WALEWI 24:7 - Bibilia Kui Mdedie fo Kimochi

⁷ Orio otasa nohekieho ubani wucha kundu wuwadane na mkateyo, iwe kienga kya kidaso kekoṟa na ngumbuo ko Mndumii-Ruwa.

WALEWI 24:7 ပူးပေါင်းရင်းမြစ်များ

MAWOOKIONYI 9:16

Nahong'u mkoṟifo fochikaa mapuchinyi, na inyi njechifuambuya, kundu njikumbuo mkundano fo mlungana fui kiidi kya Ruwa na orio kiumbe kii na moo ko walya wose wawode mbihu iya orukenyi.”

IWUKA 12:14

Na mkonu fu fochiwa ngumbuo konu, nanyo mochifuhaluo fuwe mnene ko Mndumii-Ruwa; mochifuhaluo fuwe mnene ipfo shisharinyi shanu shose, kui iwawaso lya mlungana.”

IWUKA 13:9

Nakyo kechiwa kichano kopfo kiidi kya owoko lopfo, na kui ngumbuo mesonyi hapfo, kundu ke iwawaso lya Mndumii-Ruwa lyikae dumbunyi lyapfo; kipfa Mndumii-Ruwa nalekuwuta nowuke Misri kui owoko luwode pfiinya.

IWUKA 17:14

Mndumii-Ruwa kawia Mose, “Ṟehia mbonyitsi kitapunyi iwe ngumbuo, ionguo madunyi ha Yoshua; ke njechiangatsa ngumbuo ya Waamaleki nakamu, ilakaese wuyanenyi.”

IWUKA 28:12

Na iyo nochiwika shindo sha wuhuru sho shiwi huya shitambaa shilya sha makosohu sha naiverayo, shiwe shindo sha wuhuru sha ngumbuo kipfa kya wana wa Waisraeli; na Aroni nechiduo marina hawo oshangunyi lo Mndumii-Ruwa, huya makoso hake hawi kundu kiwe ngumbuo.

YESAYA 43:23

Ulenjiendie machondi hedasapfo; manya mwaano yapfo-pfo. Njilekulisiṟa wukiwa kipfa kya shiinengo-pfo, ma ikutuura kya ipfaamiṟa pfo.

WALEWI 2:1

Na ili mndu echiinenga Mndumii-Ruwa, mwano fo kidaso kya mso, mwanofo foke fochiwa mso mmamiri, nao nechifuletsia mafuda, na ihekiaho ubani huyafo;

WALEWI 2:2

numa nafuendie wana wa Aroni wakohanyiwo; nao naireho ohi lumu lo mso mmamiri na mafudaho hafo na ubani wo wose; nahong'u mkohanyi nafurumatse modonyi kiwe nyiyo ngumbuo yake rasionyi, nyi kidaso keseheṟia modonyi, kya opfamo luchihiṟie Mndumii-Ruwa.

WALEWI 2:9

Numa mkohanyi nechiirapfo ngumbuo-yo ya kidaso kya mso, nao nechikikoṟia o rasionyi; nyi kidaso keseheṟia kui modo, kya opfaamo luchihiṟie Mndumii-Ruwa.

YOHANE 6:35

Yesu kawawia, “Nyio inyi njikeri mkate fu fo moo. Mndu akuchea na koko akiwado-se nyi njaapfo, na mndu awa monjiidikya nakirohyo-se nyi nyoda ma indipfo.

YOHANE 6:51

Nyio inyi nji mkate fu fo moo fusokie ruwehu. Mkate fu mndu ailya-ho nechikaa na moo mlungana. Na mkate fo njechimnenga mfo mbihufu foko njifulekia njiwonesye nafo wuyana wu moo.”

MAWUTO HA WASU 10:31

kanjiwia, ‘Kornelio, shiterewo shapfo shamhenda yadanyo na shilekio shapfo shamekumbuyo ipfo oshangunyi lo Ruwa.

MAWUTO HA WASU 10:4

Nao kamwambuya a mṟihie kaowuo kahamba, “Nkyo iki kindo ki Mndumii?” Kambia “Shiterewo shapfo na shilewekudooya shikashika kikumbuyonyi kya ipfo oshangunyi lo Ruwa na shisaṟyo shapfo.

WAEFESO 1:6

Kundu wutonga wo wusuṟi, woke iwo alelusumba kui mkunde oke wuhende iwikyo kiṟumi.

WAEBRANIA 7:25

Ikyo kyaenenga aidima iwonya iwa waichea Ruwa wakuwawie nao okiio lo mlungana, kipfa ekaa na moo maheri hose mowaterewya-ho.