WALEWI 17:11 - Bibilia Kui Mdedie fo Kimochi

¹¹ Kyamba moo fo mbihu nyi ipfo samunyi fui, na Inyi ngamuinenga nyo samuyo rasionyi, kundu muwike kisanza kipfa kya mrima yanu; kipfa nyi samuyo yekewika kisanza kipfa kya mrima yanu.

WALEWI 17:11 ပူးပေါင်းရင်းမြစ်များ

MAWOOKIONYI 9:4

Indi nyama tsiwode samu manya mulalye.

WALEWI 1:5

Nao nashinje mmbeyo oshangunyi lo Mndumii-Ruwa; numa wana wa Aroni wakohanyiwo wechiende samuyo hafui, na iolyia samuyo mbai ya rasio lii o mongo fo ihema lyesanzia.

WALEWI 16:11

“Na Aroni nechisembeṟia mmbe ya mwano fohoṟio wunyamaṟi, iyo ii kipfa kya mrima foke, na iwika kisanza kipfa kya mrima foke amonyi, na kipfa kya mba yake; nao nechishinja mmbe iya ya mwano fohoṟio wunyamaṟi ii ya mrima foke.

WALEWI 17:12

Ko ikyo njilewia wana wa Waisraeli, kuwode momu mndu o konu nanyo samupfo, manya mhenu ai kiidi kyanu nalanyo samu.

WALEWI 17:14

“Kyamba kundu kui moofo fo indo nyi ipfo samunyi yalyo; ko ikyo njilewia wana wa Waisraeli, mulalye samu ya mbaṟi yose ya indo; kyamba moo fo mando hose nyi kiidi kya samuyo yaho; icho oose echiilya nechiletsano na wandu.

WALEWI 4:25

Numa mkohanyi nechiira samuyo ya kidaso kya wunayamaṟi na kimnyo kyake naiwike ndumbenyi tsa rasio lya kidaso kemaya modonyi; na samuyo yakyo naipusuye oo shia rasio lya kidaso kemaya modonyi.

WALEWI 4:26

Na mafuda hakyo hose naharumatsie oo rasionyi, chandu alerumatsa mafuda ha shidasosho sha ofoṟo; nao mkohanyi nechimbikia kisanza kipfa kya wunyamaṟi woke; nao nechihoṟio.

WALEWI 8:15

Nahong'u kaishinja; Mose kaira samu yayo kashia na kimnyo kyake ndumba tsa rasio lilya njora tsose, kaheṟemtsa rasio, numa kapusiya samuyo alya wanda ya rasio kaiheṟemtsa, kundu nawike kisanza kui kipfa kya ikyo.

MATAYO 20:28

Na chando Mana o mndu alalecha kunu kepfuṟukanyo, nyi kundu o napfuṟukane-ho naweinengya-ho na moo foke fuwe ndalai yetalaa wafoi.”

MATAYO 26:28

Iki nyi samu yako ya mkundano mhya ikeri yolo kipfa kya wandu wafoi kya ihoṟyo nyonjamaṟo.

MARIKO 14:24

Kawawia, “Iki nyi samu yako iṟingishia mkundano fo Ruwa; samu ikeri ipusuo kipfa kya wandu wafoi.

WAROMA 3:25

Nao nyio Ruwa alemtana njoko yeoloṟa mondu fulya, iwe kui samu yake ko iwo womemwidikya. Nalewuta ado kundu namanyishe wuhoṟotsu wu woke na kya mwidyo fulya aweidya matahachyo halya ha kacha mwidyo.

WAROMA 5:9

Kikawa kido naso lui-watane wahoṟotsu wulalu oshangunyi lo Ruwa kui pfinya ya samu iya yake, nyi wuda kya ngoseṟa lochikaa luhende iletso nyio tuuke iya ya Ruwa.

WAEFESO 1:7

Nyio lukuwode nao ai ndalai kui samu yake awewa mhoṟye fo mafurunjo fuidikyanyi na mfeṟa fo wutonga woke.

NGUMBUO YA MAWAWASO 12:23

Indi ṟingishienyi ke mokenyo samupfo; kyamba samu nyi moo; ko ikyo, mlalye moo handu hamu na nyama.

WAKOLOSE 1:14

Lui nao lukuwude na ndalai, mfo mhoṟie fo manyamaṟo.

WAKOLOSE 1:20

Kui samu ya Kristo msalabenyi Ruwa nalekunda isanza wuyana-wu nao. Ruwa kawika-ho oforo, kechisanza shose sha ruwehu na sha wuyana-wu nao.

WAEBRANIA 13:12

Nkyo kitewe na Yesu alewawiṟo ora lo nja lo kichumi kya mṟi fulya kundu nailishe mkambo foke kui samu yake.

WAEBRANIA 9:22

Kala nyi kufui shindo shose shekeilisho na samu woidikya wuwawaso; na shila samu yapusuo kowonyo mhoṟyepfo.

1PETRO 1:2

Kui kyama kya Ruwa Wande kiwesongoe kilemnenga kamusambuṟa moilisho nyi Mumuyo Mwele kyemwidikishya Yesu Kristo na imwolya samu yake. Wutonga na ofoṟo shimuwelukie welu.

1YOHANE 1:7

Indi kokoya luhendekye hando hai sa chando o ai na sa, nyi luwode kita so luwenyi na wenyi. Na samu ya Yesu Kristo Manoke, yalusanja wunyamaṟi wose.

1YOHANE 2:2

Nao Kristo menyi akeri njoko iinjiwike kya manyamaṟo hadu, indi chi kya njonyamaṟo tsandu tupupfo, na kya wunyamaṟi-wu wo wuyana wose.

OTAMBAHALUO LO YOHANE 1:5

Shiwukye ko Yesu Kristo ai mṟingishi ulya mhendeli o kuwoka iwada moo aṟukie wapfunyi, ai mnene o mangi tsa wanda ii. Nyio alukundi kaluletsa manyamaṟo hadu kui samu yake.