WALEWI 13:45 - Bibilia Kui Mdedie fo Kimochi

⁴⁵ “Numa icho awodo nyi saka awode ndaaṟe kiidi kyake, nguo tsake tsechiranduo, na njui tsa mdohu foke tsilashikio, nao napfumbuṟie momu foke fo huye, nakoṟoṟome, “Njiteṟefukie, njiteṟefukie.”

WALEWI 13:45 ပူးပေါင်းရင်းမြစ်များ

MAWOOKIONYI 37:29

Reuben kawuya na alya ṟungunyi lya mṟinga, ate! Yosefu ai kulya ṟungunyipfo, karanduo nguo tsake.

2SAMWELI 13:19

Kyasia, Tamari kakushia mafu mdonyi na iranduo iṟinda aweṟee, kahekia mawoko hake mdonyi, na ihenda nja kechifihiṟa na iṟu ling'anyi.

2WAMANGI 7:3

Kyasia kuwewode wandu wana wawewodo nyi saka, wawei o kichuminyi kya mṟi wakawiana, “Kitewe nyi kiki lokaa iya mṟasa lupfe?

YOBU 1:20

Kiidima Yobu kahoṟoka, karanduo maṟao hake, kaoda njui tsake, kakukumba wanda na kyaamu kaidapfuma Ruwa

YOBU 42:6

Ko ikyo matumatu hamu na ikushia kiluli na ifu, ngakuwona inyi njimonyi chi kindo-pfo."

SHIIMBO SHA DAWIDI 51:3

Kipfa inyi njiichi madeko hako, na wunyamaṟi woko wui oshangunyi loko kitsitsi.

SHIIMBO SHA DAWIDI 51:5

Ambuya, njimuumbe, kiidi kya madeko; Wusu wo wama wulenjiduo nyi wo wunyamaṟi.

YESAYA 52:11

“Hendenyi konu, hendenyi konu, wukenyi ipfo, mulapaaye kindo kifanyi; wukenyi kiidi kyake; muwe waele nyo mukeri iduo shihia sha Mndumii.

YESAYA 6:5

Nalyo ngahamba, ochia loko kipfa njidekie; kipfa njiwode dumbu liichuo wunyamaṟi, na njikeri kiidi kya wandu wafanyi wunyamaṟi madumbunyi hawo; na meso hako hamewona Mangi, Mndumii menyi Matorito.

YESAYA 64:6

Kipfa so lose lui cha mndu afanyi, na mawuto hadu hose hai cha nguo ifanyi ngafu; so lose luinaa cha maṟa na mawicho hadu hakaluwuta chandu otanu lokewiwita.

YEREMIA 3:25

Lulae na sonu tsadu, iṟenze lyadu lilushikie; kipfa luledekio Mndumii-Ruwa odu, so na wandeye wadu, wokia wukoho wodu itane inu, ma luleindia ṟu lya Mndumii-Ruwa odu-pfo.”

YEREMIA 36:24

Ma chandu mangi na waṟundi wake waleicho madedo ho hose waleowuo ma iranduo maṟao hawo ko wukiwa pfo.

SHILIO 4:15

“Hendenyi! Hendenyi!” Nyi wudo wandu walewafuna, “Nyo nyi mufanyi ngafu manya mulakuwashe naso. Wakakuṟahia ṟahia kiidi kya mkambo ya wandu kulakaepfo manya umu alewaambia.

EZEKIELI 24:17

‘Ambuya nyi ochisumukia kya indi uladose ṟu. Manya ochiloṟa iawuka lya icho apfapfo. Ṟaa kidami kyapfo, uwekuṟaya shadu shapfo, manya ulashikie oshangu lopfo manya ilya kelya kya iawuka.’

EZEKIELI 24:22

Nanyo nyi mochiwuta chandu njilewuta inyi kyamba mochishikia njoshangu tsanu pfo, manya mochilya shelya sha iawuka pfo.

YOELI 2:13

Ma mularanduo nguo tsanu mochiloṟa fowa, randuonyi mrima yanu.’ Wuyenyi Mndumii-Ruwa, Ruwa onu. O naichuo wutonga na isaṟia ling'anyi; ekesuo owinyi-pfo, nawode wucha wung'anyi wo mrima; ma ekechihiyo ikapa wandu-pfo.

WALEWI 10:6

Numa Mose kawia Aroni na wana wake Elieseri na Ithamari, “Mulade njui tsa mdohu yanu tsinjitaṟafuo, manya mularanduo maṟao hanu; kundu mulache ipfa; na iendie mamingifu, nyashi ya Mndumii-Ruwa na kingise, kulasuuye chilayo yose; kyaindi wana wa mayanu, wa mba yose ya Israeli wakape kilio kipfa kya modofo Mndumii alewaatsia.

WALEWI 13:44

o nyi mndu awodo nyi saka, nateṟefukie, ngapo yake ii mdohu foke.

WALEWI 21:10

“Mkohanyi oose ang'anyi kiidi kya wodoe, nao nang'anyie wodoe, nao namshie mafuda hakaletsio mdohu foke, kashimbuyo kundu naṟae maṟao maele, nalade njui tsake tsiwe owicho manya nalaranduo nguo tsake ikapa kilio.

MIKA 3:7

Iwa waichi ihamba mbonyi tsechicha wechisonu, walya waichi ihamba mbonyi wechisuka; wechipfumbuṟia madumbu hawo, kipfa Ruwa echiwahaluo idedo - pfo.

MAITALA 5:2

“Wawasa wana wa Waisraeli wawute na nja ya kambi orio mndu awodo nyi saka, orio mndu ekeuka ofia, na orio mndu alekuterefutsa kui ikupaaya na mnying'a.

LUKA 17:12

Kekiida na kimṟinyi kimu, naaho wasoṟo ikumi mawawodo nyi saka wakamkumbuhana; wakahoṟoka aleshe.

LUKA 5:8

Simon Petro awona adi kacha ikuhutsa alya shi-ya madende ha Yesu kahamba, “Kekure nombuke Mndumii, kipfa inyi njikeri mndu makideko.”