WALEWI 16:31 - Bibilia Kui Mdedie fo Kimochi

³¹ Nyi sabato ya sia ya osaaṟe kiidi kyanu, nanyo mochikuwinyisha mrimenyi yanu, nyi iwawaso lya mlungana.

WALEWI 16:31 ပူးပေါင်းရင်းမြစ်များ

EZRA 8:21

Ngawawasa lukuotoye alya medenyi fo Ahara, lochikunyiiṟa oshangunyi lo Ruwa lochimterewa naluringe na ilusongoya kiidi kya kyaṟo kyadu hamu na wana wadu na masaa hadu.

IWUKA 31:15

Iṟunda lyechiṟundo mkonu iṟandaṟu, kyaindi mkonu fo mfungade nyi mkonu mwele fosia moo nakamu, mwele ko Mndumii-Ruwa; orio mndu echiṟunda iṟunda lyo lyose mkonu fo mwele, kui kiilohi nechiwoho.

IWUKA 35:2

Ṟundenyi maṟunda mkonu iṟandaṟu, kyaindi mkonu fo mfungade fochiwa mwele konu; mkonu fo sabato fosia moo nakamu ko Mndumii-Ruwa; mnducho oose echiṟunda kiṟundiokyo kyose mkonufo nechiwoho.

YESAYA 58:3

Wekehamba, “Lomekuotoya kyaindi uwonyi pfo. Lowelisa mbihu yadu wukiwa, indi uambuyapfo. Manyenyi, mkonu fo ikuotoya muishiha sia tsanu muwenyi, na ilemeṟa iwo weṟunda konu wose.

YESAYA 58:5

Ngesa ikuotoya lya mbaṟi i njiwesambuṟie? Ngesa nyi mndu ikulisa wukiwa wo mbihu foke? Nyi ihongomitsa mdo cha iṟa lya msuki, na ikuwaṟahiya nguwo tsa masaṟa na ifu? Ngesa nochihamba nyi ikuotoya na Mndumii naweidikia?

DANIELI 10:12

Nlyondi alenjiwia, “Kulaowuo, Danieli, kyamba wokia mkonu fulya fo kuwoka ulewika ngoo yapfo sumuhana kundu nowade wuṟango, kowekunyiiṟa oshangunyi lo Ruwa, madedo hapfo haleichio; na inyi ngacha kipfa kya madedo hapfo.

WALEWI 23:32

Mkonufo fochiwa konu sabato yesiamoo na ikuotoya. Nyi mfiri fo ikumi fo merifo wokia kyukanyi tane kyukanyi kingi.”

WALEWI 25:4

Kyaindi maka fo mfungade nyi fo sabato yesiamoo; nyi sabato ya Mndumii-Ruwa. Mulawaye kindokyo kyose manya irawuya msabibu yanu.