WALEWI 16:22 - Bibilia Kui Mdedie fo Kimochi

²² Na mburuyo yechikudika wuwicho wowo wose mṟasa oruka lulawode wandu; nao nechida mburuyo ipfo nuka.

WALEWI 16:22 ပူးပေါင်းရင်းမြစ်များ

SHIIMBO SHA DAWIDI 103:10

Aleluwutia chandu kihianyi na manyamaṟo hadupfo; manya alelutaa chandu mawicho hadu hakeripfo.

SHIIMBO SHA DAWIDI 103:12

Chandu ora lo ngamenyi lui kuleshe na ora lo kyukanyi, nyi wudo awikie kuleshe manyamaṟo hadu naso.

EZEKIELI 18:22

Kyamba njonyamaṟo tsake tsose nyi tsechihenda ihoṟio, nao nechihenda ikia kipfa kya mawuto hake ha wusumuhanyi.

EZEKIELI 4:4

“Komemaa iwuta kudo henda ulae na ora lo kumoso. Kiheri kyose nochikudika iṟio lya njonyamaṟo tsa wana wa Israeli.

WALEWI 14:7

numa naolye mnducho aiheṟemtso saka ka mfungade nao nechihamba namheṟemtsu, numa nalekie kilehe kilya kii na moo kihende ngeṟenyi.

WALEWI 16:21

Na Aroni nechihekia mawoko hake hawi huya mdo fo mburu iya ii na moo, na itochia huyayo mawicho hose ha wana wa Israeli, na madeko hawo, ee-da njonyamaṟo tsawo tsose; nao nahawike huya mdo fo mburu iya; numa naiduo nahende nayo nuka ilawode mṟinga kui owoko lo mndu akuṟeheṟie.

WALEWI 16:23

Na Aroni nechiida na ihemenyi lyesanzia, nao nakuatuo maṟao hake ha kitani, sa aleṟaa mandi aleida na handu haele, nao nahadepfo,

MIKA 7:19

Nochiluhoṟia se, hoi Mndumii-Ruwa; nochiarisia kuleshe wunyamaṟi wodu, nochikumba wunyamaṟi wodu wose kiidi kya ipalipalyi.

YOHANE 1:29

Na ili lya ngama Yohane kawona Yesu kyechimchea kahamba, “Aiki kichondi kya Ruwa kyechiwuta-ho wunyamaṟi wo wuyana.

WAGALATIA 3:13

Nahong'u Kristo amelutalaa so oseso loluwukya mawikonyi halya kachekuwika shi ya oseso lo kelukaya-ho so kikawehendeka na wuitiki wo kilya kii kiṟehye, ke momasyo kidi-hu o ai msese.

WAEBRANIA 9:28

Na wudo na Kristo nyi aledambiko-ho limu lyewuta-ho manyamaṟo ha wandu wafoi; Ili lingi echikuloṟa na walya waimbedya kya okiio alawinye wunyamaṟi.

1PETRO 2:24

O amonyi kasanzya mbihu-hu foke manyamaṟo hadu kahadosya msalabehu hamu nafo, kundu so lukae lui waletsane na manyamaṟo lukapye moo foṟundya wuhoṟotsu. Nyi ichenje lyake lilemchiṟa.