WALEWI 26:12 - Bibilia Kui Mdedie fo Kimochi

¹² Njechichumia kiidi kyanu na iwa Ruwa onu nanyo mochiwa wandu wako.

WALEWI 26:12 ပူးပေါင်းရင်းမြစ်များ

MAWOOKIONYI 17:7

Mkundana foko na iyo njechifuwanza, na shishari shapfo shose shechikuituma. Mkundanafu, fochiwa mkundano fo mlungana, ke njechiwa Ruwa kowo na ko washari wawo wechikuituma iyo.

MAWOOKIONYI 17:8

Na Inyi njechikuinenga iyo na oshari lopfo lochiituma numa yapfo orukalu ukeri wuhenunyi, oruka lose lo Kanaanyi, noluitoṟie mlungana; na inyi njechiwa Ruwa owo.”

MAWOOKIONYI 3:8

Nahong'u wakaicho ṟu lya Mndumii-Ruwa kechichumia kulya mhundenyi kiheri mnengeṟi fomeembeṟuka; Mnducho na mka oke wakaowa kulya kiidi kya mashidi ha kulya mndenyi, kundu Mndumii-Ruwa nalawawone.

MAWOOKIONYI 5:22

Enoki kahendelia Ruwa amfee Metusela maaka mahana haṟaṟu kafee wana wa kiumi, na wa kika.

MAWOOKIONYI 5:24

Enoki kahendelia Ruwa kiheri kyake kyose, nalawonose, kyamba nyi Ruwa alemduo.

MAWOOKIONYI 6:9

Iki nyi kishari kya Noe. Noe nawei mndu o wusumhanyi, mhendeli ipfo kisharinyi kyake; Noe kawa mhendeli kachumia ai na Ruwa.

2SAMWELI 7:7

Njilemenunuwe ko wasongoru walya wa Israeli, walisi wa wandu wako, ma njilemewawese nkili walalemenjisungusie hekalu licha lisungusie nyi mbao tsa seda, mbao njicha tsa wuhuru wung'anyi pfo.

SHIIMBO SHA DAWIDI 50:7

Njiadanyienyi, lanye wandu wako, na inyi njidede, “Inyi, njechikuṟingishia, Israeli;” “Inyi njii Ruwa, Ruwa opfo.”

IWUKA 29:45

Na inyi njechikaa kiidi kya wana wa Waisraeli, na inyi njechiwa Ruwa owo.

IWUKA 29:46

Nawo wechinjimanya ke inyi nyio Mndumii-Ruwa, Ruwa owo, njilewaende wawuke kulya orukenyi lo Misri, njiidime ikaa kiidi kyawo; inyi nyi Mndumii-Ruwa, Ruwa owo.

IWUKA 3:6

Kahambase, “Inyi nyi Ruwa o ndee, Ruwa o Abrahamu, Ruwa o Isaki, na Ruwa o Yakobo.” Mose kashikia kyamu kyake; kyamba naleowuo iambuya Ruwa.

IWUKA 6:7

na inyi njechimuira muwe wandu wako, njechiwa Ruwa konu, nanyo mochimanya ke inyi nyi Mndumii-Ruwa, Ruwa onu, njimuwutie mkure kiidi kya maṟio ha Wamisri.

YESAYA 12:2

Ambuya, Ruwa nyio okiṟo loko Njechikusiria manya njechiowuopfo; Kipfa Mndumii Mndumii-Ruwa nyi pfinya tsako na kiimbo kyako; Nao nyi awie okiṟo loko.”

YESAYA 41:10

Ma kulaowuo; kipfa inyi njii hamu na iyo; kulawado nyi makangao, kipfa inyi nyi Ruwa opfo; njechikuwika pfinya, ee, njechikutarama, ee, njechikuwada na owoko loko lo kulyo lo wusumhanyi woko.

YEREMIA 11:4

Ifu nyi mma njilelya na wandu wako njiwawuta Misri, kiidi kya riko lya modo fo menya. Njilewawia wanjiindie na iṟunda lilya njilewawawasa ke wakawuta wado wechiwa wandu wako na inyi njiwe Ruwa owo.

YEREMIA 30:22

Nyo nyi mochiwa wandu wako, na inyi njechiwa Ruwa onu.”

YEREMIA 31:33

“Nduma ya mafiri ho njechiwika mkundana fo mbaṟi i na Waisraeli; Njechiwika wuwawaso woko kiidi kyawo na ifuṟehia kiidi kya mrima yawo. Inyi njechiwa Ruwa owo nawo wechiwa wandu wako. Nyi inyi Mndumii-Ruwa ngahamba.

YEREMIA 32:38

Wo wechiwa wandu wako na inyi njechiwa Ruwa owo.

YEREMIA 7:23

Kyaindi kilya njilewawasia kyo kikeri kiile, ‘Hendelienyi mawawaso hako; mukawuta mudo na inyi njiwe Ruwa onu, nanyo muwe wandu wako, muchumie njia iya njechimbawasia tupu, kundu muwonyio ona.’

EZEKIELI 11:20

Wahende ichumia njiehu tsako na iosha mawawaso hako. Nahong'u wahende iwa wandu wako na inyi njiwewa Ruwa owo.

EZEKIELI 36:38

Nawo wechiterewa wahende ifo cha machondi ha shidaso, yee cha mapo ha machondi mṟinyi fo Yerusalemu kiheri kya mfiri mnene yawo. Kyamba nyi wudong'u mṟi yo yanu ilawewode wandu yechihenda iichuo kituṟu kya wandu. Kikamba kido wechihenda imanya ke Inyi nyi Mndumii-Ruwa.”

YOELI 2:27

Nyi lyondi mochimanya ke njikeri kiidi kyanu, nyo wandu wa Israeli; mochimanya ke inyi Mndumii-Ruwa, nyio Ruwa onu, manya kuwode Ruwa ungi-pfo. Wandu wako wechikaa waminose nyi mndu malepfo.”

ZEKARIA 13:9

Ikyo kimu kechideo njechikihesha na ikitana kyele cha mndu mosanja fesa; cha mohesha sahapu. Kyasia, wo wechinjiterewa na inyi njiwahaluo, njechihamba iwa nyi wandu wako, nawo wechihamba Mndumii-Ruwa nyio Ruwa odu.”

MAITALA 5:3

Mochiwawuta na nja ya handu hesia moo wandu wa mbaṟii womi na waka kundu walashike iterefutsa handu hesia moo lyako inyi njekekaapfo kiidi kya wandu wako.”

MATAYO 22:32

‘Inyi nyio Ruwa o Abrahamu na Ruwa o Isaki na Ruwa o Yakobo.’ Ruwa chi akeri o wapfupfo shila na o iwo wai na moo.”

2 WAKORINTO 6:16

Na maidikyano m maki ha hekalu lya Ruwa na mfano ya maruwa ha wongo? Kyamba so lui hekalu lya Ruwa menyi moo; chando Ruwa ahambye, ke ipfo kowo njechitana kanyi koko njehendekyaho, inyi njechiwawiia Ruwa owo nawo wechinjiwiia mkambo foko.

NGUMBUO YA MAWAWASO 23:14

Kiwaṟi mfiṟiha fonu fuwe mwele kyamba Mndumii-Ruwa, Ruwa onu, naisenguda mfiṟiha fonu kundu namkiṟe, na iwika wakituwa wanu mawokonyi hanu. Ko ikyo mulalekie nawone kindo kyose kilawaṟi kiidi kyanu, sile wudo nechimuda.”

NGUMBUO YA MAWAWASO 23:15

“Mndu isinga kadichia kopfo manya kulammbihiṟe na ko mndumii oke.

WAEBRANIA 11:16

Indi wulalu nyi kilya kicha kota walekikuleshya, nakyo nyi kya ruwehu. Nkyo kimaduma Ruwa alawepfia sonu isendo Ruwa owo, kyamba nyi alewawikya mṟi.

OTAMBAHALUO LO YOHANE 2:1

“Msu chu o siṟi ya Efeso ochimṟehya,” Aiha madedo ha ichu ahambye arie nyenyeri tsilya mfungade owokonyi loke lo kulyo, ekyechumia kiidi kya shimnaṟa shilya mfungade sha taa sha sahabu.

OTAMBAHALUO LO YOHANE 21:7

Mndu ose echiwinza echikudaya kyoṟa kyake, nao inyi njechiwa Ruwa oke nao echiwa manoko.