WALEWI 14:21 - Bibilia Kui Mdedie fo Kimochi

²¹ “Kyaindi kokoya nai mkiwa, na elechiidama iwona kiheokyo, nlyondi echiira kidahina kya kisuwa, kiwe mwano fo madeko fo kuchakucha, kundu nawike kisanza kipfa kyake, na kienga kya ikumi kya efa ya mso mmamiri, fumlongelonge na mafuda shiwe mwano fo mso na sheenga shiṟaṟu sha mafuda.

WALEWI 14:21 ပူးပေါင်းရင်းမြစ်များ

YOBU 34:19

O ekekundia wanene isaṟa kya wasuṟi kota wakiwa-pfo kipfa wose nyi iṟunda lya mawoko hake.

MFANANO 17:5

Motaluo mkiwa nekesutsa momuumba; Na mochihiyo kipfa kya opfu echiwuṟa ngapopfo.

MFANANO 22:2

Msuṟi na mkiwa wekekooyana kimu; Mndumii nyio alewaumba wose wawawi.

EZEKIELI 46:7

Ko orio ipung'a lyechiwuto na isuwa ko kidaso, nyi kiwaṟi kuwewuto lita ikumi na mfungade na kyenga tsa mso na lo orio kidahina kya ichondi, kuwekaapfo kindo kyose mangi echiwuta na ko orio kidaso kya mso kechiwuto kyakoyo kuwewuto lita tsiṟaṟu tsa mafuda.

WALEWI 1:14

“Shiinengo shake echiinenga Mndumii-Ruwa, shiwe shidaso shemaya modonyi, ko koya nyi shilehe, nlyondi echiende mwano foke kui mbeta ang'u malea ha mbeta.

WALEWI 12:8

“Kokoya masaa ha mndu mkacho halashikie wuhuru, wo ihuṟuwi, o nlyondi echiende mbeta tsiwi, ang'u malea hawi ha mbuna; limu lya kidaso kekoṟa, na lya kawi lya kidaso kya wunyamaṟi; nao mkohanyi nechiwika kisanza kipfa kyake, nao nechiheṟemka.”

WALEWI 14:10

“Naho mfiri fo nyanya naire masuwa hawi haawukie, na ihuṟuwi lyimu lya maka fumu lyiawukie, na shienga shiṟaṟu ko ikumi sha kilo 3 tsa mso mmamiri shiwe mwano fo mso, shilongolongo na mafuda, na shienga shiṟaṟu sha lita sha mafuda.

WALEWI 14:22

Naende mbuna tsiwi angu malea hawi ha mbeta chandu aidima ihawona; ilyo lyimu lyechiwa mwano fo wunyamaṟi na ilyo lya kawi lyiwe kidaso kekoṟa.

WALEWI 27:8

Kokoya mnducho mowika kyasakyo nyi mkiwa aleidima itaa wuhuruwo, kyasiang'u mndu nechidao ko mkohanyi. Mkohanyi nechimnenga wuhuru woke wuhianyi na wuidimi wo icho mowika kiteṟio.

WALEWI 5:11

Kyaindi nalaidime iwonambeta tsiwi, ang'u malea hawi ha mbuna, nlyondi echiende mwano yake kipfa kya idedolyo alelitehia, kienga kya ikumi kya efa ya mso mmamiri, kiwe nyi mwano foke fohoṟio wunyamaṟi; nalawikyoho mafuda huyafo, manya ubani wulahekioho; kyamba, nyi mwano fohoṟio wunyamaṟi.

WALEWI 5:7

Kyaindi kalemo iwuta ihuṟuwi, nlyondi echiendie Mndumii mbeta tsiwi, ang'u malea hawi ha mbuna, kiwe nyi mwano foke fo wunyamaṟi wo woke alewuta; kimuho kya shilehesho nyi mwano fo wunyamaṟi, na kya kawi nyi kidaso kemaya modonyi.

LUKA 6:20

Naalyo kairia meso kaambuya walya wa kiloshionyi kyake kahamba, “Wungusu nyo mui wakiwa, cha kipfa wumangi wo Ruwa nyi wui wonu!”

2 WAKORINTO 8:12

Kyamba mteseheṟye fo chila kokoya fuiho nyi fuchihiṟye ipfo kundo kuwode kindo chi ipfo kundo kulawode.

2 WAKORINTO 8:9

Kyamba muichi ngata ya Mndumii odu Yesu Kristo irie wutonga woke, nyi ili awei msuṟi adi kahenda haluka mkiwa, kundu nyo ipfo wukiwenyi woke mukuwutie-ho iwa wasuṟi.

1SAMWELI 2:8

Nekeiria wakiwa kuwuka kilulyinyi, nekeiria wawuṟie kuwuka mafunyi, kawadamiṟa handu hamu na wanene, na iwainenga kioṟa shidinyi sha kiṟumi. Kyamba ngo tsawuyana nyi Mndumii-Ruwa; o naleilika wuyana huya ngo tsake.