WALEWI 15:13 - Bibilia Kui Mdedie fo Kimochi

¹³ “Na icho awodo nyi ode lya kichomba kamemarisa iheṟemka lya odelyo kyake nechikuitalia mfiri mfungade ya iheṟemtsolyo lyake; nasanje nguo tsake; nao nasambe mbihu foke na mṟinga fo medenyi; nao nechiheṟemka.

WALEWI 15:13 ပူးပေါင်းရင်းမြစ်များ

IWUKA 29:35

Nyi wudo ochiwutia Aroni na wana wake, kisumhanyi na isho shose njilekututuma; nochiwawika kiṟundionyi kiele mkonu mfungade.

IWUKA 29:37

Na iyo nochiwika kisanza kipfa kya rasio lyo mkonu mfungade, na ilyiheṟemtsa; nlyondi rasio lyechiwa liele mnu nakamu; orio kindo kechipaaya rasio kechiwa kiele.

YEREMIA 33:8

Njechisanja njonyamaṟo tsawo tsose na iwahoṟia wuwicho wowo na imina lyawo.

WALEWI 14:10

“Naho mfiri fo nyanya naire masuwa hawi haawukie, na ihuṟuwi lyimu lya maka fumu lyiawukie, na shienga shiṟaṟu ko ikumi sha kilo 3 tsa mso mmamiri shiwe mwano fo mso, shilongolongo na mafuda, na shienga shiṟaṟu sha lita sha mafuda.

WALEWI 14:8

Na icho echiheṟemtso nechisanja nguo tsake, naode njui tsake tsose, nasambe na mṟinga nao nechiheṟemka; kamemarisa isho naideng'u na mfiṟihenyi, kyaindi nechikaa nja ya ihema lyake ko mfiri mfungade.

WALEWI 15:28

Kyaindi mndumkacho kameheṟemtso kipfa kya iwuka samu iya yake, nlyondi echiitala mfiri mfungade, numa nechiheṟemka.

WALEWI 15:5

“Mnducho oose echipaya kitaṟa kyake nechisanja nguo tsake, na isamba mbihu foke na mṟinga, nao nechiteṟefuka mṟasa kyukanyi.

WALEWI 8:33

Manya mulaide na nja ya ihema lyesanzia ko mfiri mfungade, itane mfiriyo yanu yeheṟemtso yashika; kyamba nechimushimbuo ko mfiri mfungade.

WALEWI 9:1

Nahong'u kuwei mfiri fo nyanya, Mose kalaha Aroni na wana wake, handu hamu na wameku wa Waisraeli;

MAITALA 12:14

Kyaindi Mndumii-Ruwa kawia Mose, “Kokoya ndee kawempuchia mada kyamunyi kyake, ngesa awechiṟeenze mfiri mfungade? Kyasiang'u, mmbute na nja ya handu hesia moo nakaepfo mfiri mfungade, numa nomnenge momu nawuye na handu hesia moo.”

2 WAKORINTO 7:1

Kyasia-ng'u ili lui wateṟye shasa shidi, lanye wakunde, lukuheṟemtse so luwenyi kya ngafu yose iya yefanyitsa mbihu na iya yefanyitsa mumuyo lichiawutsya wuele lui na wuowu wo yowuo Ruwa.

YAKOBO 4:8

Mutikirie Ruwa nao echimtikiria nanyo. Haramishenyi mawoko, nyo wanyamaṟi, ketanenyi-ng'u wo ngoo tsanu ngeha, nyo wenyi mrima iwi.

OTAMBAHALUO LO YOHANE 1:5

Shiwukye ko Yesu Kristo ai mṟingishi ulya mhendeli o kuwoka iwada moo aṟukie wapfunyi, ai mnene o mangi tsa wanda ii. Nyio alukundi kaluletsa manyamaṟo hadu kui samu yake.