WALEWI 19:16 - Bibilia Kui Mdedie fo Kimochi

¹⁶ Kulaideide kochiṟiingia wandu wa mbaṟi yapfo manyale. Kulatwaaṟe mndu o mṟasa opfo kui madedo hapfo. Inyi nyi Ruwa Menyipfinya.

WALEWI 19:16 ပူးပေါင်းရင်းမြစ်များ

YOBU 17:5

Icho moolongia mbuya tsake wawe nyama njilase, Ma meso ha wana wake hechiwona meema.

SHIIMBO SHA DAWIDI 101:5

Moiria mndu o mṟasa oke kya kiṟika; icho njechimnyamaṟa. Msa awode meso ha orikiiki na ngoo yekushela, icho njechimtirisiapfo.

SHIIMBO SHA DAWIDI 15:3

Alekyeiria mndu sha wongo kui olimi loke. Manya alewutia ungi kiwicho, Manya alekeiria wamṟasa oke sha wongo.

SHIIMBO SHA DAWIDI 50:20

Kodamia kochideda manomayo, manamae opfo kombikia sha wongo.

IWUKA 20:16

Kulahambeho sha wongo kundu nowonyie odoo owingo,

IWUKA 23:1

Kulaedie mbonyi tsa mboru; kulatarame mndu mmbicho, ma iwuta wuṟingishi wo wongo womtarama.

IWUKA 23:7

Manya kulawute wuṟingishi wo wongo ko mndu ose, manya iwonyia owingo ko kindo kyose kundu nawoho nao alawode mti. Kipfa kowuta kudo njechikuhooṟiapfo.

MFANANO 10:18

Moṟika nyashi nawode dumbu lya wongo, Na ichu mohaaya nyi tondo.

MFANANO 11:13

Mndu o sheeṟe kahaaya nechihamba kiṟike; Indi mndu o mrima mhendeli nekeṟika shindo.

MFANANO 20:19

Mndu o mboru katsihamba nededa shiṟike; Ko-ikyo ulakae nao ichu echideda mbonyi tsake mnu.

YEREMIA 6:28

Nyi wandu wadeko waeṟie, wekeṟahaṟaha ipfo na ipfo wechideda na iiria wandu madedo ha wongo; nyi aṟeṟa na menya, wandu wawuta wukika wose kuchu kulawodeho mcha.

YEREMIA 9:4

“Kuṟisenyi orio mndu na wamṟasa oke, manya mulakusirie mana-o-mayo ose, kipfa orio mndu nechiseya sha wongo, na mndu o mṟasa nechihenda ipfo na ipfo, na ihamba wongo na iiria wongo.

EZEKIELI 22:9

Kiidi kyapfo kuwode wekeṟingia wodoyawo kundu wawoho. Wandu wapfo wekelya shidaso shiledasio maruwa hengi. Wakawekaapfo walya wekewuta shindo sha mkika.

MATAYO 27:4

Kahamba, “Ngamnyamaṟa lyandi njiledambika-ho samu ilai na mti.” Nawo wakahamba, “Nyi kii-se kida naso? Ambuya iyo kumonyi.”

NGUMBUO YA MAWAWASO 27:25

‘Naseso mndu moambia kitsutsumo kundu nawaahe mndu alawode mti.’ Wandu wose waidikie, ‘Ameni!’

1TIMOTEO 3:11

Waka na wudo wakae weindya, walahende iduo wandu sumu, wawe wasanjikie mdo, wawe wahendeli kya shindo shose.

2TIMOTEO 3:3

Wa ngarama, walaichi mma, weduo wengi sumu, wapfupfunae mrima, washimbi, wasuo orio kii kicha kyose.

TITO 2:3

Na wudo wakeku wakae na orie lusumhanye waele, walahende iduo mndu sumu, walahende iṟahishyo nyi wukuwu wo wari, wawe wechilosha shindo shii shicha.

1PETRO 2:1

Kuatuonyi orio mawicho hose wongo, na orio maoka mtambo; na makulembetseṟi; na mawunyeng'a masutsa hose.

1SAMWELI 24:10

Ambuya wulalu, inu nowona na meso hapfo iyo kumonyi; kiheri uwekeri kulya opangenyi Mndumii-Ruwa nakuwika mawokonyi hako. Wandu wako maata walenjiwia njikuwahe, kyaindi njilekusaṟia. Ngahamba njechihoṟuo owoko loko iwutia mndumii oko kiwichopfo kyamba o namsambuṟe nyi Mndumii-Ruwa kashio mafuda.