WALEWI 17:15 - Bibilia Kui Mdedie fo Kimochi

¹⁵ Kingise, orio mndu echilya mnying'a, ang'u nyama sa iraherahe nyi indo, kokoyanyi mndu amfee kiidi kyanu, ang'u nyi mhenu, nechisanja nguo tsake, nawesamba kose na mṟinga, nao nechiteṟefuka mṟasa kyukanyi; nlyondi echiheṟemka

WALEWI 17:15 ပူးပေါင်းရင်းမြစ်များ

IWUKA 22:30

Nawudo ochiwuta ko wuwee wo mmbe tsapfo, na machondi hapfo, kyaindi nochishileka shionge ko mayawo ko mkonu mfungade na mkonu fo nyanya nonjiendie.

IWUKA 22:31

Nanyo nyi wandu wako wasambuṟe, koikyo manyamulalye nyama injiwahe nyi mando ha ngeṟenyi, kyaindi nyamayo mochikumbia mashite.

EZEKIELI 4:14

Na inyi ngahaluo ngahamba, “Hoi Mndumii-Ruwa njilemelye kindo kyose kyapfa kitusu pfo, manya kyawoho nyi mando ha njiapfo. Njilemlye kindo kifanyi kuwokia wututu wokopfo.”

EZEKIELI 44:31

Wakohanyi wawode momu folya shilehe ang'u indo lya pfa lienyi ang'u lyawoho nyi mando ha ngeṟenyipfo.”

WALEWI 11:24

“Nanyo mochiteṟefuka mrimenyi kui kipfa kya shumashi; orio mopaaya mnying'a fosho nechiteṟefuka mrima mṟasa kyukanyi,

WALEWI 11:25

na mnducho oose echiduo ikyo kyose kya mnying'a yasho nechisanja nguo tsake, na nechiteṟefuka mṟasa kyukanyi.

WALEWI 11:27

Kingise orio kiumbe kekechumia na shitanga shake, kiidi kya shiumbe sho shose shekechumia na madende haana, isho nyi shindo shiteṟefukie konu; icho oose echipaaya mnying'a yasho, nechiteṟefuka mṟasa kyukanyi.

WALEWI 11:28

Na msa echiduo mnying'a fosho nechisanja nguo tsake, na nechiteṟefuka mṟasa kyukanyi, isho shose nyi shiterefutsie konu.

WALEWI 11:31

Isho shose nyi shindo shiteṟefukie kiidi kya isho shekeafuo; icho oose echishipaya, kiheri shipfiie, nechiteṟefuka mṟasa kyukanyi.

WALEWI 11:32

Na kindo kyo kyose kechihoya mnying'a fo indolyo, kechiteṟefuka; kokoya nyi kihia kya kidi, ang'u nguwo, ang'u njonyi, ang'u ikunyia, kihia kyo kyose kechihoyo, ki nyi kihia keṟunda iṟunda lyo lyose kiwaṟi kiwiko mringenyi nakyo kechiteṟefuka mṟasa kyukanyi, nlyondi kechiheṟemka.

WALEWI 11:39

“Kokoya kopfa indo lyose, sa muwode momu folya, msa echipaaya mnyuing'afo nyi echiteṟefuka mṟasa kyukanyi.

WALEWI 11:40

Na msa echilya nyamayo nechisanja nguwo tsake, nao nechiteṟefuka mṟasa kyukanyi; na msa echiira mnying'a folyo nechisanja nguwo tsake, nao nechiterefuka mṟasa kyukanyi.

WALEWI 15:10

Mnducho oose echipaaya kindo kyose kikileṟie wanda ya nguoyo mnducho nechiteṟefuka mṟasa kyukanyi; na msa echiiṟa shindosho nechisanja nguo tsake, na isamba na mṟinga, nao nechiteṟefuka tane kyukanyi.

WALEWI 15:21

Mnducho oose echipaaya kitaṟa kya mkacho nechisanja nguo tsake, na isamba mbihu foke na mṟinga, nao nechiteṟefuka tane kyukanyi.

WALEWI 15:5

“Mnducho oose echipaya kitaṟa kyake nechisanja nguo tsake, na isamba mbihu foke na mṟinga, nao nechiteṟefuka mṟasa kyukanyi.

WALEWI 22:8

Mkohanyi nalalye nyama ya indo lyapfa lyilienyi ang'u lyawaaho nyi indo lya ngeṟenyi, nalashike ikuteṟefutsa. Inyi nyi Ruwa Menyipfinya.

WALEWI 7:24

Kingise, mafuda ha indo lyapfa lilienyi, ang'u mafuda ha indo lyaraho nyi mando hengi mlalye manyale, muwode momu foṟunda-naho maṟunda hengi.

MAITALA 19:19

Mkonu fo kaṟaṟu na fo mfungade, mndu sa amheṟemtsu nechiolia mndu aterefukie mṟingafo; nyi wudo echiheṟemtsa mnducho aterefukie mfirifo fo mfungade, nao nechisanja nguo tsake nawesamba kose, na kyukanyi nechiheṟemka.

MAITALA 19:21

Wandu wechiindia iwawasolyi kiheri kyose. Mndu echiolio mṟinga foheṟemtsa nechisanja nguo tsake; na icho echiwada mṟingafo futerefukie nechiterefuka mṟasa kyukanyi.

MAITALA 19:8

Mnducho echikoṟa mmbeyo nao daa nechisanja nguo tsake na mṟinga na isamba kose na mṟinga, nao daa nechiterefuka mṟasa kyukanyi.

NGUMBUO YA MAWAWASO 14:21

Mulalye kindo kyose kyapfa kikienyi; mochiidima iinenga mhenu ekekaa kiidi kyanu, nakuliie, ang'u mochiidima ikumbia mndu o mkambo fungi, cha kipfa mui waele na Mndumii-Ruwa, nyi Ruwa onu. Mulakoṟe kihuṟuwi ang'u kisuwana na maruwa ha mae.”

OTAMBAHALUO LO YOHANE 7:14

Na inyi ngambia, “Iyo, Mndumii oko, ukiichi.” Nao kanjiwia, “Iwa nyi wachee waalenyi wulya wung'anyi wakawesanja maṟao hawo ipfo samunyi ya kidahina ki wakahailisha-ho hakaila pang'a.