WALEWI 2:10 - Bibilia Kui Mdedie fo Kimochi

¹⁰ Na ikyo kechitsuhaa kiidi kya kidaso kya mso kechiwa kya Aronyi na wana wake; nyi kindo kiele mnu nakamu kiidi kya mwano ilemeseheṟio Mndumii-Ruwa kui modo.

WALEWI 2:10 ပူးပေါင်းရင်းမြစ်များ

2MBONYI TSA MAHERI 31:14

Kore, mana o Imna, Mlewi, nawei mringi o Kichumi kya ora lo Ngamenyi lo hekalu. Nalehoṟokia shindo shose sha nga ko Ruwa, na ishihawa.

EZRA 2:63

Mnene ulya o wa Yuda kawia wakohanyiwo ma walalye shindo shilewuto shidaso ko Ruwa mṟasa kuchepfo mkohanyi echiidima iwuta otambahaluo ko Urimu na Thumimu.

EZEKIELI 44:29

Kelya kyawo nyi shidaso sha mso, shidaso shewuta wunyamaṟi, na shidaso shewuta owingo, na orio kindo kyose kii kishimbuo kipfa kya Mndumii kiidi kya Israeli nyi kechiwa kelya kyawo.

EZEKIELI 46:20

Kanjiwia, “Ambuya iya nyi hando wakohanyi wekekoṟia nyama ya kidaso kewuta wunyamaṟi, na handu hekoṟia shidaso sha mso. Kipfa kyaikyo wakashika iwuka nja wekehenda na kindo kyosepfo kundu wandu walakufanyitse kokoya wakupaya na kindo kii kiele.”

WALEWI 10:12

Kyasia, Mose kadeda na Aroni, na Elieseri, na Ithamari, wanawo wake waletsuhaa, “Irenyi kidasokyo kya mso fuletsuhaa fo shidaso sha Mndumii shilewuto kui modo, mulye fulambike mtarang'ao, alya kufui na rasionyi; kipfa shii shiele mnu.

WALEWI 14:13

numa nashinjie ihuṟuwi handu heshinjia mwano fo wunyamaṟi na kidaso kekoṟa mmbenyi handu haele; cha kipfa chandu mwanofo fui fo mkohanyi, nyi wudo na mwano fo wunyamaṟi fui mwele ngoseṟa.

WALEWI 2:3

Na ifo fotsuhaaho fo kidaso kya mso fochiwa fo Anoni na wana wake nyi kindo kiele mnu nakamu kiidi kya shidaso shileseheṟio ko Mndumii-Ruwa kui modo.

WALEWI 21:22

Mnducho nechiidima ikuliia mkate fo Ruwa oke shindo shiele na shindo shiele mnu.

WALEWI 5:13

Na mkohanyicho nechimbikia kisanza kipfa kya wunyamaṟi wo woke sa kiidi kya isho aletehiaho kimu, nao nechihooṟio; na msofo fotsuhaa nyi fo mkohanyi, chando mwanofo fo mso fuwei.

WALEWI 6:16

Na msofo fotsuhaṟo Aroni na wana wake wechifulya, fochilio fulamtarang'ashe handu haele; mfiṟihenyi fo ihema lyesanzia hondo wechifuliia.

WALEWI 6:23

Kingise, orio kidaso kya mso kya mkohanyi kechirumatso nakamu; makilalio manta.”

WALEWI 6:9

“Owinyi wawasa Aroni na wana wake, nowawie, Iwawaso lya kidaso kekoṟa nyi ili; kidasokyo kekoṟa kechikaa o modonyi huya rasionyi kiokyo kyose tane ngamenyi; na modo fo alya rasionyi fochiaka huya kidasokyo fularumisho.

WALEWI 7:7

Chando kidasokyo kya wunyamaṟi kii, na wudo na kidasokyo kya ideko kii; iwawaso lyasho nyi limu mkohanyicho nawike kisanza kyasho, nyio echikaa nasho.

MAITALA 18:9

Kiidi kya shindo shiele mnu nakamu sa shilekekoṟo modonyi, shechiwa shanu: mwano ya mso, mwano yewuto wunyamaṟi na mwano ya mti. Orio kindo wandu wechinjiendie cha kidaso kiele kechiwa kyapfo na wana wapfo.

1SAMWELI 2:28

Kiidi kya shishari shose sha Waisraeli njilesambuṟaho Aroni na wa mba yake wawe wakohanyi wako; wanjiṟundie ipfo rasionyi lyako wadutsiepfo opfaamo waṟae kizibau oshangunyi loko. Ngainenga wandu wa mba ya ndeo shidaso shako sa Waisraeli walenjiendie shemaya modonyi.