WALEWI 2:11 - Bibilia Kui Mdedie fo Kimochi

¹¹ Mwano fo mso ifo fose fochiseheṟio Mndumii-Ruwa ilawiko mtarang'ao manyale; kyamba manya mochikoṟa mtarang'ao, maa wuki wo wosepfo kyamba nyi kidaso keseheṟia ko Mndumii-Ruwa kui modo.

WALEWI 2:11 ပူးပေါင်းရင်းမြစ်များ

IWUKA 23:18

Kulasanze samu ya kidaso kyako handu hamu na mkate fumbike mtarang'ao, manya mafuda ha mkonu foko mnene kulahatsuhaṟe mṟasa ngamenyi.

IWUKA 29:25

Numa noire shindoshi mawokonyi hawo, noshirumatse rasionyi, huya kidaso kilya kemaya modonyi, shiwe opfamo lucha oshangunyi lo Mndumii-Ruwa; nyi kidaso kikiseheṟe ko Mndumii-Ruwa, kui njia ya modo.

IWUKA 34:25

Kulalongelonge samu ya kidaso kyako na mkate fumtarang'ashe; manya kidaso kyo kya mkonu mnene fo Pasaka kechitsuhaṟo mṟasa ili lya ngamenyipfo.

MFANANO 24:13

Manoko lya wuki, kipfa wui wucha, Na iwuwu lya wuki lilya liloda ili olisonja.

MFANANO 25:16

Kulewona wuki? Lya wulya wukushikye; Kulaihude numa nodaike.

MFANANO 25:27

Kiwaṟi ilya mnu wuki-pfo Nawudo, mndu ishiha kiṟumi kyake chi kiṟumipfo.

WALEWI 1:13

Kyaindi maula hakyo, na madende hakyo, nechisanja na mṟinga; na mkohanyicho nechishiseheṟia shose ishirumatsia rasionyi; nyi kidaso kemaya modonyi; nyi kidaso keseheṟia kui modo kya opfamo luchihiṟie Mndumii-Ruwa.

WALEWI 6:10

Nao mkohanyi nechiṟaa nguo yake ya kitani, na suruwale tsake tsa kitani nechitsiṟaa mbihunyi foke; nao naorane mafu ha modofo fulekoṟa kidaso alya rasionyi, numa nahaleṟie mbai ya rasio.

MATAYO 16:6

Kyasia Yesu kawawia, “Keambuyenyi mukuṟise mdi foshimbiṟa mkate ifu fo Wafarisayo na Wasadukayo.”

MARIKO 8:15

Yesu kawawawasa kechihamba, “Keambuyenyi mkuṟise mtarang'ao fo Wafarisayo na fo Herode.”

LUKA 12:1

Kiheri nakyo kukakuwumbia-ho mamwingi fo wandu shiku na shiku itane wachumana-chumana, nao kawooka ideda na wasu wake kuwooka kahamba, “Kuṟisenyi mso fotarang'asha fo Wafarisayo, nyifo wulembetseṟi.

LUKA 21:34

“Kyasia, kuṟisenyi, mulawone ngoo tsanu tsechilemeṟo nyi itandaluo ndeu na wunanzi na mawinyisha ha wanda-i, mfiri fulya fuwone fochimutowokia mulakusirie.

MAWUTO HA WASU 14:22

Wechiwanza mrima ya wa kiloshyonyi na iwatutuma ke wakae necha mwidikyenyi na ke nyi kiluwaṟi ikuidya shiwirenyi shiingi mtano na lushike wumanginyi wo Ruwa.

WAGALATIA 5:9

Kimombo kitutu kitarang'ae nkyo kyeketarang'a mbumba fo mso mcha fose.

1PETRO 4:2

Nkyo kimwenenge mulakikapye-se moo kui wuitiki wo lango tsa ki-wandu, kya indi muwe mofukapya kui wuitiki wo kilya Ruwa akundi matika-ha hamtsuhae.