WALEWI 20:6 - Bibilia Kui Mdedie fo Kimochi

⁶ “Kokoya mndu oose ekehenda ko walasha wa waṟumu na wasawi kaṟuhuya nawo kada alanjiindia Inyi njechikoyana nao meso ko meso na imletsana na wandu wake.

WALEWI 20:6 ပူးပေါင်းရင်းမြစ်များ

SHIIMBO SHA DAWIDI 73:27

Kipfa welekana na iyo wechideka; nyi kulerumatsa wose walekuda Iyo.

IWUKA 22:17

Kokoya ndee o manacho aleha kichikichi imnengia manacho, mnducho nechitaa fesa tsishikie wuhuru wo ngosa ya manacho o waka.

IWUKA 22:18

Kulalekie mndu mka msawi nakae na moo.

YESAYA 8:19

Na ilyi mandi wechikuwia shiha mbonyi ko wandu wawode waṟufu wa ngafu na wasawi; wekefihiṟa cha shilehe na iweweda; alewo, kiwaṟi wandu washihe mbonyi ko Ruwa owo? Ale! Wahende ko wandu wapfiie kipfa kya wandu wai na moo?

YEREMIA 44:11

“Ko ikyo inyi Mndumii-Ruwa Menyi Matorito, Ruwa o Israeli ngahamba njidi; Wulalu, njechimuhalukia njimuendie mawicho na irumatsa Yuda yose.

EZEKIELI 6:9

Iwo waangu wechikia kiidi kyanu kyaindi wakadao wusingenyi nyi wechinjikumbuo kiidi kya wandu wo wahenu, chandu njilewakapa kipfa kya wulemeri wo mrima yawo ilenjida inyi ikahenda iindia maruwa hengi. Wawesukiose kya wuwicho wowo wose walewuta.

HOSEA 4:12

Wandu wako weketerewa wulaanyi ko mashidi; wukidi wowo wo lasha nyiwo wokewainenga otambahaluo. Macha hawo hewuta wuṟuhui nyiho hawadetsa; wawuta wuṟuhui ko ioshana na maruwa hengi, wakanjida inyi Ruwa owo.

WALEWI 17:10

“Na mndu oose o mba ya Israeli, ang'u kiidi kya wahenuwo wai kiidi kyawo, echinyo samu, ya mbaṟiyo yose, njechilema kyamu kyako koke mnducho ekenyo samu, na Inyi njechimkumba kuleshe na wandu wake.

WALEWI 19:26

“Mulalye nyamayo yose iwode samu. Mulalashe manya iwuta wusawi.

WALEWI 19:31

“Mulahendie walashi wa waṟumu manya wasawi kundu muwaterewe wamulashie na kudo mkakuteṟefutsa. Inyi nyio Ruwa Menyipfinya, Ruwa onu kundu nomwindie; na iyo noadapfume Ruwa opfo. Inyi nyio Ruwa Menyipfinya.

WALEWI 20:27

“Mndumsoṟo ang'u mndumka oose ekeloha ang'u msawi, na ate nawoho kekapo na maho. Woose wechiwuwuyo samu yawo wawenyi.”

WALEWI 20:5

Inyi njimonyi njechikoyana na mnducho na wa kanyi koke. Njechiwaletsana na wandu wawo, o amonyi na iwo wose wechida walanjiindia wakaosha ruwa Moleki.

MAITALA 15:39

Mambotso shechiwa ngumbuo konu. Orio mandi mochishiwona, mochikumbuo mawawaso hako hose na ihaawutsia, kundu mlaoshe lango tsanu na isho mochishiambuya na meso hanu.

MAWUTO HA WASU 16:16

Kikashika mandi lochihenda handu halya ha shiterewyo kisinga kika kikalukumbuhana kiwodo nyi mumuyo fo wulasha msa awembonya wenyi wake mbucha sa ing'anyi kui wulashi woke.