kochiwuṟi-wuṟi na iṟahaṟaha masangenyi.”

1WAMANGI 8:33

‘Kokoya wandu wapfo Israeli walemo shidenyi kipfa kya wakituwa, kipfa kya wunyamaṟi wowo wakunyamaṟie iyo, wakaterewa mhoṟie wechikunyiiṟa kiidi kya mba.

2WAMANGI 13:3

Mndumii-Ruwa kasuo katewa wana wa Israeli wawingo shidenyi orio kiheri mangi Hazaeli o Aramu na mana oke Ben-hedadi.

2WAMANGI 13:7

Kipfa waledea Yehoahazi maaskari wa shida pfo shile wedoya frasi makumi hatanu (50) na frasi, na magari ikumi, na waaskari wechumia shiku ikumi (10,000), kipfa mangi o Shamu nalewarumatsa wakafanana na kiluli kichumechume.

SHIIMBO SHA DAWIDI 44:10

Noluwihiṟa na numa lukakumba mtuuri odu mhongo, walya walusuo, wakakuwonya masinga.

SHIIMBO SHA DAWIDI 53:5

Nyi hondu waleowuo handu halaweoweshie, kipfa Ruwa naleolaola mafuo ha ulya alekutengetia. Kulewahutsia sonu, cha Kipfa Ruwa nalewamina.

SHIIMBO SHA DAWIDI 53:6

Samanya okiṟo lo Israeli luwuke ipfo Sioni! Nyi Ruwa kechiwihiṟa wapfungo wa wandu wake; Yakobo naweitola kya sia, Israeli nechifuda.

MFANANO 28:1

Wawicho wekedicha walaosho nyi wandu; Wenyi wusumhanyi nyi wai wakari cha miso.

YESAYA 30:17

Kiku kimu (1,000) wechidicha wadedio nyi mndu umu; kui idedio nyi watanu mochidicha; mṟasa mochideo cha ndichi ihoṟotsu huya kitoṟomoso, na bendeṟa huya kifumvu.”

YESAYA 63:10

Indi wo wakadeko itane wasuiṟa Mumuyo Mwele; kyasia kawahaluka, kawa mkituwa, kakapana nawo.

YEREMIA 19:7

Na inyi njechiilacha idedo lya Yuda na Yerusalemu handu ha, njechiwaolotsa kwui oshu oshangunyi lo wakituwa wawo na kui owoko lo wandu weshiha moo yawo. Mnying'a yawo yechiinengo ndehe tsa nginehu na mando malang'a ha orukenyi iwe kelya kyaho.

YEREMIA 44:11

“Ko ikyo inyi Mndumii-Ruwa Menyi Matorito, Ruwa o Israeli ngahamba njidi; Wulalu, njechimuhalukia njimuendie mawicho na irumatsa Yuda yose.

SHILIO 1:5

Wakituwa wake nyiwo wafuikolonyie, nawo nyi waloṟie ing'ana. Kyamba Mndumii-Ruwa nyi alefukapa kipfa kya madeko hafo hafoi. Wana wa mṟifo nyi wawaduo wusingenyi kuleshe.

SHILIO 2:4

Kyamba nyi alekuruo uda woke cha mesa, Kawewuṟeheṟa owokonyi loke lo kulyo, kawewaha wandu wose wanene kiidi kya mba tsadu wandu wa Sioni. Kaweluletsia nyashi yake cha modo.

EZEKIELI 15:7

Njikeri ikuhoda nawo ko nyashi. Manya kokoya wechihenda idicha modo fo indi modo fo fochihenda iwarumatsa. Njihenda ikapana nawo ko pfinya ing'anyi nanyo muwuteho imanya ke inyi nyi Mndumii-Ruwa.

WALEWI 17:10

“Na mndu oose o mba ya Israeli, ang'u kiidi kya wahenuwo wai kiidi kyawo, echinyo samu, ya mbaṟiyo yose, njechilema kyamu kyako koke mnducho ekenyo samu, na Inyi njechimkumba kuleshe na wandu wake.

NGUMBUO YA MAWAWASO 28:25

“Mndumii-Ruwa nechimutana muwingo nyi wakituwa wanu. Nyo mochihenda ikapana nawo kui njia mfungade. Nanyo mochiwa kindo kiwode riiri ko wandu wose wa wuyana.

YOSHUA 7:4

Nalyo wakaduma wandu shiku shiṟaṟu kundu wahende ikapana na wandu wa mṟi fo Ai, kyaindi wandu wa mṟi fulya wakawawingia.

WACHILI 2:14

Naho nyashi ya Mndumii-Ruwa ikado kipfa kya Waisraeli nao kada wasoki waduo masaa hawo. Nalewadambikia wakituwa wawo wakawaṟingichia walaidime ikuwuta mawokonyi ha wakituwawo.

WACHILI 3:14

Waisraeli wakaṟundia Egloni mangi o Moabu, handu ha maka ikumi na nyanya (18).

WACHILI 3:8

Kyasia, nyashi ya Mndumii-Ruwa ikaakia Waisraeli, kawadambika mawokonyi ha Kushan-rishathaimu mangi o Mesopotamia nawo wakamṟundia maka nyanya (8).

WACHILI 6:2

Wamidiani wakawaikolonyia kipfa wawewode pfinya itane Waisraeli wasuma marina kundu wechiowa.

1SAMWELI 12:15

Kyaindi ko koya mulaadanyia ṟu lya Mndumii-Ruwa, mukafunja iwawaso lyake, kyasia nao nechiiṟiwana nanyo na mangi yanu.

1SAMWELI 31:1

Nahong'u Wafilisti wakakapana shida na Waisraeli; nawo Waisraeli wakadicha oshangunyi lo Wafilisti, wakawaahio fumvuhu lya Gilboa.

1SAMWELI 4:10

Wafilisti walekapana kiumi wakawinga Waisraeli; Waisraeli wakadicha orio mndu kikoke amonyi. Mkonufo kulekaapfo wuwaahi wung'anyi cha kipfaolemali wechumia na madende shiku makumi haṟaṟu wa Waisraeli walewooho.