WALEWI 16:18 - Bibilia Kui Mdedie fo Kimochi

¹⁸ “Numa nawukepfo nahendie rasio lyii oshangunyi lo Mndumii nawike kisanza kipfa kyake; nechiira samu ntutu ya ipung'alyo na ya mburu iya, na iiwika ndumbenyi tsa rasionyi njora tsose.

WALEWI 16:18 ပူးပေါင်းရင်းမြစ်များ

IWUKA 30:10

Nao Aroni nechiwika kisanza huya ndumba tsakyo ili limu ko maka; kui samu ya kidaso kilya kya wunyamari yewika kisanza, limu orio maka nechiwika kisanza, kiidi kya shishari shanu shose; nyi wuele mnu ko Mndumii-Ruwa.

EZEKIELI 43:20

Kyasia nyi ochiwuta samu yo uipusuye njora tsose tsa rasio na shindo shalyo shose na shitengu sho shalyo, kyamba nyi wudo ochilisanja rasio lyo na ilishimbuo.

EZEKIELI 43:22

Ambuya ili lya ngama nyi ochihenda iwuta kioṟo kilawode ipaṟi, nakyo nyikechiwa kidaso kewuta wunyamaṟi; kii kidi rasio lyo nyi lyechisanjo chando lilesanjo ko samu iya ya ipung'a lilya.

EZEKIELI 45:19

Mkohanyi nyi echiwuta samu ya kidaso kyo kewuta wunyamaṟi, naishie ipfo shiwango wangonyi sha mongo, ipfo ndumbenyi ya rasio, na shiwangowango sha mongo iya yeida na kulya mba.

WALEWI 16:16

nao nechiwika kisanza kipfa kya handu haele, kya mbonyi tsa ngafu tsa wana wa Israeli, na kipfa kya madeko hawo, ee-daa kipfa kya manyamaṟo hawo hose; nao nawewuta ado kipfa kya ihema lyesanzia, lyii handu hamu nawo makidi hawi ha ngafu tsawo.

WALEWI 16:17

Manya kochikaapfo mndu ipfo ihemenyi lyesanziapfo, kiheri echiida napfo iwika kisanza handu haelepfo, mṟasa naide na nja, kammaa iwika kisanza kipfa kya mrima foke amonyi; na kipfa kya mba yake, na kipfa kya mkambo fose fo Waisraeli.

WALEWI 4:18

Numa samu ingi naiwike ndumbenyi tsa rasio lii oshangunyi lo Mndumii liliwike ipfo ihemenyi lesanzia, numa samuyo yose naipusuye wanda shia rasio lya kidaso kemaya modonyi, lii o mongo fo ihema lyesanzia.

WALEWI 4:25

Numa mkohanyi nechiira samuyo ya kidaso kya wunayamaṟi na kimnyo kyake naiwike ndumbenyi tsa rasio lya kidaso kemaya modonyi; na samuyo yakyo naipusuye oo shia rasio lya kidaso kemaya modonyi.

WALEWI 4:7

Numa mkohanyi nawike samu njiangu huya ndumba tsa rasio ledutsia uvumba wucha oshangunyi lo Mndumii, likeri ihemenyi lyekusanzia; numa samu yo ingi yose ya ipung'alyo nechiipusuya wanda o shi ya rasio ya kidaso kemaya modonyi, likeri mongonyi fo ihema lekusanzia.

MAITALA 28:22

Mochilekiase kioṟo kimu kiwe mwano fowuto wunyamaṟi, kundu muwikio kisanza.

YOHANE 17:19

Nyi kimaduma kyawo ngakutana mwele inyi kundu nawo da wahende itano waele kui wukilohi wulya.”

WAEBRANIA 2:11

Kyamba ichu mwilishi na iwa weilisha wapaṟikye ko ichu wose. Nkyo kimarete alapfia sonu yewalaha wanawawama.