WALEWI 26:13 - Bibilia Kui Mdedie fo Kimochi

¹³ Inyi nyio Mndumii-Ruwa, Ruwa onu njilemwuta orukenyi lo Misri kundu mulawe masinga ha Wamisri. Inyi njilefunja shitemba shilya muwewapfungie nzingonyi tsanu na imlekia muchumie necha.”

WALEWI 26:13 ပူးပေါင်းရင်းမြစ်များ

SHIIMBO SHA DAWIDI 116:16

Hoi Mndumii, kya lohi inyi nyi mṟundi opfo, Mṟundi opfo, mana o kisinga kyapfo, Kulepfunguo shipfunga shako.

IWUKA 14:8

Mndumii-Ruwa kahaluo mrima fo Farao mangi ya Misri fukauma, nao kaosha wana wa Waisraeli; kipfa wana wa Waisraeli walewukapfo kui wutimbiri.

IWUKA 20:2

“Inyi nyi Mndumii-Ruwa, Ruwa opfo njilekuwuta orukenyi lo Misri, mmbenyi ya wusinga.

IWUKA 6:7

na inyi njechimuira muwe wandu wako, njechiwa Ruwa konu, nanyo mochimanya ke inyi nyi Mndumii-Ruwa, Ruwa onu, njimuwutie mkure kiidi kya maṟio ha Wamisri.

YESAYA 51:23

njechikidambikia watuuri wapfo; iwo walekuwia hongoma kundu so luide; itane ohaluo mhongo fopfo fuwe njia ya madende ya iwo weida-ho.”

YESAYA 9:3

Noengeṟa mkambo fo wandu, koengeṟa msiha fowo. Waichihiyo oshangunyi lopfo Cha sia kiheri kya shilimu, cha wandu wehawana shilya waende shidenyi.

YEREMIA 2:20

“Kipfa wokia mbooko iyo kuleleha isongoyo nyi inyi; koweleha injiindia na injiadapfuma. Kipfa huye ya kitoṟomoso kileshe, na wanda ya ikidi liwode maṟa mawishi nolehongoma kowuta mbonyi tsa wumeluki.

YEREMIA 28:2

“Mndumii o Matorito Ruwa o Israeli, nyi ahamba adi ngafunja pfinya tsa mangi ya Babeli.

YEREMIA 28:4

Na inyi njechiwihiṟa Yekonia mana o Yehoyakimu mangi ya Yuda handu hamu na walya wawapfunge wose wa Yuda walehenda Babeli, Mndumii ahamba kipfa njechifunja shipfungo shose sha Babeli.”

EZEKIELI 30:18

Kyamba ipfo Tahpanesi kochiwada meema, kiheri kyo njihenda ifunja pfinya ya Misri, na ikudosa lyake ling'anyi nyi lechitsitsa. Misri yechihenda ishikio na mapuchi na wandu wake nyi wechidao wusingenyi.

EZEKIELI 34:27

Mashidi ha mdemehu nyi hechiwika ndunda, na mademaho hawewuta ndunda tsifoi, nawo nyi wechikukaya na ofoṟo orukenyi lowo. Kiherikyo njechiwaashuo mshenyi ya wusinga na iwaashuo mawokonyi ha iwo walewahaluo masinga, nyilyondi wechihenda imanya ke Inyi nyi Mndumii-Ruwa.

HOSEA 11:4

Ambuya njilewasongoya ko shiwoho sha isaṟia, iyee, kui shiwoho sha ikunda, chandu mfee ekeira mana mṟasa kyerinyi kyake, nyiwudo na inyi njiwekeri kowo; Kii kidi ngahongoma na iwainenga kelya.

WALEWI 25:38

Inyi nyio Mndumii-Ruwa, Ruwa opfo, njilekuwuta orukenyi lo Misri kundu njicheikuinenga oruka lo Kanaani na kundu njiwe Ruwa opfo.”

WALEWI 25:42

Cha kipfa Waisraeli nyi waṟundi wako jilewawuta orukenyi lo Misri, nahong'u walakumbo cha masinga.

WALEWI 25:55

Waisraeli nyi waṟundi wako, kipfa njilewawuta orukenyi lo Misri. Inyi nyio Mndumii-Ruwa, Ruwa onu.”

NAHUMU 1:13

Wulalu njechifunja ngada yake, na itusuo shipfunga shapfo.