WALEWI 18:24 - Bibilia Kui Mdedie fo Kimochi

²⁴ “Mulakuteṟefutse kui iwuta shindosho kyamba kui kipfa kya ikyo njikeri ifuna mkambo ya wandu wai oshangunyi lonu; kipfa wekewuta isho na ikuteṟefutsa.

WALEWI 18:24 ပူးပေါင်းရင်းမြစ်များ

MAWOOKIONYI 15:16

Na njukuna tsapfo wechiwuya na iya kyamba wunyamaṟi wo Waamori womeawukiapfo.”

1WAMANGI 9:7

Kyasia njesamiṟa wandu wako Israeli wuka oruka lu njilemuinenga, na mba njileishimbuo kipfa kya rina lyako, njechiikumba kuleshe na inyi, na yechiwa kindo kemino na ipiṟo kiidi kya wandu wa mkambo yose.

2MBONYI TSA MAHERI 33:2

Nalewuta wunyamaṟi oshangunyi lo Mndumii-Ruwa, ko ichumia mchumie njiwicho cha iya ya wandu wa mkambo sa Mndumii-Ruwa alewafuna kiheri wandu wake wa Israeli wawekeri ianga orukenyi lo Kaanani.

EZRA 9:1

Shindosho shamemarisika, wanene walya wakacha na koko wakanjiwia Waisraeli na wakohanyi wawo na Walewi, walemekuletsane na wandu wa wa oruka lu wai wewuta mawicho pfo; Waamoni, Wamoabu, Wamisri, Wakaanani, Wahiti, Waperizi, Wayebusi na Waamori.

SHIIMBO SHA DAWIDI 106:39

Nyi wudo walefanyitso kui maṟunda hawo, wakawuta wuṟuhui kui mawuto hawo.

YEREMIA 44:4

Manya kudo, inyi orio kiheri njilemudikia waṟundi wako waikimbi njechihamba; Mulawute kindo-ki kiwicho njikisuuye!

EZEKIELI 36:17

“Iyo mndu! Ili mandi Waisraeli wawekeri kulya orukenyi kowo, nyi walelufanyitsa ko mchumie na mawuto hawo. Ambuya nyi njileṟinganyisha mawuto hawo cha mndu mka ili akeri kiidi kya mfiri yake.

WALEWI 18:3

Nanyo mulawute mawuto cha halya wekewuta orukenyi lo Misri kundu muwei; manya mulawute mawuto cha walya wa orukenyi lo Kanaani kundu njimuduo. Manya mulaoshe mawawaso hawo.

WALEWI 18:30

Ko ikyo ringenyi kui wuhendeli isho shose njimuwawasa; mulaoshe miichiwieyo yose yepfulutsa ilewuto nyi walya walekaa orukalu mulamecha, mulacheiteṟefutso nyisho. Inyi nyi Ruwa Menyipfinya, Ruwa onu.”

MAITALA 35:34

Mulaterefutse oruka mokekaapfo, oruka sa njikeripfo; cha kipfa inyi Mndumii-Ruwa njikeri kiidi kyanunyo Waisraeli.”

1 WAKORINTO 3:17

Kokoya mndu anyamaṟa hekalu lya Ruwa, na Ruwa echinyamaṟa mdu cho. Kyamba hekalu lya Ruwa lii yele, nalyo nyi nyo.

NGUMBUO YA MAWAWASO 12:31

Mulaindie mudo Mndumii-Ruwa, Ruwa onu, cha kipfa orio kindo kipfulutsie Mndumii-Ruwa nyashi waleshihaluo maruwa hawo; tane wakoṟa wana wawo wa kika na wa kisoṟo modonyi, wechidasia maruwa hawo.

NGUMBUO YA MAWAWASO 18:12

Kyamba mowuta mbonyi cha itsi nyi kisukiṟie Mndumii-Ruwa; na kipfa kya mbonyi cha itsi Mndumii-Ruwa atsisuo, Ruwa onu nekefuna wandu wa mbaṟi ii oshangunyi lonu.

NGUMBUO YA MAWAWASO 9:4

“Mndumii-Ruwa, Ruwa onu, kamemaa ifuna wanduwo oshangunyi lonu, manya mulahambe mrimenyi yanu ke, “Kipfa kya wuhendeli wodu nkyo kimaduma Mndumii-Ruwa aleluende luchilie orukalu, kundu Mndumii-Ruwa afuna wanduwa oshangunyi lodu kipfa wai wanyamaṟi.

NGUMBUO YA MAWAWASO 9:5

Chi mochiidima ichilia orukalu lowo kipfa kya ili mui wandu wecha ang'u muwode mrima njiheṟemtsupfo; kyaindi Mndumii-Ruwa, Ruwa onu naifuna wanduwo oshangunyi lonu kipfa kya wunyamaṟi wowo nao nakundi iwanza idedo lilya aleliia waku wanu nyamu, Abrahamu, Isaki na Yakobo.

WACHILI 20:10

Lochisambuṟa wandu ikumi (10) kiidi kya orio wandu ihana limu (100) lya Israeli, wandu ihana limu (100) kiidi kya wandu kiku kimu (1,000), wandu kiku kimu (1,000) kiidi kya wandu shiku ikumi (10,000). Iṟunda lyawo nyi iendie wodoyawo kando iwo wehoṟuo mṟi fo Gibea kiidi kya oruka lo Benyamini ko mbutie fu fo ngafu na wutondo wu walewuta kiidi kya Israeli.”

WACHILI 20:5

Kyaindi wandu wa mṟi fo Gibea wakacha kio wakatengeta mba iya luwelee pfo. Wawerie injiwaha, wakawutia isuria lyako mkao mbicho wakalaa nao itane apfa.

WACHILI 20:6

Ngaduo mnying'a foke ngamdumbuo-dumbuo shiteno na ishiduo ko shishari shose sha Israeli, kipfa walewuta kindo kiwicho kya wusutsu kiidi kya Israeli.