WALEWI 16:29 - Bibilia Kui Mdedie fo Kimochi

²⁹ “Iwawasolyi lyechiwa iwawaso lya mlungana; kiidi kya meri fo mfungade mfiri fo ikumi fo meri, mochikuwinyisha mrimenyi yanu, mulaṟunde iṟunda lya mbaṟi yose, msa amfee kiidi kyanu na mhenu ai kiidi kyanu.

WALEWI 16:29 ပူးပေါင်းရင်းမြစ်များ

1WAMANGI 8:2

Wandu wa Israeli wakakusanza handu hamu ko Mangi Solomoni kiheri kya mkonu mnene fo meri fo Ethanimu fui meri fo mfungade.

EZRA 3:1

Meri mfungade yamsia wokia walewuya wusingenyi, Waisraeli wawemmaa isamia mṟinyi yawo, wakakusanza handu hamu kulya Yerusalemu.

EZRA 8:21

Ngawawasa lukuotoye alya medenyi fo Ahara, lochikunyiiṟa oshangunyi lo Ruwa lochimterewa naluringe na ilusongoya kiidi kya kyaṟo kyadu hamu na wana wadu na masaa hadu.

SHIIMBO SHA DAWIDI 35:13

Kyaindi inyi, kiheri wo waleluo, nguo yako iwekeri ikunyia njechiloṟa fowa; Njilekutuura mrimenyi na ikuotoya. Shiterewo shako shikanjiwuuya. Kipetenyi koko.

SHIIMBO SHA DAWIDI 69:10

Lyi lyamandi njilefihiṟa, na ituura mrima foko njekuotoya, kikawa nyi ilisa mrimafu wukiwa.

IWUKA 12:16

Mkonu fo kuwoka ipfo konu kochikaapfo kisanzio kiele, na mkonu fo mfungade kochikaa-pfo kisanzio kiele; kochiṟundo kiṟundio kyo kyose kiidi kya mkonuyopfo, shile na iyo sa orio mndu kimbaṟi nalye, ikyo tupu kiwutike konu.

IWUKA 20:10

kyaindi mkonu fo mfungade nyi sabato ya Mndumii-Ruwa, Ruwa opfo, mkonufo kulaṟunde iṟunda lyose, iyo, manya mana opfo, manya mana opfo okika, manya isinga lyapfo, manya mṟundi mka, manya shuma shapfo, manya mhenu akeri ipfo mṟinyi fopfo.

IWUKA 30:10

Nao Aroni nechiwika kisanza huya ndumba tsakyo ili limu ko maka; kui samu ya kidaso kilya kya wunyamari yewika kisanza, limu orio maka nechiwika kisanza, kiidi kya shishari shanu shose; nyi wuele mnu ko Mndumii-Ruwa.

IWUKA 31:14

Kyasia, mochiringa mkonu fo mwele; kipfa fui mwele konu; orio mndu echifuteṟefutsa nkya lohi kyake nechiwoho, kipfa orio mndu echiṟunda iṟunda mkonufo, mrima foke fochikumbo kuleshe na wandu wake.

IWUKA 31:15

Iṟunda lyechiṟundo mkonu iṟandaṟu, kyaindi mkonu fo mfungade nyi mkonu mwele fosia moo nakamu, mwele ko Mndumii-Ruwa; orio mndu echiṟunda iṟunda lyo lyose mkonu fo mwele, kui kiilohi nechiwoho.

YESAYA 58:13

“Kokoya oilacha mawuto hapfo ulatahache Sabato, ulawute na ikaa wuseṟeṟinyi mkonu foko Mwele; kolaha sabato mkonu fo sia, na mkonu Mwele fo Mndumii fuwode wuindi, kofuṟumisha, kulakioshese mahio hapfo kumonyi;

YESAYA 58:3

Wekehamba, “Lomekuotoya kyaindi uwonyi pfo. Lowelisa mbihu yadu wukiwa, indi uambuyapfo. Manyenyi, mkonu fo ikuotoya muishiha sia tsanu muwenyi, na ilemeṟa iwo weṟunda konu wose.

YESAYA 58:5

Ngesa ikuotoya lya mbaṟi i njiwesambuṟie? Ngesa nyi mndu ikulisa wukiwa wo mbihu foke? Nyi ihongomitsa mdo cha iṟa lya msuki, na ikuwaṟahiya nguwo tsa masaṟa na ifu? Ngesa nochihamba nyi ikuotoya na Mndumii naweidikia?

DANIELI 10:12

Nlyondi alenjiwia, “Kulaowuo, Danieli, kyamba wokia mkonu fulya fo kuwoka ulewika ngoo yapfo sumuhana kundu nowade wuṟango, kowekunyiiṟa oshangunyi lo Ruwa, madedo hapfo haleichio; na inyi ngacha kipfa kya madedo hapfo.

DANIELI 10:3

Ndelya kelya kelodapfo, ma nyama, ma mvinyo fulekuwasha na dumbu lyakopfo, ma njilekushia mafuda pfo, mṟasa mfungade iya iṟaṟu ikasia.

WALEWI 23:21

Mkonu na ifo mochiwika kisanzio kiele; mulaṟunde iṟunda. Ilyi nyi iwawaso lyeindio mlungana ipfo shisharinyi shanu shose, na handu hose mochikaa.

WALEWI 23:3

Kochikaapfo mfiri iṟandaṟu yeṟunda. Kyaindi mfiri fo mfungade nyi fo sabato: nyi mfiri fosiamoo, mochiṟundapfo, na machiwada kisanzio kiele. Mkonufo fo mfungade mochiṟundapfo, iyo nyi sabato sa injishimbuo ke yako Inyi Mndumii-Ruwa, kiidi kyanu mose.

WALEWI 23:36

Ko mfiri mfungade mochilekia mwano yekeinengo Mndumii-Ruwa, ko modo. Mkonu fo nyanya mochiwika kisanzio kiele na iinenga Mndumii-Ruwa, kidaso kemaya modonyi. Kisanziokyo kii kiele. Mulaṟunde kindo mfirifo.

WALEWI 25:9

Numa mfiri fo ikumi fo meri fo mfungade fui nyi mfiri fowikio kisanza, mochiduma mndu nakape iranda orukenyi kose.

WALEWI 3:17

Idedolyi lechiwa iwawaso lya mlungana, ipfo shisharinyi shanu shose, kiidi kya mba tsanu tsose, ke mochilya mafuda manya samu manyalepfo.

MAITALA 29:7

“Mfiri fo ikumi fo meri fo mfungade mochiwika kisanzio kiele. Mkonufo kiwari mukuotoye mulechiṟunda kindo.

MAWUTO HA WASU 27:9

Komeida-ho maheri sa hafoi na kyaṟo kyamba kiwode ngataṟa wulalu, kipfa mfiri yekuotoya iwemeida Paulo kawatutuma.

1 WAKORINTO 11:31

Indi kima luwekuanduya so luwenyi luwechidehelyopfo.

WAEBRANIA 4:10

Kyamba moangya ipfo kundu kuwode olele loke nyio aonyonya kya mawuto hake chando Ruwa aleonyonya kya halya hai hake.

1SAMWELI 7:6

Koikyo Waisraeli wose wakasanza kulya Mispa. Waledahia mṟinga na ifuletsia wanda oshangunyi lo Mndumii-Ruwa wakakuotoya mkonu fulya fose, wakahamba, “Lomewuta wunyamaṟi oshangunyi lo Mndumii-Ruwa.” (Samweli nawei msongoru o Waisraeli kulya Mispa).