WALEWI 18:5 - Bibilia Kui Mdedie fo Kimochi

⁵ Kui kipfa kya isho mochiwada mawawaso hako na mdumbuye yako; sa mndu echihahendelia nawade moo, Inyi nyi Mndumii.

WALEWI 18:5 ပူးပေါင်းရင်းမြစ်များ

NEHEMIA 9:29

Kowaikimba waindie mawawaso hapfo. Kya indi kipfa kya mrima yawo injiumu, walaikunde iindia wuwawaso wopfo, kyamba ichu moindia wuwawaso wopfo nyi sa echikaa na moo. Nawo ko orikiki lowo, walakunde iicho ang'u iwa wahendeli.

IWUKA 6:2

Numa Ruwa kadeda na Mose kambia, “Inyi nyi Mndumii-Ruwa ;

IWUKA 6:29

kahamba, “Inyi nyi Mndumii-Ruwa; wia Farao mangi ya Misri madedo ho hose njikuwia.”

IWUKA 6:6

Kyasia, wia wana wa Waisraeli, lnyi nyi Mndumii-Ruwa, na inyi njechimuwuta nyo muwuke ipfo shia maṟio ha Wamisri, na inyi njechimuashuo wusingenyi wowo, na inyi njechimukiṟa kui owoko luhoṟotsu, na kui mwanduye fung'anyi;

YESAYA 55:3

Dehenyi madu hanu, na injichea; Njiadanyienyi nanyo mochiwada moo; Inyi njechiwika mkundana fo mlungana, ee, osaṟiyo lo Dawidi luwanzi.

EZEKIELI 18:9

mndu cha icho kawa moosha mawawaso hako na muanduye foko, icho nyi akeri o wusumuhanyi nao nyi echikaa na moo.” Nyi wudo Inyi Mndumii-Ruwa ngahamba.

EZEKIELI 20:11

Ngawainenga mawawaso hako, na iwalosha sungusihu tsako kundu orio mndu oose echitsiosha naidime ikaa na moo.

EZEKIELI 20:13

Kya indi mba i ya Israeli ilenjileha kulya nuka, wakaweumbuya mawawaso hako na sungusihu tsako tsilya tsekeinenga moo mndu ulya eketsiosha. Wakawefanyitsa sabato tsako, ngahamba njechiwasotsia nyashi yako kulya nuka ihende iwarumatsa piu.

EZEKIELI 20:21

Kyaindi wanawo wakanjimina walakunde iosha mawawaso hako, manya ichumia kiidi kya sungusihu tsako kundu waidime ikaa na moo, wakawefanyitsa sabato tsako. “Ikyo kikanjinenga makusaṟo hewakapa na nyashi yako iwaolokie kulya nuka.

WALEWI 18:6

“Mndu oose o ko Waisraeli nalatikirie afui na odoe o kisharinyi kundu nalae nao, Inyi nyi Mndumii-Ruwa.

MALAKI 3:6

“Kipfa inyi Mndumii njekeweṟukaweṟukapfo; nkyo kitewe mularumatso, nyo wana wa Yakobo.

MATAYO 19:17

Nao kambia, “Nki ili ombesa kya iki kii kicha? Ichu a mcha nyi aiho umu tupu. Indi kokunda ida alya kwenyi moo kemanya mawawaso nohahendelye.”

LUKA 10:28

Yesu kambia, “Na ohaluo kisumhanyi, kewewuta kudo na ochikaa uwone moo.”

WAROMA 10:5

Kyamba kilya Mose ahambye kya wuhoṟotsu oshangunyi lo wuwewonyo kui mweeke fo wuwawaso kikeri kiile ke, “Nyi mtanyi mowutana chandu mawawaso hahambie nyio mndu echiwada moo na mweeke fowo.”

WAROMA 7:10

Na inyi ngaendyo opfu kukanjihoya ke wuwawaso-wo wuwenjiwia okiiyo wowuuya injiendie opfu.

WAGALATIA 3:12

Kya indi mawiko haichi wuidiki wupfo, ho hehenda na kilya kehamba, ke moawutsya ishi shii shiwawase echikuwonya moo kui mweke fosho tupu.

NGUMBUO YA MAWAWASO 30:20

Mukunde Mndumii-Ruwa, Ruwa onu muindie ṟu lyake na ioshana nao. Kyamba mukawuta mudo kyaloṟa Abrahamu, Isaki na Yakobo, ke nechimuinenga.”

NGUMBUO YA MAWAWASO 30:6

Mndumii-Ruwa, Ruwa onu, nechimuhaluo nyo na luwa lyanu muwade mrima fo wuindi kundu mumkunde o kui mrima fonu fose na ngoo yanu muidime ikaa na moo.

NGUMBUO YA MAWAWASO 4:1

Mose kaengeṟa ihamba, “Hendelienying'u na iosha mawawaso hose na shilya njilemulosha, kundu muidime ikaa na ichilia kulya orukenyi Mndumii-Ruwa, Ruwa o Wandeanu, aimuinenga.