WALEWI 26:15 - Bibilia Kui Mdedie fo Kimochi

¹⁵ mkamina wuikimbi woko, na isuo mrimenyi mawawaso hako, mkada mulaindie mawawaso hako hose, mukafunja mkundana foko,

WALEWI 26:15 ပူးပေါင်းရင်းမြစ်များ

MAWOOKIONYI 17:14

Na mndu msoṟo awode nyama ya kichong'u ya kitaṟe kyake alamdine, mndu cho naletsano na wandu wake, nyi afunja mkundano foko.”

2WAMANGI 17:15

Wakaleha iwada wuwawaso woke, walawade mkundana fulya alewutia wasahuyawo hamu na wapiṟi wopiṟa itutumo, waleindia sanamu tsilawode kiira nawo wakaosha wandu wa mkambo walya wawewatengetie; walepiṟa piu mawawaso ha Mndumii-Ruwa, ma waleambuya pfopfo.

2MBONYI TSA MAHERI 36:16

Kyaindi wo walekapa mang'ang'o waikimbi walya wa Mndumii-Ruwa, na isalucha madedo hake, na iseka waikimbi wake mṟasa nyashi ya Mndumii-Ruwa ikaaka kihadi na wandu wake, ma kulawadese ma chandu wechidima iashuka.

SHIIMBO SHA DAWIDI 50:17

Kipfa iyo nyiulesuo wuikimbi Na ikumba mhongo madedo hako.

IWUKA 19:5

Kyasiang'u wulalu kokoya mochiindia ṟu lyako kya lohi lohi, na iwada mkundano foko, nyihondo mochiwa wecha koko kota mbaṟi tsose tsa wandu; kyamba wuyana wose da nyi masaa hako,

IWUKA 24:7

Kiidima kaira kitapu kya mkundana kakisoma madunyi ha wandu; wakahamba, “Isho shose Mndumii-Ruwa ahamba lochishiwuta, naso lochiindia.”

MFANANO 1:30

Waleidikya mapfundo hako pfo, Wakamina shiloshyo shako shose.

MFANANO 1:7

Iowuo Ruwa nyi mawookyonyi ha wuṟango Indi wandu watondo wekemina wulaanyi na wuindi.

MFANANO 5:12

Na iyo kohamba, chando mbesuuye iwawaso, Na mrima foko fukamina idedio

YESAYA 24:5

Kake wuyanawu wui wufanyitse ngafu kui wandu wekekaapfo; kipfa watahachie mawawaso hako, wakailacha wuwawaso, wakeleha kyasa kya mlungana.

YEREMIA 11:10

Wawuya mawicho ha wandeawo walya waleleha iadanyia madedo hako. Waleosha maruwa hengi na ihandia; mba ya Israeli na mba na Yuda, waletehia mawawaso hako njilewikia waku wawo.”

YEREMIA 31:32

Mkundano fu chi cha fulya njilewika na waku wawo lilya njilewawuta Misri ko owoko loko pfo, kipfa mkundana fu walefutehiya, ma chandu inyi mbei Mndumii owo. Inyi Mndumii-Ruwa ngahamba.

YEREMIA 6:19

Adanyia iyo Oruka; uambuye, njechiende mawicho huye ya wandu wa, ee da ndunda tsa mahiyo hawo, kipfa walaleicho madedo hako; na kya ngoseṟa mbonyi tsa wuwawaso woko wakaleha.

EZEKIELI 16:59

Mndumii-Ruwa nyi ahamba adi, “Njechikuwutia sumhana na mawuto hapfo, kyamba nyi ulemina kyasa kyapfo koweumbuya mkundana.

WALEWI 26:11

Njechiwika handu hako hekaa ipfo konu, manya njechimudapfo.

WALEWI 26:43

“Kyaindi Mandi wai nja ya oruka lowo, orukalo lochichihio nyi sabato tsalo, kiheri lochiwada wukiwa. Kiherikyo wechidumbuya wuwicho wowo wopiṟa mawawaso hako na ihasuo.

WALEWI 26:9

Njechimuichio makulili na imusaṟia muwade wana wafoi na imupfumbutsa; na Inyi njechiwanza mkundana foko nanyo.

MALAKI 2:2

Kokoya mulakundi iicho, na kokoya mulakundi iwika mrimenyi yanu, kundu mung'anyishe rina lyako Mndumii menyi Matoṟito ahamba, njechimudikia oseso, njechisesa mboṟa tsanu. Njilemaa isesa kipfa mulekunda iindia mawawaso woko pfo.

MAITALA 15:31

Kyamba nalekana na shilya Mndumii-Ruwa ahambie, katehia iwawaso limu kiidi kya mawawaso hake. Mnducho nechiwahio kuleshe nakamu; na nechiwuwuyo opfu loke o amonyi.”

MAWUTO HA WASU 13:41

‘Ambuyenyi nyo wemina! Ṟihionyi muhende ideka. Kipfa ngatana ngata mafiri ha hanu, ngata ii mulechiidikya manya le ma mndu kamdambuya munu!’”

WAROMA 8:7

Kipfa shilya nyama-tso tsekekuelengya shiende kituwa na Ruwa kyamba tsilaindye wuwawaso wo Ruwa madu, manya tsilaidima iwuta tsido.

NGUMBUO YA MAWAWASO 31:16

Mndumii-Ruwa kawia Mose, “Wulalu notikiria isamana na wuyana, komepfa, wanduwa wechiwoka ilekana na inyi waoshane na maruwa hengi ha orukalo waihenda ikaa; wechilekana na inyi na ilekana na mkundana njilewika nawo.

1WATESALONYIKYE 4:8

Nkyo kimaduma mndu aleha iki aileha mndu o wandupfo indi Ruwa chu alemwinenga nyo Mumuyo oke mwele.

WAEBRANIA 8:9

Nalo lulawaakye owiko lulya njilewikya wande yawo mkonu fulya ngamewateteṟa na owoko njewashuo ipfo orukenyi lo Misiri, kyamba wo walawekaa owikonyi lo loko na inyi ngamewaseheṟa. Nyi wudo Mndumii ahambie.

1SAMWELI 12:15

Kyaindi ko koya mulaadanyia ṟu lya Mndumii-Ruwa, mukafunja iwawaso lyake, kyasia nao nechiiṟiwana nanyo na mangi yanu.