WALEWI 18:27 - Bibilia Kui Mdedie fo Kimochi

²⁷ Wandu walesonguo ikaa orukenyi lo Kanaani walewuta isho shipfulutsie, nawo wakateṟefutsa orukalu.

WALEWI 18:27 ပူးပေါင်းရင်းမြစ်များ

1WAMANGI 14:24

Kuwewode wasoṟo wameluki wawei matsenge kiidi kya oruka, wakawuta shiteṟefutsie cha wandu wa mkambo walya Mndumii alewafuna oshangunyi lo wana wa Israeli.

2WAMANGI 16:3

Naleosha ohendo lo wamangi wa Israeli. Lya wueṟa naleitsa mana oke modonyi nawe kidaso, kechiosha mbuka mbicho tsa wahenu walewingio nyi Mndumii-Ruwa kiheri Waisraeli waweida orukenyi lo kyasa.

2WAMANGI 21:2

Nalewuta shiwicho oshangunyi lo Mndumii-Ruwa kechiosha njotende njiwicho tsa wandu wa mkambo iya Mndumii-Ruwa aleifuna oshangunyi loke, kiheri Waisraeli waweida kiidi kya oruka lo kyasa.

2MBONYI TSA MAHERI 36:14

Ngoseṟa ya isho, wakohanyi, handu hamu na wasongoru wa Yuda, na wandu wengi wakaoshana na mawuto hose mawicho ha wandu wa mkambo ingi sa wawewaṟingichie, na iindia sanamu na iterepfuo mba ya Mndumii-Ruwa, sa Mndumii aleitana njiele ipfo Yerusalemu.

EZEKIELI 16:50

Ambuya nyi walekushela na iwuta mawuto ha mkika oshangunyi loko, njechiwona kudo ngahenda iwakapa.

EZEKIELI 22:11

Wandu wengi wekewuta shindo cha wusutsu wechilaa na waka wa mṟasenyi yawo, wengi wakalaa na waka wa wana wawo, na wengi wakalaa na washiki wawo.

HOSEA 9:10

Mndumii-Ruwa nyi ahamba le; kiherikyo njilekoya Waisraeli, nyi wawei cha msabibu fuwedoye kundu ko nuka; Kiheri kyo njilekoyana na waku wanu, wawei cha mbeu ya kuwoka ya mashidi ha msinepfu , kyaindi kiheri waleshika Baal-peori, wakalya mma yeindia Baali. Wakawa kindo kisuikie cha kindokyo walekikunda.

WALEWI 18:24

“Mulakuteṟefutse kui iwuta shindosho kyamba kui kipfa kya ikyo njikeri ifuna mkambo ya wandu wai oshangunyi lonu; kipfa wekewuta isho na ikuteṟefutsa.

WALEWI 18:26

Indi nyo na wahenu wai kiidi kyanu kimuwaṟi iwada mndumbuye na mawawaso hako manya mulawute isho shipfulutsie.

WALEWI 18:28

Kyasiang'u, nanyo, manya mulawute isho, shile wudo orukalo lochimudaika chando luledaika walya wawemusongoe ikaapfo

NGUMBUO YA MAWAWASO 20:18

walashike icha imulosha mbuka tsawo njiwicho wekewutia maruwa hawo nanyo mushike inyamaṟia Mndumii-Ruwa, Ruwa onu.

NGUMBUO YA MAWAWASO 23:18

Pesa tso tsose tsawukana na wuṟuhuiwo tsilawiko mwano fo kiteṟio ko Mndumii-Ruwa, Ruwa onu, ipfo hekalunyi; kyamba mndumsoṟo angu mndumka ai mṟuhui ipfo hekalunyi nyi kindo kisukiṟie Mndumii-Ruwa.

NGUMBUO YA MAWAWASO 25:16

Mndumii-Ruwa, Ruwa onu nasuo kya iwo wose wekewuta shindo shido sha wulembi.”

NGUMBUO YA MAWAWASO 27:15

‘Naseso mnducho oose ekesungusia sanamu yepacha ang'u yetsana na iihoṟotsa ko kiṟika, kindo kikisungusie na mawoko ha wuaria kisukiṟie Mndumii-Ruwa, Ruwa onu.’ Na wandu wose waidikie, ‘Ameni!’