WALEWI 17:4 - Bibilia Kui Mdedie fo Kimochi

⁴ manya nalemende na mongo fo ihema lyesanzia, kundu nalekie mwano ko Mndumii mongo fo ihema lya Mndumii; mnducho nechiitalo ke nawode mti fo samu; napusuo samu; na mnducho nechiletsano kuleshe na wandu wake;

WALEWI 17:4 ပူးပေါင်းရင်းမြစ်များ

MAWOOKIONYI 17:14

Na mndu msoṟo awode nyama ya kichong'u ya kitaṟe kyake alamdine, mndu cho naletsano na wandu wake, nyi afunja mkundano foko.”

SHIIMBO SHA DAWIDI 32:2

Nanga ulya Mndumii alechimwitalia madeko, Mrimenyi koke kulawode mtambo.

IWUKA 12:15

Mochilya mkate ilantarang'ashe ko mkonu mfungade; mkonufo fo kuwoka mochiira orio mtarang'ao fose fulawono kiidi kya mba tsanu manyale, cha kipfa mnducho oose echilya mkate fumtarang'ashe wokia mkonu fo kuwoka tane mkonu fo mfungade, mrima foke fochiletsano kuleshe na Waisraeli.

IWUKA 12:19

Mkonu mfungade kulawono mtarang'ao mmbenyi tsanu manyale; cha kipfa mnducho oose echilya ikyo kikiwike mtarang'ao, mrimafo fochiletsano kuleshe na chila ya Waisraeli, nawe mndu mokaa wuhenunyi ang'u nawe mndu amfee wuhenunyi.

IWUKA 30:33

Mnducho oose echilongalonga mafuda ofano lo iha, ang'u mnducho oose echishimbuo mndu mhenu na mafudaha, mnducho nechiletsano kuleshe na wandu wake.”

IWUKA 30:38

Mnducho oose echisungusia uvumba ofano lo iwo, kundu nawupfamire, mnducho nechifunyio kuleshe na wandu wake.”

YESAYA 66:3

Ichu moshinja mbe na cha ichu awaha mndu; na ichu awuta kidaso kya ichondi nyi kimu na ichu afunja nzingo ya kite; na ichu awuta mwano foke nyi cha ichu awuta samu ya nguwe; na ichu mopfaamiṟa nyi cha ichu mowikia sanamu ona; ee, wasambuṟa njia tsawo wawenyi, na mbihu yawo ikachihiṟo nyi mawuto mawicho.

EZEKIELI 20:40

Ko ifumvu lyako liele, ifumvu lileshe lya Israeli, Mndumii-Ruwa nahamba adi, wandu wo wa Israeli na walya wose wai kulya orukenyi wechicha injiindia, na inyi njechiwaambia, wawenjiendie shidaso shawo na shiinengo shawo shiele wasambuṟie.

WALEWI 1:3

“Shiinengo shake kokoya nyi kidaso kemaya modonyi kya mmbe, nechilekia pung'a njiheṟemtsu; nechiende na alya mongo fo ihema lyesanzia, kundu naidikio oshangunyi lo Mndumii-Ruwa.

WALEWI 17:10

“Na mndu oose o mba ya Israeli, ang'u kiidi kya wahenuwo wai kiidi kyawo, echinyo samu, ya mbaṟiyo yose, njechilema kyamu kyako koke mnducho ekenyo samu, na Inyi njechimkumba kuleshe na wandu wake.

WALEWI 17:14

“Kyamba kundu kui moofo fo indo nyi ipfo samunyi yalyo; ko ikyo njilewia wana wa Waisraeli, mulalye samu ya mbaṟi yose ya indo; kyamba moo fo mando hose nyi kiidi kya samuyo yaho; icho oose echiilya nechiletsano na wandu.

WALEWI 17:3

Mnducho oose o mba ya Waisraeli echishinja mmbe, ang'u kidahina kya ichondi, ang'u mburu, kiidi kya mfiṟihenyi, ang'u sa echimshinjia nja ya mfiṟiha,

WALEWI 17:5

kundu wana wa Israeli waende mwano yawo, waishinjie mademenyi, ee-da waendie Mndumii tane mongo fo ihema lyesanzia ko mkohanyicho, natsishinje tsiwe mwano fo ofoṟo ko Mndumii.

WALEWI 17:9

manya alaende na mongo fo ihema lyesanzia, kundu naisembeṟie ko Mndumii, kyasia mnducho nechiletsano na wandu wake.

WALEWI 18:29

Wandu wose wechiwuta shindosho shipfulutsie na kikaki wechiwiko kuleshe waletsano na wandu wawo.

WALEWI 20:16

Kokoya mndumka atikiria indo kalaa nalyo kiwaṟi mkacho nawoho na indolyoda; wechikudika ipusuo samu yawo wawenyi.

WALEWI 20:18

Kokoya mndumsoṟo alaa na mndumka ai merinyi, wose wawawi kiwaṟi waletsano na wandu wawo; msoṟocho nalaa na mndumka ai merinyi na mkacho ai merinyi nalaa na mndumsoṟo.

WALEWI 20:3

Inyi njimonyi njechikoyana na mnducho njimletsane na wandu wake kipfa kya ili alekia umu o wana wake kidaso ko ruwa Moleki na kudo kafanyitsa handu hako haele handu hamu na rina lyako.

WALEWI 3:2

Nao nechihekia owoko loke o mdohu fo mmbe yo aiilekia, na imshinjia o mongo fo ihema lyesanzia; na wana wa Aroni, Wakohanyi wo, wechiolia samu yakyo alya rasionyi njora tsose.

WALEWI 7:18

Na nyamayo yose ya kidasokyo kyake ya kidaso kya ofoṟo ikalio ili lya mfiri fo kaṟaṟu, molekia kidaso echiidikiopfo, manya yechiitalio ko ichu moilekiapfo; yechiwa nyi kipfulutsa, na mnduchu moilya nechiduo wuwicho woke.

YOHANE 10:7

Nahong'u Yesu kawawiase, “Nyi lohi kya lohi ngamuwia, inyi nyi mongo fohenda kundo machondi hai.

YOHANE 10:9

Ngiṟi iya nyio inyi. Mndu aida napfo aidia koko nyechikiṟo na yanga napfo na iwuka napfo nawekoya na ura.

YOHANE 14:6

Adi Yesu kahamba, “Inyi nyiyo njia, lohi na moo. Ma kwipfo msa echishika ko Wande alashitso nyi inyipfo.

WAROMA 4:6

Na wudo na Dawidi ahambye kya sia ya mndu Ruwa amtanyie mhoṟotsu kulai ko mawuto.

WAROMA 5:13

Kyamba wunyamaṟi wuwei kunu wuyana kiheri kulawewode wuwawaso, indi wunyamaṟi wulahenda italo alyando kulaipfo wuwawaso.

WAROMA 5:20

Indi wuwawaso wulya wuweoshye-ho wofeṟya iho lilya. Indi ipfo kundo wunyamaṟi womfo, mpfondo wutonga woshika ifo kawi wochilimba.

NGUMBUO YA MAWAWASO 21:8

Hoi Mndumii-Ruwa, kehooṟia wanduwa wapfo, Waisraeli kulewatalaa, kulawonyie wandu wapfo Waisraeli mti fo wuwahi wo mndu alawode mti, kewahooṟie dekoli.’