WALEWI 2:13 - Bibilia Kui Mdedie fo Kimochi

¹³ Kingise, orio kiinengo kya kidaso kyapfo kya mso nochikiwika monyo; manya kulalekie kidaso kyapfo kya mso kiwuṟe monyo. Monyo nyi kichano kya mkundano fo Ruwa na iyo; nochilekia monyo handu hamu na mwano yapfo yose.

WALEWI 2:13 ပူးပေါင်းရင်းမြစ်များ

2MBONYI TSA MAHERI 13:5

“Ke! Muichi ke Mndumii-Ruwa, Ruwa o Israeli, nalewika kyasa na Dawidi sa kilechiwa ifunjika ke, orio mangi o Israeli nechiwuka mbenyi ya Dawidi mlungana?”

EZRA 7:22

Fesa akunda tsishikie shilo shiku shiṟaṟu na mahana hana (3,400), Ngano kilo shiku ikumi (10,000) mvinyo lita shiku shiwi (2,000), mafuda lita shiku shiwi (2,000), monyo mnengenyi kiheo kyose akundi.

IWUKA 30:35

Na iyo nochisungusia uvumba wo shindoshi, mafuda hepfaama hamasungusie nyi mndu mwaria mosungusia mafuda hepfaama necha, mecha, maele,

EZEKIELI 43:24

nuwaende oshangunyi loko. Kiidima wakohanyi nyi wechiwashia monyo wahende iwawuta kidaso kemaya modonyi kya Mndumii-Ruwa.

MAITALA 18:19

Ngakuinenga iyo, wana wapfo na wana wapfo wa kika, shindo shose wana wa Waisraeli wekenjiendie; isho nyi shanu. Ifu nyi mkundano fo mlungana oshangunyi loko kipfa kyapfo na luwa lyapfo.”

MATAYO 5:13

“Nyo nyi mui monyo fo wuyana, indi komkooya monyo fu-mporu, nyi wuda fochitanose monyo? Fuwode-se kindo fochiṟundapfo, shile nyi ikumbo na ichumo-chumo nyi wandu.

WAKOLOSE 4:6

Dedo lyanu liwe lyenongowya mdonyi kiheri kyose likae lyelodaloda mbala, mumanye chando kimuwari ihaluo orio mndu kiheri kyose.